اتالم و كأن خنجراََ نُزع من صدري للتو.
لقيت عسجد بتبكي قلت ليها مالك؟ قالت لي انه حبيبها مصاحب ليه واحد بتاع مخدرات و بقى جاريهو معه و هي م قادره تخليه يبعد عن الزول د.. وورتني الصوره حقته... شفته م باين عليه زول بتاع مخدرات و مواضيع زي د قلت ليها شكله زول كويس قالت لي اي زول كويس بس اصحابه م كويسين(الصاحب ساحب)،،قلت ليها خلاص م تشيلي هم بكره بحصل ليه شي و بعرف انه المخدرات د شي كعب و برجع و بقيت اراضي فيها و مرقت معاها قلت ليها تعالي عازماك بمناسبة انه اول مرتب لي 💃، قالت لالا ماف داعي ي بت انت زوله طالبه و بتحتاجي حاجات كتيره لالا ياخ ماف داعي ارح زاته الوقت اتأخر.. قلت ليها لمن زول يعزمك م مفروض تقولي ليه كده ارح م عاوزه كلام كتير معاك.. مشينا قعدنا لينا ف كافيه طلبنا قهوه و بقينا نتعرف ع بعض هي جات من السودان باللوتري هي واهلها و عندها اخ واحد و اربعه اخوات كلهم كبار هي اصغر واحده... و هي الوحيده القاعده مع اهلها ف بريطانيا و بتجي هنا للشغل عشام تساعدهم ف الصرف،، و انا حكيت ليها عني و حسيت بالراحه تجاهها و اخيرا لقيت لي زول ارتاح معه... و بقت تحكي لي عن حبيبها د اسمه عمار و اتعرفت عليه ف يوم كان جا فيه المطعم و بقى يجي طوالي و هي كانت بتقدم ليه الحاجات البطلبها و كده و قالت لي انه هو زول محافظ ع صلواته و علاقته مع ربنا كويسه شديد و حتى هو الخلاها تصلي و تقرب من ربنا (هي م محجبه)... و بس قلت ليها يلا ي بت ارح نمشي انا زول قاعده براي بعدين الداخليه بتقفل بعد د م بخلوني اخش😂،، قالت لي تمام ارح دفعت الفاتوره و مرقنا.. كل زول ركب تاكسي و مشى بيته..... لقيت الولد داك قاعد ف نفس المحل مشيت ليه قلت ليه هاي قال لي هاي قلت ليه كيفك قال لي تمام قلت ليه عاوزه اسالك لو ممكن قال اتفضلي و سريع لو سمحتي.. قلت بصوت واطي انزاتي م قاتله نفسي اتكلم معاك.... (انا زوله انطوائيه و م بحب او بخاف او بخجل اتعرف ع الناس لكن صراحه الكلام القاله لي م مريح فعشان كده لازم كان اساله عشان اتطمن).... قلت ليه انت المره الفاتت قلت لي احذري احذر من شنو؟ قال لي انا قلت ليك احذري؟!.. قلت ليه اي اجي م متذكر لمن جيتك المره الفاتت!! قال لي انا اول مره اشوفك ي بت و لو عاوزه تلفتي نظر او تتونسي معاي قوليها عديل م مشكله نحن ف دوله اجنبيه يعني م عربيه😉... قلت ليه شنو؟! انت قايل نفسك منو عشان اكون عاوزه اتونس معاك!!... و حمرت ليه و قمت مشيت... اول م جيت مارقه من الاسانسير بتاع طابقنا لقيت جين ف وشي عاينت ليها و مشيت م اتكلمت معاها قالت لي ليان!! و جات وقفت قدامي قلت ليها اها عاوزه شنو؟! قالت لي بعتذر منك شديد والله انا م كنت كويسه و انا مدمنه زي م قالت ليك نجود و مشيت اتعالج ف اسفه م كنت ف وعيي و حتى انا م كنت عارفه انه عملت ليك كده نجود كلمتني.. قلت ليها تمام. قالت لي سامحتيني؟ قلت ليها ايي قالت لي خلاص عازماك فيلم معانا... قلت ليها معليش م بقدر عندي جامعه بكره... قالت لي اوك.....
و دخلت غرفتي غيرت هدومي لبست لي بجامه ر فعت شعري لفوق و مشيت صليت العشاء و مرقت الشبت الادونا ليه(ادونا اول يوم شيت تعريفي انه المعمار بكون عن شنو و كيف و معلومات عامه و كده) خلصت قرايه ضربت لامجد قلت ليه كيفك قال لي اووو الاخت المغتربه البقت مفتريه😏.. قلت ليه المفتري فينا منو انا اختك الصغيره مفروض تضرب تسال مني و لارا كمان نهائي م جايبه خبري اصلا انتوا عارفاكم م صدقتوا خلصتوا مني😢.. قال لي لالا ياخ معقوله نحن عندنا كم ليان... اه احكي لي حصل شنو و صاحبتي منو و مشيتي وين و القرايه كيف... حكيت ليه كله من طقطق للسلام عليكم الا بتاعت الولد البقعد قدام العماره... قال لي ابعدي من الناس ديل اوعك تمشي معاهم اي حته فاهمه و م تصاحبي و تثقي ف اي زول طوالي و م تشربي حاجه من برا .... قلت ليه خلاص طيب اه و انن عامل شنو و القرايه كيف قربت ترجع السودان ي اصلي😉.. ان شاء الله زبط امورك... قال لي والله لحدي الان بحاول اوفق بين الشغل و القرايه... قلت ليه صحي م كلمتك انا اشتغلت💃 و ادوني مرتب... قال لي عان الشافعه بقت تشتغل و يدوها مرتب ترسلي لي منو طوالي فاهمه مشمم زمن🐸... قلت ليه افصلها ي زَول م عندي زمن ليك انا زوله شغاله... زاته عاوزه اضرب لناس ماما اتطمن عليهم و انوم قال لي خلاص تمام ي المشغوله تصبحي ع خير و اضربي لي طوالي و زي م قلت ليك ابعدي من البنان ديلك... قلت ليه اجيب ليك رصيد من وين حبيبي انا؟!
انت المفروض تضرب لي انا اختك الصغيره دلعوني حبه 😘.. قال لي خلاص طيب بطلي نقه يلا مع السلامه و قفل الخط ضربت لماما و لي لارا و سلمت ع ياسين🥺♥️،، و رقدت نمتت....
مر شهر بنفس الروتين جامعه و شغل و بقى عندي قروش كويسه شديد و بتاع المطعم م مقصر و بعد شويه حابقى ارسل لناس ماما انا😎،، بدينا امتحانات و لقيت انه المعمار شي م ساهل ابدا😭و صعب صعب شديد ياخ ف اول المواد الصعبه لكن اكيد بعزيمتي حانجح فيه♥️،، و بضرب بتطمن ع ناس ماما كل يوم بس اشتقت ليهم❤️😢،،عسجد بقت صكبتي شديد و قالت انه حبيبها اتحسن من اول... نجود و جين م شوفتهم نهائي ف الداخليه احتمال يكونوا اتحولوا م عارفه... الولد داك برضو بقيت م اشوفه اهتميت بنفسي و نزلت وزن كتير لسه م وصلت للوزن المثالي🙂 لكن حاصله ان شاء الله.... و كنت ماشه بروتين اليومي د لحدي م في يوم و انا ف الجامعه شفت.....
قد تكون صداقه مع من ظننت انك ف يوم ستقتله من شدة كرهك له.... 🧡🧡
صلوا على النبي (صلى الله عليه وسلم).
يتبع......
