مرقوني من المستشفى ركبنا تاكسي و رجعت البيت معاي عسجد و مؤتمن و عمار مشى قال عنده شغل... مؤتمن ودعنا عشان ممنوع يخش للبنات ف عمارتهم و ادى عسجد الادويه بتاعتي(طبعا البواب لمن شاف حالتي سمح لعسجد انه تخش و كده عشان تكون مرافق بالنسبه لي) ...عسجد قالت لي مؤتمن الدكتور كان ماله!! قال ليها انه الدكتور بس قال انه تبعد من الارهاق و التعب لانها م بتتحمل جسمها ضعيف و وصف لي الادويه د... قالت ليه طيب و شكرا ليك كتير ع وقفتك معانا قال ليها ع شنو ي زوله... و طلعنا غيرت هدومي لبست بجامه و اديت عسجد معاي انا رقدت و عسجد قاعده ف السرير قلت ليها عسجد انا اول م جيت هنا ف حاجات م كويسه بتحصل لي حاسه عالمي كله محيط بالمخدرات اي زول اتعرفت عليه مدمن او عنده علاقه بيها.. م مطمنه للشي ده انا!!. انا خايفه ي عسجد انه يكون د اثر مخدر البحصل لي د و بقيت ببكي حاولت امسك دموعي بس م قدرت ... جاتني رقدتني ف رجولها و بقت تمسح لي ف راسي قالت لي انه م بحصل لي شي كعب و البحصل كله ربنا مقدره و كله لخير مدام انا م عملت شي غلط..... قلت ليها افتحي لي قران.. فتحت لي بصوت هزاع البلوشي سورة البقره😢💛،،و من غير م احس نمت لانه كنت تعبانه شديد و مرهقه من الجري بتاع الجامعه و الشغل..... صحيت الساعه ١٠ لقيت عسجد ماف دخلت الحمام استحميت عشان اتنشط حبه،،صليت الصبح و قريت قران المسافه د عسجد جان داخله و معاها اكياس كتيره... خلصت و قلعت اسدال الصلاة.. قالت لي صباح الخير 💃.. قلت ليها صباح النور💃.. قالت لي بقيتي كيف؟ قلت ليها تمام الحمد لله احسن كتيرررر.. قالت لي جبت ليك اكل لقيتك مقطعه معندك 🌚.. قلت ليها شكرا يظريفه اعيه كل يوم و لا كيف!! قالت لي لالا يااخ نحن اهل الكرم بجيب ليك من غير تعيي😎... قعدنا فطرنا و اتونسنا و ضربت لي ناس ماما... ماما قالت لي صوتك د ماله كده؟!!.. قلت ليها ساي بكون عندي نزله... قالت لي متاكده؟ قلت ليها ايي و سلمت ع بابا قال لي انتبهي ع حالك و حافظي ع صحتك.... قفلت اطمئنيت حبه.... عسجد قالت لي انا ماشه الشغل محتاجه حاجه قلت ليها لالا م قصرتي تب😘.. قالت لي يلا خلي تلفونك قريب عشان حاضرب كل دقيقه اشوفك.. (الاصحاب الحقيقيين نعَمه).. قلت ليها طيب يلا مع السلامه....
مرقت مشيت رقدت نمت حبه كده صحيت بصوت تلفوني بضرب (فكرتها حتكون عسجد لانه ماف زول عنده رقمي د الا هي و ناس بيتنا) ....لقيته مؤتمن.. قال لي كيف بقيتي؟ قلت ليه تمام الحمدلله،، الدكاتره سالوا منك.. و بنات كده برضه جو سالوني منك ف الجامعه.. قلت ليه بجد من متين محبوبه كده انا😂... قال لي انا زاتي استغربت... قلت ليه اه و المحاضرات كيف حضرتها ان شاء الله!! قال لي اي ي زوله كيف حضرتها و كلها كمان... قلت ليه لالا يااا صعبتها... قال لي عمليتي بكره... قلت ليه اي صحي ذكرتني الساعه كم؟ قال لي ١١.. قلت ليه اه و احساسك شنو عاوزه تبدا حياة جديده و كده... قال لي و لا شي بس ممكن تقولي حبة حماس... قلت ليه انت سخيف خلاص... قال لي مفروض اعمل شنو يعني انطط؟ قلت ليه لالا خلاص اه و هي حاره يعني؟ قال لي طبعاََ... قلت ليه ان شاء الله حتطلع بالسلامه و تتجاوز المرحله د و م حتخوفنا بعيونك تاني.... قال لي ان شاء الله😂... يلا م اطول عليك و بالمناسبه انا شلت رقمك من عسجد🌚... قلت ليه اصلا عرفت ماف زول عنده رقمي غيرها.. و ودعنا بعض و قفلت الخط... بقيت بتصفح ف الفيسبوك حبه.....
ف السودان:
ابوي و امي قاعدين بتونسوا قدام التلفزيون...
اميره:بالله شوف ي محمد العيال ديل كبروا كيف و بقى كل واحد فيهم مسؤول عن نفسه و عنده رأيه م تقول ديل الزمان بجو بسالونا من اقل شي..
محمد:اي.. هسه بعد كم سنه يتزوجوا و نبقى قاعدين برانا... م عارف حنقدر نفارقهم كيف هم العاملين لينا مواضيع ف حياتنا...
اميره:اي بس ربنا يوفقهم،،قلت لي ان ف مشاكل ف شغلك حتحكيها لي بعدين ف شنو.؟
محمد:ناس المدرسه عندهم مشاكل مع ناس تانيين و بقى فيها محاكم و كده ف حبدا افتش لي ف شغل تاني احتياط اذا فصلونا،،، ان شاء الله م يحصل كده لانه الزمن د م ساهل الزول يلقى شغل..
اميره:ايي م ساهل والله،، خلاص انا زاتي ببدا بفتش معاك مدارس محتاجين معلمين... كدي عاوزه اضرب لي لارا د اسال منها ليها زمن م بتضرب لينا..
عند ليان:
بعد مؤتمن طوالي ضربت لي عسجد... سالت مني قالت لي بدينا التجهيزات للحفله بتاعت المطعم و كلمت سيد المحل انك عيانه بتجي بعد اسبوع... قلت ليها ي بت اسبوع شنو كان م لفة راس و طمام بقيت كويسه انا بنزل بكره.. قالت لي ليان م تخاطري انت لسه ي دوب مارقه من المستشفى و الدكتور قال ليك م ترهقي نفسك،، قلت ليها كويسه انا هسه الحمدلله و لي بكره بكون رجعت ليان الرهيبه😎... قالت لي سمح خلاص اصلا عنادك د م بتخلي....
الصديق الحقيقي هو الذي يضحي من اجل سعادته... ليواسيك ف حزنك،، و يضحي من اجل نفسه،، ليعطيك من روحه. 💛🍂
يتبع.....
