الصدمات تتوالى على عاتقي،، هذا هو نتيجة اختياري لهذا الطريق؟؟...
مرقت برا و لقيت بابا واقع ف الارض... م فهمت شي تاني ماما واقعه جنبه و بتصحي فيه امجد ماسك التلفون و بضرب للاسعاف..و سامعه ي احمد قوم احمد قوم وواااي خالينا لي منوووو نحن ي ود امجد واااااي اضرب لي الاسعاف الحق ابوك... الووو يااخ انا لي ثلث ساعه منتظر ياااخ حسبي الله و نعم الوكيل فيكم م تقولوا لي جاييين ياااخ ابووي حموت😠سررريعع و الا بشتكيكم للوزاره و نشوف منو اليتأخر تاني يكلاب😠😠...... انا واقفه جنب بابا و بعاين ليه بسس (اي انا لمن اتصدم بكون واقفه ف محلي م بعرف انا مفروض اعمل شنو)... نزلت تحت براحه و قلت ليه بابا؟ بابا قوم يلا بابا شاكلني انا م عندي مشكله بس م تخليني براي.. بابا انا ليان جيت دقيقه دقيقه م تشيلوا ابوي قلت ليكم م تشيلوه😭😠 بابا قوم شاكلني بابا انت سامعني صح و قعدت ابكي لأول مره ف حياتي احس انه انا نفسي اموت م نفسي اعيش كل ابتلاء بجيني انا بصبر و بقوي نفسي و بقول حاواصل حياتي عشان اهلي بس اذا اهلي فقدتهم حاتشجع بمنو تاني؟ .... رفعوه ف الاسعاف ماما ركبت معه بورا و انا و امجد ركبنا ف العربيه م كنت لابسه غير بجامتي و م واعيه ف شنو زاته بس الكويس انه البجامه طويله.... امجد قال لي د شنو ي ليان امشي البسي ليك عبايه... و انا ببكي قلت ليه امجد د م وقته ارح عشان نجيب بابا بكون بقى كويس بعد د ارح ارح... ليان قلت ليك قومي البسي ليك عبايه.... قلت ليه امجد بابا بموت ي امجد 😭😭...... لياان قلت ليك قوميي طيري البسي ليك زفت عبايه م تطلعي زيتي م ناقصك انا😠... و لا اقول ليك شي خليك انا بطير بجيبها.... مشى و جا شايل عباية ماما لبستها و لبست طرحه و امجد بقى طاير بالعربيه و بتكلم مع ماما ف التلفون انا خاته راسي ف الشباك ورببكي بس بتخيل لو بابا فقدناه و هو زعلان مني حاعيش مع الذنب د كيف؟ ربنا حيسامحني؟.. هل حاسامح روحي اصلا؟! حقدر اعيش من غيره؟ هزيت راسي و قلت ههه لالا طبعا د كله م حيحصل بابا حبقى كويس اكييد مش ي امجد؟ 😭😭.. قال لي اي ي ليان حيبقى كويس.... وصلنا المستشفى و بقينا قاعدين ف كراسي الانتظار و بابا دخله غرفة الانعاش قاعده جنب ماما و عيوني مورمه من البكى و ماما راقده في يدي و بتبكي.... 😭(لمن امك او ابوك يحصل ليهم اقل شي يحسسك انه هم ف يوم ممكن يروحوا من يدك هنا بتقعد تفكر ف اي غلط عملته ليهم ف اقل زعل زعلته ليهم المواقف من م اتولدت/ي د كله حيمر ف راسك زي الشريط و م عندك حل غير انه ربنا يقوموا بالسلامه و يديك فرصه ثانيه او يموت و بكده حتعيش ف ذنب م ليه حدود.. ربنا يرحم اب/ام اي زول و يغفر ليه).. ضربت لي لارا قالت لي ليان انت وين انا تحت ف المستشفى.. نزلت ليها كنت بزرر ف عبايتي لانها كلها لقيتها مفكوكه.... اتخبطت لي بي عمو كبير كده بكون قدر بابا... قال لي ي بتي كل شي بأمر ربنا و اكيد خيير اتطمني و امشي ادعي ليه المريض العندكم. 💛.... ابتسمت ليه قلت ليه شكرا ي عمو.... و نزلت مشيت لي لارا حضنتني و بقت تبكي معاي قلت ليها ي لارا بابا كان كويس و جا من الصلاة انا يدوب جيت من المطار كنت منتظره... و الله ي لارا كان كويس بس فجأه وقع م عارفه ماله 😭😭..... و زعلان مني كان 😭😭... قالت لي ليان اهدي خلاص ارح م حيحصل ليه شي بأذن الله..... وريتها رقم الغرفه انا مشيت اشتريت مويه و طلعت فوق ليهم تاني... الدكتور لقيته طلع.... قال لينا انه هو م كان بياخد دواء القلب بأنتظام و الضغط الشديد و الزعل مع عدم اخذ الدواء سبب ليه ارتفاع ف ضغط الدم و ادا لي وقف النبضات ف عملنا ليه صدمات و بعد م صحى للاسف... 😔.. ف شنو ي كتور قول ابوي حصل ليه شي؟ كويس هو صح؟؟ قال ليه اي هو كويس بي دخل ف غيبوبه... و بدات اصوات البكى ترتفع تاني ماما ضغطها ارتفع وقعت امجد رفعها و دخلوها غرفه براها بقينا م عارفين نزعل و نبكي عشان بابا و لا نتصبر عشان ماما😭عشنا اسواء الايام نمشي ليه بابا نبكي عنده و نمسح دموعنا و نبتسم و نمشي لماما... مر اسبوع اسبوعين تلاته اسابيع... ف الفتره د كلها مقضينها من المستشفى و ليه المستشفى... و ماما بنحاول بكله انه نطمنها و هي بتتماشى معانا عشان م تتعبنا بس كل زول فينا عارف انه مستحيل ماما تطمن الا بابا يصحى و يمشي قدامنا.. لارا مرات بتمشي بيتها و مرات بتخلي معي يس بتضطر انه اقعد ف البيت عشان تقدر تمشي تلفوني م عارفه وين و حياتي ملخبطه ب كله.. م عارفين الغيبوبه حتستمر لمتين عشان حياتنا ترجع زي م هي... امجد شغله بقى متدهور شديد مع مصروفات البيت و المستشفى المستحيل زول يقدر يتحملها مهما كان مستواه الاجتماعي و حصل غلط ف المستشفى بتاعته ف الناس بقوا م بجوهو و سمعت المستشفى بقت كعبه.... يعني حياتنا اتدهورت بكله الايامات د ابتعدت من ربنا كتتير بصلي وَصلاة كلفته عشان امشي انوم و اصحى عشان اشوف ماما انضف البيت عشان الضيوف البجونا و بشيلوا حالنا اذا لقوا البيت م مرتب🙂..... بمشي المستشفى بغضي نص يومي هناك بتكلم مع بابا بقولوا انه بسمعني😭.....برجع البيت بليل مع امجد و ماما مرات بتبيت مع انه ماف فائده للمبيت اصلاََ....
ف يوم كنت قاعده مع امجد بحكي لي عن المستشفى و المشاكل ووكده الاذان كان اذن ليه ساعه..امجد مشى صلى و جا و لقاني لسه قاعده ف محلي و سرحانه... قال لي ليان انت صليتي؟.... قلت ليه لأ بقوم هسه.. و قمت.. قال لي اقعدي ي ليان... قعدني جنبه قال لي لمن ربنا يبتلينا م مفروض نبعد منه و نزعل عشان الحصل... بالعكس ربنا بمتحن فينا عشان يشوف قوة ايماننا و قوة صبرنا.. ف اذا م رضيتي ف اعرفي انه حتخسري كتيررر و الكاتبه ربنا حيحصل حيحصل.. و اذا صبرتي و قربتي منه حتكسبي كتتييررر و بالدعاء ممكن يتغير القدر الكان مكتوب... ف اوعك تفرطي ف صلاتك ي اختي و ادعي لي بابا لانه د شي الوحيد البفيده حضنته و قعدت ابكي شديد لانه كلامه د كان بمثابه الكف الخلاني اصحى ع روحي... مشيت صليت و بكييتت شديد لانه الحصل لي د معناه انه ايماني م قوي😭😭 و دعيت كتير انه يغفر لي و يقوم بابا بالسلامه.. رجعت تاني لربنا و بقيت بصلي و بقوم الليل و بقرا قران كنت مخططه انه امشي ل بابا بكره لانه امبارح م مشيت... صحيت الصباح بدري نضفت استحميت و لبست مرقت لقيت ماما معاها ضيوف... سلمت عليهم و مرقت لقيت لارا ف وشي و شايله يس.. قالت لي ليان عليك الله امسكيه لي انا لي اسبوع م مشيت لي بابا بسببه عليك الله😔.... قلت ليها طيب ي لارا اخر مره م ممكن معاك ياخ 😒.... ممكن تقولوا اتأقلمنا مع الحصل لانه م عندنا خيار تاني.... اتذكرت انه انا عندي تلفون👋.. مشيت فتحته لقيت دشلميةةةة اتصال من عسجد و من عمار.. رجعت ليها قالت لي وين انت ي بت😠.... بضرب ليك من م وصلتي السودان م رديتي الحاصل ليك شنو؟ ع الاقل اضربي وريني انه انت وصلتي تخليني مقلقه كده قلت خلاص حصل ليك شي😠👊..... قعدت ابكي و حاولت اَمسكها بس م قدرت قالت لي ليان؟ ليان ي بت مالك ف شنو بتبكي م تجنيني انت كويسه امك و ابوك كويسين؟.. قلت ليها عسجد بابا.. اتخيلي انه بابا و بقيت بتنهد... كوركت فيني قالت لي ف شنو قوليييي!!!!!... حكيت ليها الحصل كله من الشنطه الاتسرقت لحدي بابا ووهو ف الغيبوبه ....
بقت تصبر فيني و كده....انتهيت مرقت برا غرفتي سمعت امجد بتكلم ف التلفون... قال انا م عندي قروش بقى انت صحبي الوحيد اي عارف عارف حارجعها ليك.... انت كلب و لا شنوو ي خساره الصحبه كان هي كده 😠م داير منك اي شي غلطان انا راتي و تاني ابقى راحل و عتب باب المستشفى د و اشحتني بس ي كلب 😠 و طخ قفل الخط و رمى التلفون ف الكنبه.... قلت ليه امجد؟؟ قبل راسه لقيته ببكي.. اتخيلوا اخوي ببكي؟؟ الما حصل شفت ف عيونه غير ابتسامة الصبر 😭... عاينت ليه شديد و انا زاتي قعدت ابكي.. قعدت ابكي ف الناس الكن بنساعدهم و هسه هم ف اول مطب استغنوا عننا ف الاهل ال م جو غير اول يوم و تاني م ضربوا تلفون حتى... ماما كانت مع لارا ف المستشفى و يس نايم.. هدينا و سكتنا حبه قلت ليه صحي اتذكرت امجد انا عندي...
صلوا ع الرسول( صلى الله عليه و سلم).
يتبع.....
