ليتني لم اكن انا

الحلقة الأولى

قال الإمام علي ( ع)

لم اتمنى البكاء يوماً ولكن هم الزمان ابكاني

تمنيت العيش كما تريد نفسي ولكن عاشت نفسي كما يريد زماني 😔

بغداد  8:30 صباحاً

ام سعد… حوراء يمه حوراء اكعدي جيبي ريوك

حور… سحبت البطانيه وغطيت راسي .بيبي والله نعسانه ادري لويش ميروحون همه

ام سعد.. دكومي يا عيني غير انتي لزغيره وصغير القوم خادمهم هههه

حور… كمت بقله حيله واني معصبه حفضت والله حفضته يوميه نفس الجمله

ام سعد… هههههه دكومي حبيبتي هاج افلوس مدت يده بجيبه ونطتني ورحت غسلت وجهي وطلعت من باب  المطبخ يصير منه للطارمه دورت على انعالي ماكو يوميه نفس الرنه ادور وماالكاه شفت شحاطه عمي اباب الستقبال لبسته كولش اجبيره بس اسمه شحاطه

طلعت امشي واشخط بيه بلشارع
احنه بيتنه ركن على الشارع العام اكو اهوايه محلات قريبه علينه

بس اني كول يوم اشتري من ابو عبير يصير خال مرت عمي سلام

امشي وادردم ويه روحي

خال نسرين  .. يا هلا بهل صباح

حور… هلو بيك عمو

خال نسرين ..كولي عمو المحل كوله بخدمتج

حور…اريييد؟؟ جبن عرب ومربه وبيض وقشطه وبس

خال نسرين .. هههههه اذكري خاف ناسيه شي ؟

حور …  لا بس ذولي  انطيته الفلوس ونطاني الريوك. ودا اطلع صاح وراي متكده مناسيه شي وكفت وصفنت هوه ابتسم اتذكرت ضربت كصتي ورجعت

خال نسرين ..ها اشناسيه

حور ...علبه حليب لبيبي

عفيه بلشطوره هاج لا تنسين شي ويرجعوج عليه جيبيهن كولهن ..ماشي عمو اشكرك

لخال..  اكول باباتي انتي يمته يدخلوج مدرسه اتوقع عمرج فوك العشر سنوات

حور… على السنه الجايه تكول بيبي

لخال .. هاااا يله بابا روحي اتخرتي

حور… رجعت للبيت اركض واتعثر دخلت للطارمه

سلام…  اجت الثوله وين جنتي يحجي ومعصب اني ضليت امتمت لئن كولش اخاف منه

سلام..  تعالي حيوانه اشون تاخذين الشحاطه وتمشين بيه

اني كبل نزعته والله عمو جنت مستعجله واخذته
لزمي من ضفيرتي وجرني حيل سويهه النوب وشوفي بت النعال اجتي نسرين اخذت الريوك اتحضرله واني ضليت واكفه بره اخاف اتحرك وعيط عليه هوه كعد على مصطبه مخليه بره
رجع باوع عليه وعاط ..فوتي جوااا لابارك الله بيج بت العار واكفه يمي اشتردين

اني عاط بيه وطكيته ركضه لغرفه بيبي كبل للفراش لفيت نفسي بيه وضليت ابجي علكيف اخاف

ام سعد  تجر بلبطانيه واني مجلبه بيه وابجي يمه حوري اشبيج ليش تبجين اكعدي اتريكي حبيبتي

حور .. ماريد ماريد اكلت سم انشالله

ام سعد… حوراء شنو هل حجي عيب ماما لتغلطين

حور .. احجي وابجي هوه اني لو ابنج مخله غلطه مغلطه عليه من الصبح

ام سعد… ميخالف ماما غير عمج ويمون عليج لازم سويتي شي وعصب عليج يله كومي

حور..  وخرت الغطه وحضنته حيل ودموعي تصب بيبي كولش حنينه اول موعيت على الدنيه لكيته كدامي هيه الي توكلني وتلبسني وتسبحني وتنومني بحضنه ريحته كولش طيبه دوم انام بحضنه هيه كولش كبيره بلعمر عمره حوالي 80 سنه بس بعده حلوه بيضه مثل الكطن وخدوده حمر وجهه كوله تجاعيد واديه هم وبيه دكات زرك بحنجه.وبديه ورجليه هيه كولش تحبني مرات من ابجي تبجي وياي تكولي اني كول يوم ادعي مااموت قبل ما اشوفج ابيت زوجج يله اموت مرتاحه لن اذا عفتج اهنا ابد ما ارتاح

ام سعد… هههههه يمه فدوه لبنيتي لحلوه

حضنتني حيل وكال انه ليوم اروح لعمتج ناديه اذا سمعتي لاكلج عليه اخذج وياي خووش

اني كولش فرحت اي بيبي  خووش

تريكت ولميت غرفتنه الي عباره عن كنتور وبوفيه عليه افراشات بيبي الجديده كولش اهوايه بس مصفطات بترتيب بين كول فتره تجي عمتي سلوى اترتبهن وتغسل الوصخ منهن اني وبيبيتي انام على الكاع انمد جودليتين ونام عليهن غرفتنه بيه

تلفزيوه وثلاجه  وحصيره وميز انخلي عليه افراش النوم

دا ارتب بيه واسمع حجي بره بس مفتهمت شنو
اتقربت من الباب وسمعت بيبي واعامامي يحجون بعصبيه وصار صياح وحجي قويه اني كولش اخاف من الصوت كبل بس على لعياط ركضت ختلت وره الكنتور اكو مجال بين الكنتور والحايط دخلت بيه

وكلبي يدك منكد مايدك قوي اسمع صوته بذاني

وخليت اديه على اذاني هاي عاتي كول ما صارت مشكله

وره اشويه واسمع صوت  كولش قوي
مثل شي طك

وصات الاصوات اقوا واقوا من بين كول الهوسه

اسمع صوت بيبي تكول يمه راح وليدي يمه
وليدي

وللقصة بقيه اتمنى ان تنال إعجابكم

دعمكم يعنيلي لاستمرار اخواتي لتقصرون .😍😍
اختكم سيدة القلق 😘😘الى اللقاء على الود والمحبة