قلت ليه الحمدلله😊،، قال لي مستعده؟... قلت ليه اي جهزت حاجاتي.. قال لي لا قصدي مستعده نفسيا؟.... لمن تجي ي ليان و مهما بابا قال ليك م تزعلي منه لانه هو اكيد حخاف عليك و بعدين الكلام د فيه محاكم و مخدرات و انت دخلتي القسم يعني نهائي حاجه م هينه عارفاك حتكوني شايله مني كتير بس انا اخوك و بتقدري تعاتبيني و ازعلي مني و حتى نبذيني بس عمرك م تختي حواجز بيناتنا،، عارفاك حتمثلي انه انت نسيتي اي حاجه و انا م عارف القصه بالزبط بس اوعدك انه انا حاقيف معاك مهما كانت النتائج... الو ليان ي بت!!!... اي معاك و صوتي مبحوح م كنت ناقصه كلام زي د نهائي كده يدوب الحخليني ابكي و اتذكر مؤتمن و اتذكر كل شي حصل معاي،، بكييتت تقريبا نص ساعه كامله ببكي و هو بقول لي لسه الدنيا د حتوريك كتير د نموذج بسيط.... هو فاكر انه انا جيت الحته د فجأه و دخلت القسم بالغلط م عارف انه انا اتخذلت من زول كنت خاته كل امالي فيه والله ي جماعه الالم البجي من الناس الانت بتخت كل عشمك فيهم عمره م بتنسي و ماف زول حقدر يشعر بالشعور الانت حاسي بيه حيقولوا د شنو الوهميه د ،، د م شي نهائي عشان تهول الامور د كده بس الالم لمن يكون ف القلب.... جروح الجسم كلها م بتساويهو ف حاولوا بقدر م تقدروا م تقللوا من الام الناس مهما كانت صغيره و تافهه ع حسب نظرتكم ليها و كمان م تقللوا تطيب الخاطر مهما كان قليل ب كلمه بس بتقدر تفرح زول او تموت زول و يبقى جثه حيه.. اي زول فينا اتقال ليه كلام لحدي اللحظه د م بنساهو و عمره م حينساهو ببقى علامه ف القلب و بتخليك تجفل من اي زول و معقد نفسياََ.... سكتت قلت ليه ي امجد خلاص انا بقيت كويسه و بشهق بين كل كلمه و كلمه م بحب اوري زول انه انا ضعيفه حتى لو كان اخوي..... قال لي خلاص طيب و نومي بعد د عشان وراك سفره و اخيرا حاشوفك بعد غياب خمسه سنين💜... قلت ليه ههه اي والله متشوقه اشوفك💜.... قال لي ههه يلا مع السلامه م اتقل عليك و امشي نومي م تفكري كتير...... والله رغم انه مكالمة امجد تعبتني بس برضو فرحتني كمية تناقضات كده غريبه ف شخصيتي او شخصية كل بنت بيحصل ليها مشاكل اول مره تواجهها...... بقيت صاحيه و سرحانه و بفكر حايحصل شنو بابا حيعمل لي شنو اي بابا متفهم بس لمن نغلط م بتهاون معانا نهائي.... ضربت لي عسجد.. استغربت رديت ليها قالت لي ي كلبه يعني خلاص دايره تمشي و تخليني من غير م نعمل اي مصيبه جاده انت؟ م قاده اتخيل ي ليان انه نحن خلاص حنفترق عرسي فضل ليه شهرين بس يعني حاجهزه براي؟ قلت ليها والله ي عسجد تعبانه ياخ م تعذبيني و عرسك بس خلي الفتره د تمر و انت اصلا حتعمليه ف السودان ف م اشكاليه يعني... قالت لي احي من سخافتك و برودتك انت عايني من الاخر كده انا تحت تعالي نازله عمو البواب نايم ف سابع نومه قبل م يصحى..... قلت ليها واااي عسجد يااخ انت مجنونه؟؟😕.. كيف اجي نازله و الباب اكيد حكون مقفول و انت الجابك هنا براك شنو وووبعليي منك بس يوم بتجننيني... قالت لي عايني م دايره كلام كتير معاك يلاا و بعدينك انا م براي و الباب حأنططك م تخافي😉.... انا عارفاها جنونها د يوم بوديها التوج لبست لي عبايه فوق بجامتي و قبضت شعري فوق و لبست طرحه و شلت تلفوني و مرقت سريع سريع اتسحبت عشان المره المسؤوله م تقبضني مكتبهم جنبنا بس بعيد حبه و د مسؤوله لو الطالبه حصل ليها شي او كده.... نزلت براحه براحه ضربت لي قالت لي جيبي لي مويه و كرواسون... قلت ليها ياخ م نشتري من برا بس شنو التخلف القام عليك!!.. قالت لي م بخصك جيبي لي و الا بجي بنط بجيب براي... عسجد د كل مره بتدهشني بتخلفها و جوعها الما بقدر اتحمله د..... طبعا بتكلم بصوت واطي و بكورك ف نفس اللحظه م تسالوني كيف🌚.... قلت ليها خلاص يااخ اخرصي م تطلعي زيتي حاطبر اجيبهم ليك انا الله يمرقني من الحته د بسرعه.... م خلتني اتم كلامي و قفلت الخط...... دخلت السوبر ماركت بتاع الكاشير بعاين لي من فوق ل تحت هو طبعا م مواجه البوابه حقت المجمع بفتح عكسه و الحمدلله يعني😂.... المهم كان بعاين لي احساس انت الجابك نص الليل شنو؟!!!!!... ابتسمت ليه ابتسامه بتاعت زول عامل مصيبه😁..... قلت ليه هلوو و دخلت شلت لي كرواسونايه بس و مويتين و حاسبته و مرقت وصلني لحدي الباب بنظراته بتاعت الشك... حسبي الله فيك بس ي عسجد وصلت البوابه و عاوزه اقتلها بس البوابه فصلتنا👊...... من ورا قلت ليها اصبري لي بس قالت لي اسكتتتتي ياخ هوس الزول د بصحى... اشرت ليها يعني حتنطتيني كيف؟!.... قالت لي اركبي هنا و هنا و هنا و نطي بس..... دخلت يديني و خبطها.... عمو اتحرك هو راقد ف الكرسي..... قالت لي شفتي وبعلينا لو صحى قعدت اتحسبن فيها لمن الله غفر لي و رفعت رجليني هنا و بعاين لي البواب و هكذا لحدي م نطيت و خميتها معاي بعيد و قعدت ادق فيها جا شرطي ماري زي م قلت ليكم بعملوا تفتيش قعد يعاين لينا قالت لي اسكتي اسكتي بعرفونا هاربين و بقينا ماشين بهدوء (طبعا المدينه د حاجه خرافيه يعني ليلها زي صباحها اشك انه ناسها بنوموا الانوا و البحر و الحاجات د م تديك الدرب 💜)...... قلت ليها اه مودياني وين؟ و بعدين قلت لي م جايه براك😒.... بقت تعاين لي كده🥺.... و بتحاول تمسك ف ضحكتها انا قعدت اضحك غايته بالجد الصحبه المجنونه رزق يعني حالتي وانا خايفه و انا بالعبايه و حالتي بالبلا و بنط ف الباب و الناس بعاينوا لينا زي المجانين حاجه ف قمة الخستكه😂😂😂...... نستني اي ششي و بس قعدت اضحك كانه م كان حاصل لي شي... قالت لي ياخ كده ورينا ضحكتك د 😉🤣....... قلت ليها غايته الله يشفيك انت.... مشينا الملاهي💃... اي عارفه بس لازم انبسط بأخر يوم لي هوا و بعدين عسجد حتفرق معااي كتتييرر😭... اول صحبه لي تكون بتخاف علي و عاشت معاي الحزن و الفرح و هي الوحيده بحاجاتها المجنونه د بنقدر تغير موودي💜الصحبات قدر م نتكلم عنهم م بنقدر نوفيهم حقهم....تلفونها ضرب... قالت اي اي قدام البوابه نحن سريع ياخ البت د مسافره لازم نرفه بيها حبه😉...... اي تعال سريع....
قلت ليها اجيي!! د منو الجاي د... قالت لي د......
صلوا ع الرسول (صلى الله عليه و سلم).
#كسره
يجماعه ادوني ارائكم يعني م ممكن بالطريقه د 🙂💔💔
