كان يتصل له بضبح وهو ببيته بيشرب قهوه ويشوف التلفزيون
شاف التلفون وهو رقمه ترك القهوه من يده
واخذ التلفون وتنهد: ايوه
ابوه بعصبيه: وينك يا دكتور الجن ما تروح
لؤي ابتسم : بين اعاالج الجن
ابوه : روح ياالله ااختك بتتزوج والناس بيسالو عنك ماقل لهم
لؤي: بكره مالي نفس اليوم اشتي انام بهدوء
ابوه : حاضر ي لؤي حاضر ي دكتور
غلق وهو شاف التلفون : اعصابك يبه اعصابك
ترك التلفون على الطاوله وهو يفكر ويضحك * قال يزن قال ، محد ضحكني في شغلي مثل البنت ذي لبسها كيف حد عاقل يلبس كوفيه عسكريه فوق حجاب هههههههه وصوتها كيف تفعل به هههههههههههه اتوقع حتى لو ارجع لها انوثتها بيكون هذا طبعها ، شكلها مش مهتمه فيه خالص !*
..........
كانت جالسه تشوف الشباك على كرسي متحرك عندما دخلت والدموع محبوسه داخلها
شافتها بتعجب: من انتي
جلست ع ركبها : اشتي تحظنيني يا خاله ممكن
شافت لها بتعجب وهي بكت
اخذتها لحظنها وتركت راسها على ركبتيها وهي تبكي: مالش ي بنتي
اثير ودموعها تنزل على ركبه امها : زوجي بيتزوج تخلاء عني
ام اثير: يووووه وليش هذا كله
اثير: قال اني ما اخلفش
ام اثير: هم الرجال كذا يدورو لهم اعذار
اثير ودموعها تنزل : الخميس ذا الزفه
ام اثير: خلاص لو مقهوره قوي فلتيه شوفي لك حد يحبك وتزوجي لا تعلقي نفسك به
اثير : ياليت اقدر ياليت ماقدرش اتركهه ولا اتخلاء عنه
وهي تمسح شعرها: الله يجبر خاطرك
...........
كان هو بالعياده عندما وصلت بلبسها ذاك دئما تكون اخر واحده
دخلت وهو ابتسم: مرحبا بيزن
ابتسمت وهو اشر لها تجلس
لؤي: والان ما بتحاكيني سبب انضمامك للفريق
ضحكت وبصوت غليض: اسمع
لؤي: قول
فرح: لما كنت مازلت صغير ماكنت اقدر اعمل شي بسبب خوف امي الشديد علي ولما كبرت شوي امتنعت من اللعب من الخروج من كل شي بحجه اني خلقت بنت
عمي زوجها يكرههني قوووووي ويشتي يزوجني با اي طريقهه ودئما يعامل امي معامله قاسيه وما تقدر ترد عليه بكلمه .. كم مرات ضربها امامي
التفتت له وركبها يهتزو بتوتر
وقف وهو وجلس مقابل لها: كمل
فرح : كنت انقهر عليها ماقدرش اعمل شي لاني بنت
لما وصلت ١٦ سنه بالصدفه قابلت ابي
كنت اعرفه من صوره وهو ما يهرفنيش خالص ولا يعرف ان عنده بنت اصلا
لؤي: وين شفتيه
فرح والدموع تجمعت: كان ابو صاحبه صاحبتي
لما عرفت صاحبتي انه نفس الاسم تعرفت عليهم
طلع تزوج امي وهو متزوج ولما مل منها تركها وهي حامل بي بدون ما يعرف
امي مسكينه كانت تدي له مائه عذر لما اجبروها اخوالي تتزوج الظالم هذا لانه محد منهم تحملها
ذاك اليوم فقدت ثقتي بكل شي
انهارت بالبكاء: طوال حياتي ادعي ابي يجي و تفتك كربته ويرجع وياخذني واتخلص من كل الذل اللي عشته كنت اعتقد الاب سند وظهر بنته وزوجته لكن ايش كانت الحقيقه !
ماقدرت اكلم امي للان ما تعرف
وبعدين جبرني زوجها انخطب ل ابن صاحبه
وقتها كنت بدات احاول اغير شخصيتي اشتي اكون قويه مش انثى ضعيفه مثل امي اللي اخوالي فسخو زواجهها بالمحكمه وزوجوها غصب
اشتي ما اتحاسب ع اخطائي مثل ابي
عندما قالت هكذا نزل هو عيونه وكانه خجل من نفسه :...
تكمل :بس خطيبي ماعجبته خالص يشتي بنت رقيقه تدلعه
وانا ماكنت طايقته اصلا
تصور فعل علاقه مع صاحباتي كلهن وبالاخير رجم الدبله في يدي وتزوج جارتي يقهرني
وانا بقيت منبوذه لاني بنت
زوج امي حاول يضربني بيقل اني فضحت به
وقتها قصيت شعري حلقته كاامل صفر وحلفت اني ماعادد بكون انثى ابدا ولا اسمح لرجل يهينني ولا اكون مثل امي يجي حد يتزوجها فتره ويهجرها ويترك فؤادها مكسور
لؤي بلع رقيه بصعوبه وشاف لها : طيب عذرك مقنع
فرح بصوتها الثقيل : يعني ببتساعدني اكون مثلك
لؤي هز راسه : ايوه بس اليوم الجلسه خلصه نبدا من بكره
خرجت وهو يشوف بعدها بقهر
ورجع الكرسي وضرب بيده الطاوله : انا ايش عملت !
كيف كلام البنت هذي طعني طعن
مععقوله انا جردت بنات من انفسهن وكانو ضحيه مثل هذي البنت !
هل انا كنت بهذه القسوه !
خرج ماعاد انتظر لصاحبه ركب السياره وروح بيته
دخل شقه الرجال لانه ضيوف اخته بالشقه الثانيه
شاف ابوه في وجهه: ذكرت ان معك بيت يا دكتور
ممارد يحس انه متعب
دخل غرفته وغلق ماعاد تعشي وجلس ع السرير *اكون مثل امي يجي حد يتزوجها فتره ويهجرها ويترك فؤادها مكسور* * اكون رجل ما اتحاسب على اخطائي مثل ابي *
مسك راسه: اووووووف اطلعي من راسي اطلعي
شوي ووقف فتح الشباك وفك شميزه وكلامها يعيد نفسه داخله :.....
.........
بهاء كان بغرفته ويشوف لمكان اثير : وحشتيني
وحشتيني يا اثير يا قصه حبي الوحيده
فتح الكمبيوتر ويشوف صوره معها : يا احب من لي كيف اصبر نفسي وانتي غايبه
خايف اتصلك الان وقلبك مجروح وتجرحيني
ترك الكمبيوتر وتمدد على السرير: يا الله انت غرست هذا الحب ،اغرس لي صبر وخفف الم الشوق ذي داخلي
..........
ولا قدر ينام الا قريب الفجر
الصباح قبل يومين من زفه اخته كان بالعياده
دخلت هي اخر واحده كالعاده
ابتسم لها : حيا بيزن تفضل اجلس
جلست مبتسمه
لؤي : اول قانون من قانون العيال تحمل المسؤليه
فرح: كيف يعني
لؤي: يعني تكوني مسؤوله عن امك اخوانك لو معك بكل شي
فرح برفعه حاجب بريي: اشرح لي اكثر انت كيف متحمل المسؤليه
سكتت تلبك لانه مش متحمل اي مسؤليه في حياته ورجع ابتسم لها : انا انا اساعد اهلي بمصروف البيت مثلا
فرح: متزوج
لؤي: لا
فرح : يعني مثلي
ضحك ووصل لجنبها : اسالك سوال عادي ؟
فرح هزت راسها: ايوه
لؤي: طالما انك تشتي تكوني مثلنا وقلتي لي انك قصيتي شعرك مثلنا ليش لابسه حجاب ؟ وكوفيه فوقه ههه مش قصدي الاهانه طبعا بس ايش يجبرك تلبسي الحجاب وجاكت طويل قوي ليش ما تخرجي بملابس مثل ملابسي مثلا
سكتتت
لؤي: المجتمع وعمك وامك
هزت راسها بالنفي وقالت : امي ما تقدر تتحكم بي وعمي متبري مني والمجتمع ما يهمني
وسكتت
لؤي منتظر اجابتها
فرح: استحي !!!
استحي ابعد الحجاب او اكشف عن جسدي والناس تشوفه ماقدرش
وقفت وخرجت وهو جالسه مكانه :...
دخل صاحبه: هيا عتروح
وجلس: امس جيت ماشفتك
كان سرحان وبنفس وضعيته
زيد: ههههههيييييه لؤي
التفتت له وعدل نفسه: هاه ايوه مالك
زيد: امس جيت ماحصلتك
رجع هو كرسيه: لو تعرف قصه البنت ذي اغرب قصه شفتها من حين مارست المهنه ذي
زيد: كيف
لؤي: اجلس بحكي لك
..........
كانت مع خواتها وزوجات اخوتها وقريباتها
مشغلات اغاني ورقص
وارزاق تكلم زوجه اخوها: مجنونه لو انا مفرح كذا بواحد متزوج
ضحكت: ههههه هي تحبه
ارزاق: بس هو يحب اثير وهي وخالتي ارتكبين بهم جريمه
ابتسمت: ههههه المفروض تكوني مع اختك وتفرحي
ارزاق: افرح انها اخذت حد من زوجته اجباري ؟ امها محتله
شافت لها: وانتي ذلحين اي حين عتتزوجي قد المدلع حقكم والاخير لؤي بيتزوج ويخلف وانتي ماتزوجتي لو تطولي نهايتك عتكون مثلها واحد متزوج
سكتت
..........
كانو بالسياره : بوصلك وارجع بيتنا
زيد ضحك: شكلك قد عتعقل
سكتت
زيد: كيف بتفعل عشان علاج البنت ذي
لؤي: البنت ذي تحتاج مراحل من العلاج وانا بالممرحله الاولى انه اححاول البي رغبتها وبعدين المرحله الثانيه بحاول اوضح لها ان حياه العيال مش مثاليه مثل ما تتخيل هيه
وبعدين نبدا المراحل الثالثه بس تتقبل الفكره الاولى
ما انكرش يا زيد ان ذي اغرب شخص قابلته في حياتي كلها وانه كلامها امس ما خليني انام
لدرجه رحت سالت على طليقاتي كلهن ابسر لو واحده حملت بدون علمي
زيد: ههههههه
لؤي: ماكنت متصور انه كنت افعل جروح كذا بهن ولا يمكن اسامح نفسي لو جردت حد من نفسه !
نزل صاحبه ورجع البيت دخل وابتسم ابوه في وجهه لانه اصبح يرجع بدري
اكل معهم ودخل غرفته غير ملابسه وهو يتذكرها *استحي ! استحي ابعد الحجاب او اكشف عن جسدي والناس تشوفه ماقدرش*
تمدد ع السرير: البنت فطرتها سليمه لكن المجتمع بيحاول يجردها من ذاتها .
.........
أنت تقرأ
عصب الروح
Randomتتحدث القصه عن علاقتين .. الاولى تجمع بين طبيب نفسيا لا يؤمن بفكره الاستقرار بالعلاقات والزواج ومريضته التى تطمح ان تتخلاء عن صفاتها الانثويه .. والاخرى بين بهاء وابنه عمته التى عشقها منذو الطفوله فيدخل طرف ثالث حياتهم .
