فجاءه جات جين و هي باين عليها انها شاربه حاجه و لا مجنونه و لا م
عارفه مالها خفت شديد و قمت من مخلي و بقيت بعاين ليها مخلوعه.. قلت ليها جين؟! كيفك؟!... بقت تعاين لي بي قرف و كره كده قالت لي انت منو؟ قلت ليها ليان جارتكم،، قالت لي ااه معناها انت معانا ههههه و بتضحك بطريقه هستيريه و بقت جاايه ناحيتي و قفت م عرفت اعمل شنو.. بقت تلز فيني و تقول لي تعالي اديك بتزبط ليك راسك يخخ حاجه حلوووه انا حاسه انه انا م قاعده ف الارض، طايررره😉هههههههه و بتلز فيني ناحيتها.. نجود بقت بتزح فيها مني لزيتها لز وحده و جيت جاريه لي اوضتي نفسي قايم و حالتي بال بلا😭،،، دخلت و قفلت الباب عليي و بقيت ببكي و بحاول اجمع نفسي و احاول افهم الحاصل شنو.. احتجت لماما و بابا شديد ف اللحظات د (الام و الاب مهما كانه فهم السند الوحيد لبنتهم مهما كانوا سواء قاسين او طيبين بحبوك او م ببينوا حبهم ليك م حاقول بكرهوك لانه ماف اهل بكرهوا ولدهم ف اهل م بظهروا حبهم،، عندنا ف مجتمعنا الشرقي المحكوم بالعادات و التقاليد انه الاكبر منك م مفروض يحترمك و يحبك و خاصةََ الاباء بعضهم بخجل انه يقول لبنته انا بحبك او كده.... ف بس لازم نحن او انت تبادر بالحب عشان يعرفوا انه انت زاتك بتحبهم ف اكيد م حجرحوك و حيبقى شي عادي انه يعبروا عن حبهم ليك،، كونه انه ربنا دايم لينا النعمه د ف نحن لازم نستغلها لانه لو جا يوم و واحد منهم رحل او مات ف نحن حنندم شديد لانه م حنلقى زول يسندنا و يعوض لينا حبهم)... مشيت شربت لي مويه و حاولت ارقد انوم بقيت بتقلب ف السرير و بحاول افكر انه د مالها و الححصل بكره شنو حاتعامل معاها كيف تاني.... و نمت من التفكير و الخوف و مشاعر كتير ملخبطه....نحن بنمشي تلاته يوم ف الاسبوع الجامعه ف الليله كنت م شغاله ف قلت اطلع و اشوف لي شغل.... لبست فستان جينز مقبوض من الخصر و فاري من تحت و معه حزام ابيض،، و لبست جزمه بيضاء،، و طرحه بيضاء و شارب ابيض، ف الاثناء الكنت بلبس فيها الطرحه الباب دق.. م عرفت افتح و لا م افتح لانه انا مما م جيت البلد د بحصل حاجات غريبه الولد الكل يوم بكون قاعد قدام عمارتنا و نظراته لنجود و جين و جين امبارح م عرفت حعمل شنو و لا ححصل لي شنو!!.... عاينت بالعين حقت الباب لقيتها نجود براها.. قالت لي ليان افتحي م تخافي انا نجود..
فتحت ليها الباب و قلت ليها اتفضلي... قالت لي حابه اعتذر منك ف الحصل امبارح... جين اصلاََ مدمنه و انا بحاول من زمان اوعيها انه تَالادمان مضر بالصحه و بخلي الزول يفقد حياته و انه ربنا ميزنا بالعقل عن باقي الحيوانات ف نحن ننزل بمستوانا و بإرادتنا لمستوى اقل مننا لمستوى الحيوانات!!! بقيت بعاين ليها بس صراحه خفت منهم م قدرت اثق بيهم تاني.... قالت لي عارفاك انك لسه خايفه ف بتمنى انك م تخافي مني انا صحبتك و بوعدك انك م حتشوفي جين بالشكل د تاني....
لا بد ان تنحني الحياة عن مستواها الطبيعي.. كما الزلازل تحدث لتعيد للأرض توازنها..... و اعلم ان امر المؤمن كله خير.. توكل ع الله. 💛 💛
يتبع......
