صحيت الساعه 8 ع صوت دق الباب،، مشيت فتحت لقيت بتين واقفين قدامي الاولى طويله(اطول مني)، شعرها لونه اشقر و عيونها زرقاء😢 و ضعيفه ي يمه انا م بنت كان كده، و التانيه شكلها عربيه بتشبه الخليجيين، قالوا لي هاي انت جديده هنا فحبينا نتعرف عليك،، قلت ليهم اهلا اهلا اتفضلوا،، دخلتهم قعدتهم ف الصالون،، و بقوا يحكوا لي انه كل وحده جات قرت هنا ليه و أهدافهم و طموحاتهم و كده الشعرها اشقر اسمها jane (جين) ف سنه رابعه ،الخليجيه اسمها نجود ف خامس،قالوا لي نحن بكره ماشين نشتري حاجات الجامعه من السوق و كده تمشي معانا، قلت ليهم طوالي لي لا اصلاََ كنت محتاجه زول يوريني😂، وودعتهم و مشوا،،مشيت رتبت هدومي ف الدولاب و ختيت حاجاتي كلها ف محلها،، و مشيت المطبخ طلعت لي اكل كله سلطات و اكل صحي🙂، وين الملوخيه وين اللحمه وين انا😭😭،، المهم حاولت اكله لانه انا الفتره الفاتت د كلها باكل اكل تقيل م متعوده،،مرا اليوم و رقدت نمت و صحيت بدري كان عندي كتاب اسمه( ارني انظر اليك)،، قعدت اقرا فيه و عملت لي قهوه بعد م صليت الفجر،، لحدي م جات الساعه سبعه ضربت لناس ماما عشان اطمنهم علي م كان ف رد شكلهم نايمين 😂، بديت اللبس عشان ماشه اعمل شوبينق(shopping) ،لبست تونكه سوداء مع هودي اسود و جكت فوقهم بتاع جلد،، و بنطلون جينز سكيني لونه فاتح و جزمه اسبورت بيضاء و طرحه بيضاء و شارب(تحت الطرحه) ابيض،، و مرقت قلت اكشف للشوارع عشان اعرف حبه مرقت من العماره حقتنا لقيت عمارات كتار،، و كان ف ولد قاعد ليه ف بنش قصاد عمارتنا و عامل وشم ف جسمه كله لابس تشيرت و برمودا،، بعاين للناس بطريقه غريبه و م بتكلم مع اي زول،، عاينت ليه كده هو قام عاين لي بنظره مخيفه، كسرت نظرتي ووريت البواب انه ماشه برا قريب و جايه،، المهم شرحت ليه و اداني الاذن مرقت لفيت كده كان ف حديقه و فيها بنشات مرصوصه لونها ابيض و مع الخضار حاجه كده ف قمة الروعه و الجو رهيب😭،، و جنبها محل بتاع قهوه و بعمل شوكلتس ووافل و الحاجات د ،، اشتريت ارخص شي عشان قروشي م تنتهي وقعدت ف البنشات،، لقيت ناس jane, و نجود مارين قدامي م انتبهوا لي،، مشيت عليهم كوركت ليهم،، قلت ليهم هاي صباح الخير ردوا علي قلت ليهم التسوق خليته و لا شنو؟! ،قالوا لي لالا بس مشينا هنا قريب و كن جايينك ف غرفتك،، قلت ليهم تمام،، قالوا لي عندنا حاجات نطلعها فوق و نجي،، مع انهم م كانوا شايلين شي ف يدينهم🙄،، المهم قلت ليهم خلاص طيب،، انزاتي ماشه اجيب زيادة قروش،، و دخلوا قدامي مشيت دفعت حق الهوت الشوكلت الاشتريتها،، و لحقتهم،، لقيتهم بعاينوا للولد القبل شويه و بحمروا ليه و هو كان قايم عليهم بنظره بتاعت غضب قاموا هم سرعه سرعه دخلوا، استغربت قلت ماف داعي اتدخل،، وريت البواب بطاقتي و مشيت طلعت لغرفتي،،تلفوني ضرب ديل ناس ماما ضاربين لي فيديو كول سلموا عليي وسالوني و كده،،دخلت جبت لي قروش زياده و مرقت لقيتهم منتظرني و باين عليهم متوترين،، قلت ليهم انتوا كويسين قالوا لي اي، قلت ليهم تمام ارح......
لا تثق بسرعه ف الاشخاص الغرباء او ربما القرباء كلاهما قد يكون له وجهان الاول يخدعك و الاخر يكرهك.. 💕🌿
#كسره
د م اسمها روايه عشان الروايه عندها قوانين خاص و قواعد و مفروض تكون اقل شي متين و حاجه صفحه،، ف بس سموها زي م دايرين بس من ناحيتي انا بعترف انها م روايه 🌚♥️...
