قمر وسهر اليالي

قمر وسهر اليالي البارت 5

                       "  نحن نشبه لغتنا كثيرا
                         فبعضنا له ضمير ضاهر
                          وبعضنا له ضمير مستتر
         ويحزنني أن أضيف أن ما تبقى ضمائر غائبة!!!"
قمر
دخلت للغرفه جان اشوف ابوي عيونه جمر ردت اسلم عليه جان هو كام يعيط بوجهي انت

ما تستحين أدبسزز كلب شلون تحجين ويه امج الثانيه هيج وتعيطين عليه وتعرفين هي

حامل وإذا ضاجت لو توترت مو زين عليه ضحكت بداخلي امي الثانيه شنو هذا شنو

يخربط جان كتله يابه اني شنو حاجيه وياه صدك ما حجيت وياه شي جنت كاعد العصر

جان كام وضربني قبل لا اكمل كلامي جان اباع عليه وهي تضحك وتكوله لا لا حبيبي عوفه

بعده زغير وما تفهم بس اني هيج حجيت  مو قصدي تضربه جان اجت يمي تكول قموره

حبيبي والله موقصدي اخلي أبوج  يضربج بس جنت جاي احجي اله اشو هو تعصب تقربت

مني أكثر وكالت دير بالج بعد واعرفي اودمج زين ورجعت ابتعدت وكالت يله حبيبتي

روحي  وانت حبيبي اكعد ميحتاج كل هل عصبيه شبيك جان ابوي كالي شوفي هاي

النسوان مو مثلج انتي وامج يله ولي منا عفته وطلعت رحت واني دمعتي بعيني بس ما

بجيت كدامه ابد رحت لكيت امي كاعد كالت شكو شبي أبوج شنو كالج اني سكتت ما حجيت ابد بس باوعت عليه ودرت وجهي وأخذت مخدتي وفراشي ورحت بالغرفه الي يم

غرفة امي دخلت وسديت الباب واني دمعتي بعيني متت بجي كعدت وخليت راسي بين رجلي واني ابجي جنت احجي ويه نفسي واجاوب همين اريد بس شخص يفهمني اريد ارتاح من هذا العذاب لك اني شنو مسويه حتى اتعذب هيج راح اموت ياربي خلصني

اترجاك والله تعبت يارب تعبتتتتت بيه صرخه جبيره اريد اطلعه اااااااااااخ ياربي نمت ثاني يوم الصبح كعدت على صوت الباب دا يندك كمت فتحت جان طلعت مرة ابوي بوجهي وكالت صباح الخير شلون البارحه

كتله صباح النور حلو شبي البارحه كالت ولج قمر جري عدل احسن الج فهمتي لا والله اخلي عقلي وياج واكرهج عيشتج كتله شنو رايد خلصيني كالت روحي كملي شغلج حتى الضهر

ترحين تحبين الي أغراض من السوك محتاجته  كتله شغلي اكمله بس روحه للسوك اني

ماروح زين كالت ترحين ورجلج فوك راسج والله اكول البوج واخلي يدمرج والله وحتى

اختج وامج هل مره اخلي يطبكهم وياج زين فسوي الي اكولج عليه احسن الج ويله روحي كملي شغلج بدون حجي زايد عافتني وراحت

رحت غسلت وجهي وتريكت وكملت شغلي صارت الساعه 11 الصبح اجت كالت كملتي كتله كملت جان شمرت ورقه عليه وكالت هاي بيه أغراض كله جيبيه وإذا نسيتي واحد منهم لا ترجعين للبيت زين والفلوس إذا ربع ناقه متلومين غير نفسج

رحت غيرت ملابسي والبس شالي وصايه وطلعت وصلت للمحل دخلت ابو مكياج

لك ما مخليه شي ما كاتبته واني خلقتي تلعب النفس حتى مرطب ماعندي احط اله وبعده رحت جبت اله شغلات من سوبر ماركت هزيت بأيدي  وكلت والله يا الله ناس تأكل دجاج و ناس تتلكه العجاج واني طالعه من السوبر ماركت جنت رايد ارجع دا اعبر الشارع ما منتبه وجان اجت سياره طايره اني عطت وذبيت الغراض البيدي ..............
&&&&&&&&&&&&&
مصطفى
بعد ما وقت التلفون نمت حطيت راسي على المخده رجع نفس الحلم الي كل مره

احلم بيه ونفس الشخص بس هل مره يطلب المساعده جان وحاولت اساعده شكد ما أكدر بس جنت اتمنى اشوفه بوضوح بس ما كدرت لان جان الصوره مو واضحه

كعدت الصبح على صوت المنبه رحت غسلت وجهي ونظفت اسناني وبدلت ملابسي ونزلت

جوه  لكيتهم كلهم كاعدين على الطاوله ياكلون كعدت امي صبت الي جاي وكعدت اكل

اخوي مرتضى  كال ال مي يوم متزوجي وتخلصن منه كله عليج ملابسه واكله اني باوعت عليه كتله انت شبيك ليش ضايج لو لان مرتاح اني وانت احم احم احم جان كال شنو احم

احم لا حبيبي اني مرتاح وأريدك ترتاح مثلي كتله خويه بالعافيه عليك الراحه عوفني هيج الله يسلمك ماريد ويله اريد اروح اني باي

كال ها شو شردت كتله لا والله ما شردت بس اريد اروح تأخرت امي كالت الله وياك عيوني

طلعت شغلت السياره ورحت للدوام جان عندي محاضره دخلت المحاضر جان كلش متعبه

لا  الساعه ولا ثنين متتت يله خلصت بعد ما طلعت من الدوام توجهت للحديقه كالعاده تعرفون

انتو بعد كعدت شويه بالحديقه تجيت راسي على الكرسي ورفعته للسما وغمضت عيوني ضليت كاعد شويه وطلعت تقريبا صارت الساعه 12 ونص الضهر رحت ركبت السياره

ومشيت بين ما اني دا امشي دك التلفون التفت اريد أخذ ورجعت نظري على الطريق طلعت كدامي بنيه
ضربت البنيه نزلت من السياره واني اركض عليه كتله بتوتر ااااءءسسسف اسف والله ما انتبهت كومي كومي خخخخ خو ما تأذيتي جان رفعت البنيه رأسه عليه صارت عيوني بعيونه ياربي هاااااي شنوو وين شايفهم هاي العيون لك مو غريبات عليه لا والله ابد مو غريبات جاوبت البنيه وهي مبين عليه التعب لا لا ما بيه شي جان تريد تكوم خطيه ماتكدر جانت بس جانت تضغط على نفسه كتله كومي اخذج للمستشفى كالت لا مايحتاج الله يخليك خليني اروح للبيت والله اذا تأخرت راح تنكلب الدنيا جان اباع على رجله دا تجري دم كتله يمعود متشوفين ..............يتبع
&&&&&&&&&&&&&&&&&&&&&&
نهاية البارت
مساء الورد والياسمين 🌷
اتمنى انو تستمتعون بالروايه وتعجبكم اترقبو الحداث الجاي راح تكون أحداث احله ومن البارت الجاي راح تبدي الروايه تحله