مشيت الصباح الجامعه و شفت الولد داك البقعد ف البنش القصاد عمارتنا،، و قاعد معانا ف نفس القاعه م انتبه لي بس انا شفته... شكله زول مجتهد زول مجتهد... استغربت ياخ قصته غريبه بعدين م شكله زول قدرنا بكون اكبر مننا بسنه او سنتين.. طبعا لمدة شهر كامل م اتعرفت ع زول او بالاحرى ماف زول جا يتعرف علي🙂.. (لاحظت انه ناس برا ديل عنصريين لاخر حد و هم بقولوا انهم مثقفين و بنادوا للمساواه و عدم العنصريه ف حين انه هم زاتهم لو لقوا زول من السودان او زول اسمر او اي زول من الدول المتدنيه بقرفوا منه و ببعدوا منه و بحسوا نفسهم نزلوا لمستوى تحت شديد اذا بس قالوا ليه هاي.... مهما كان وضع الزول و مستواه المادي و جنسه و بلده و دينه و عرقه و عاداته و تقاليده م بسمح لينا انه نحن ننزل من قدره د م حاجات هو باستطاعته انه يغيرها د شي اتولد و لقى نفسه فيه... البقدر يغيره و ينميه عقله فكره و تعليمه.. فهو حر سواء كان عاوز يرتفع بعقله و فكره او ينزل بيه... و حتى د م من حقنا انه نتدخل فيه).....شاركت ف اللكشر (المحاضره) لاول مره لانه كنت بخجل و بخاف من انه اغلط ف لغتي الانجليزيه بس لمن الزول يتعود ببقى عادي ف الناس المعاي كلهم انبهروا و بقوا بعاينوا لي يعني انه انت من السودان كيف تكوني شاطره كده!! ... الدكتور اشاد بي و مدحني و كده.... لمن الدكتور مرق.. كلهم جوني و قالوا لي هاي و سلموا علي 😒... الولد قاعد بعيد و عاين لي و مرق..... قعدت معاهم لانه م عندي موضوع و زول و منها حسنت من لغتي😂.... و اتعرفت ع منافسني و باين عليهم كارهني 🌚... ووقت البريك جا.. مشيت اشتري اكل.. اشتريت حاجات م لحمه عشان عندهم لحم الخنزير.... و قعدت ف تربيزه براي جاني الولد قال لي انا مؤتمن.. قلت ليه انا ليان.. (بلهجه خليجيه بتكلم معاي)... قال لي ممكن اطلب منك طلب؟ قلت ليه اتفضل قال لي انا عاوز زول يشرح لي و يساعدني ف القرايه لانه انا ف سنتين راحو علي بسبب الاهمال... قلت ليه اممم و كيف حاساعدك؟.. قال لي بس بعد المحاضرات اشرحي لي ف زمن قصير م باخد من زمنك كتير لو بتقدري... قلت ليه تمام....(اصفراني طويل زول رياضي شعره خشن م ناعم (انا زاتي استغربت) و عيونه دايما بتكون حمراء ف كل المرات الشوفته فيها و بتحسي بالغموض و الشر ف عيونه😂 دايما بلبس برمودات و جسمه كله اوشام)... قال لي انت سودانيه؟ قلت ليه اي 🙂 م تخاف م الا تصاحبني زيهم عشان اشرح ليك... قال لي لالا م كده بس انا ابوي سوداني... قلت ليه اهااا واو م ظاهر عليك و م بتتكلم سوداني ليه؟ قال لي انا م مشيت السودان غير مره واحده و كنت صغير عشان كده م بتكلم بيه كتير اغلب الناس هنا خليجين و الكلام بكون انجليزي بعدين ليه قلت انه عاوزه اصاحبك عشان تشرحي لي!!.. قلت ليه لانه ناس القاعه كلهم كانوا بعاينوا لي بقرف من بداية السنه و بكره كده، اول م الدكتور قال نسبتي و شافوا اني ناجحه بقوا يجوني و يتعرفوا علي🙂.. قال لي مهما كان مفروض تفخري بجنسيتك مهما حصل و تثبتي ليهم انه بلدك م كعب بعدين صراحه انا زاتي اول شي م حبيتك م عشان انك سودانيه عشان لمن جيتي قلت لي الكلام الغريب داك.. لكن لمن عرفت انك ناجحه و معاي ف نفس الداخليه قلت استفيد منك.. قلت ليه تمام و اشكرك ع صراحتك😂 بعدين د م كان كلام غريب الا تكون م كنت واعي لمن قلته.. قال لي العفو ولو قال لي احتمال م كنت واعي نعسان ههه و اختصر الموضوع و قال لي... اصحاب؟.. قلت ليه ممكن تكون زمايل اصحاب د الا بعد سنه اعرفك كويس و بعدين اصاحبك.. قال لي تمام 😂.... موعد المحاضره جا دخلنا (طبعا ف المحاضرات د م بلعب نهائي و بحاول بكله م اشتت تركيزي ب اي شي لانه تعب ابوي م مفروض يروح ع حاجات فارغه،، و الجامعه م معناها انه الواحد/ه يهملوا دروسهم و يتبعوا اللعب و دك المحاضرات عشان يثبتوا انه هم م شفع او انهم ناس خطيرين).... و طلعت من المحاضره ضربت لي عسجد قلت ليها جيتي الشغل؟... قالت لي اي قلت ليها تمام انا متحركه عليك... و انا مارقه من البوابه لقيت مؤتمن قال لي ارح نمشي الداخليه مع بعض.. قلت ليها ماف داعي تتعب روحك و تتظارف بساعدك من غير الحركات المبتذله د كلها🙂( كنت عاوزه اساله من الكلام القاله لي ف الداخليه بس قلت ماف داعي اكيد م حقول لي الحقيقه هسه ف كسرت الحنك).. قال لي لالا والله انا وريتك الصراحه من اول بس قلت يعني اصلا ساكنين مع بعض ف.. قاطعته قلت ليه انا بمشي الشغل اول و بعدين برجع البيت قال لي اه تمام و عاوز يفتح موضوع تاني قلت ليه مع السلامه و حاول اللبس نضاره لعيونك لانها بتخوف 🌚 و طلعت.... مشيت الشغل قريب طبعا م بعيد و بعدين هنا الناس نادرا م يركبوا عربات... و دخلت سلمت ع بتاع المطعم و الناس الشغالين و دخلت غيرت هدومي و بقيت اشتغل ف البريك قعدت اتونست مع عسجد قالت لي انه عمار قرر انه يجي يخطبها من اهلها و يتقدم ليها... انا حكيت ليها بمؤتمن قالت لي م تثقي فيه طوالي.... م معروف بزات بالحركات الكان بعملها....
لا تثقوا بأحد حتى يساعدكم ف محنه، لم تجدوا فيها احداََ.، 💜
صلوا على النبي (صلى الله عليه وسلم).
يتبع....
