خرج وهو متوتر ونزل تحت : اوووف
اخذ تلفونه وارسل ل امها * بكره بجي مع فرح *
شافت هي ورده * ليش ؟ في شي *
رد* لوما اجي بنتكلم !*
غلقت وهي تشوف له : ايش قد فعلت ؟
ترك التلفون وجلس وهو يفكر :...
...........
اليوم الثاني
ددخل وهي بالمطبخ : ايش تعملي ؟
اثير بهدوء: مثل ما تشوف اطبخ !
مسك ايديها: ارتاحي انا بطبخ انا
اثير ضحكت: تطبخ ؟
رفع شميزه:لما كنت ادرس بالخارج كنت اطبخ انا عادي هو شغل
اثير:بس ي بهاء**
قاطعها: قلت اجلسي وارتاحي
اثير : لكن معك شغل و***
بهاء: اخذت اجازه ولا حاجه مهمه في حياتي اكثر منك
كان تشوف له ب ابتسامه
وامه بغرفتها وتانيب ضمير داخلها شديد
بعد ساعتين سمع طرق ع الباب
اول مافتح كان لؤي : كيف ابن الخاله ؟ ولا عاد بيسال
بهاء ضحك: ادخل ادخل
لؤي دخل: رحت لشغل ما حصلتك رجعت جيت للبيت
بهاء: ما داومت اليوم اخذت اجازه
لؤي: اهاا خالتي فين هيه
بهاء اشر له: اجلس
بينادي ل امه وخرجت: ايش
شافت لؤي ورده وجهها
وهو اقترب : مالها خالتي بتقلب عيونها علي
ام بهاء: يسعم ما تعرف ايش عملت بنا اختك
لؤي عقد حواجبه ومسكها من كتفها ليساره: ما عرفتش
قبل راسها: وبعدين ابي وامي قد صيحو فوقها قوي عشان خرجت من البيت
مسكت يده : يالله حصل خير
لؤي: مش زاعله
ضحكت: وانت من يزعل منك
شاف لبهاء اللي مبتسم: ممكن نجلس شوي
.........
كانت بالغرفه محبطه عندنا دخلت ارزاق مالك ما تجلسي معنا
شافت لها: ولاشي
جلست جنبها: فرح فيك شي
رده بهدوء: ايش تفعلي عشان يحبك حد ؟
ارزاق ابتسمت: يا فرح الحب يجي من الله ، محد يفعل شي
التفتت لها: ارزاق انا اشتي لؤي يحبني بين احاول افعل كل شي بس هو مش متقبلني
ارزاق بغرابه: مايحبك ؟؟؟؟!!!
سكتت ورجعت شافت لها: خلاص لا تهتمي ، كيف ميسون
ارزاق: من امس تبكي
فرح: كلمت زوجها وبتنزل الطفل
ارزاق: لا ، اعلم الله ايش في راسها
وقفت وتشوف من الشباك وهي محبطه وتكلم نفسها : من امس ماشفته
ورساله وصلت لتلفونها * جهزي نفسك لبعد ساعه بجي اخذك ونروح زياره ل امك *
شافتها وسكتت
..........
بهاء كان جالس معه عندما قال : اشتي اقل لك شي
بهاء: ايش
لؤي: بخصوص ميسون !
بهاء: خير ايش بها الطفل به شي
لؤي ابتسم بالخفيف: والله ما ادري ايش اقول لك بس لما راحت تعمل سونار عليه مع امي قالو لها انه الطفل مشوهه
شاف له بدهشه: كيف !!
لؤي: وقالو لازم تنزله وكمان نصحتها تطلق منك وقالت انه كل اطفالكم بيكونو كذا
بهاء بنرفزه: وليش ماقالت لي
لؤي: معرفش ايش في عقلها ،
بهاء سكت ورجع قال له: انا بدفع تكاليف العمليه ككامل وبطلقها وتروح في حال سبيلها
لؤي سكتت
بهاء: جلستها معي ظلم
لؤي وقف: اللي تشوفه صح اعمله ، انا جيت بس احيطك علم
خرج وهو يشوف بعده :...
ورجع وقف ودخل عند اثير وهيه نايمه
جلس جنبها وبيشوف لها * اثير ! مرضك ذلني ،كسر لي يدي ماعاد دريت مافعل *
رجع تمدد مقابل لها وهو يشوف لها * لو سمعت هذا الخبر حق ولدي قبل كانت ضاقت بي الدنيا بس اصابني برود ، ماعاد في شي في بالي اسوء من خسارتك ، انا تايهه منتظرك تنزلي الولد واشوف لك حل ، مشتيش اكسر بخاطرك ! معرفش ايش اعمل *
.............
اخذ هو فرح وهي تساله: ليش نروح نشوفها
لؤي: صار لش فتره ماشفتيها
فرح: طيب
وصل هناك : يالله انزلي
نزلت وهو غلق السياره ونزل وامها فتحت وشاف لها : فرح
دخلت ولؤي بعدها
فرح : كيفش يمه
كانت تشوف لها بتمعن : معقوله هذه بنتي
ولؤي يشوف بس
ام فرح قبلتها : يوووووه ماصدقش كيف تغيرتي.
كانت مبتسمه
وامها شافت له وهو اشر لها تصرفها
وهي شافت لها :فرح اطلعي غرفتك شوفي مازلت اغراضك مثل ماهي او شي ناقص
فرح: يمه بجلس معكم
ابتسمت : تمام اول شوفي غرفتك تفقديها وتعالي
طلعت وهي شافت للؤي : ايش في
لؤي: مثل ما تشوفي بنتك تغيرت ١٨٠ درجه ، ورجعت ثقتها بنفسها وهويتها
ام فرح اقتربت منه كان واقف: يسعم الام تشتي مقابل شغلكك ؟
لؤي بهدوء: ايوه
ام فرح :طيب اطلب كم تشتي !؟
لؤي : مشتيش فلوس انا اشتي نتيجه تعبي بنتك
رفعت حواجبها: كيف
لؤي: مثل ما سمعتي اشتي البنت لي
ام فرح مسكت ذراعه بشده وبصوت واطي: انت مجنون
لؤي: انتي قلتي لو عالجتها بعطيك ماطلبت
ام فرح: انا قلت لو رجعت لي بنتي وزفيتها لخطيبها
لؤي: ايش من خطيب ذاك سع ابوها
ام فرح : مش شغلك ،ع الاقل افضل منك
لؤي :ماقدرش اتنازل عنها ،انا والله احب بنتك اضعاف ما يحبها هذا وانه احسها متعلقه جنب قلبي
ام فرح بعصبيه: مش انت مجنون !! اكيد ما جننت
لؤي : عطيتك وعود وحافظت عليها ، بين امسك نفسي غصبببب والان جيتك بكل هدوء وقلت لش اشتي البنت
ام فرح: لوووو تموت لو تموت ما تمسها ،انت يا متعدد العلاقات ، كيف امن بنتي عندك ؟ انت بتشوف نفسك انت حياتك كلها وسخ ،كيف ادي بنتي البريئه لك تعمل معها كم شهر وهجرتها
قاطعها: مستحيل والله ما اتركها
ام فرح : بببببس اسكككككت الموضوع ذا تنسيه خااالص وتشيلها من راسك ، مستحيل ارجم لك بنتي لو انت اخر رجل تفهم
بلع ريقه بصعوبه
ام فرح : ع الاقل حسين زوجاته معه ، ام انت لعب في لعب ، انت مافيش لك ثقه ، انت مش قد مسوؤليه ولا بيت ، انا مجنونه ارمي بنتي تعذبها ، بنتي ي دكتور مسكينه ماتعرف بالحياه شي عايشه ع الفطره ،كيف اغامر بها عندك
سحب نفس عميق وشاف لها: معك حق ! انا شخص ما استاهلها
ام فرح: خلاص بقلها انك طلقها
لؤي : لاااا ، انتبهي، لو افلتها بذي السهوله بتفقد ثقتها بنفسها
ام فرح : طيب شوف لك حيله
لؤي بقهر: تمام بشوف لي حيله ولا يهمك
فتح الباب وخرج وهي سمعت صوت الباب ونزلت بسرعه لما ماشفته شهقت بخوف: لؤي
شافت امها واقفه امام الباب : يمممه لؤي خرج
هزت راسها : ايوه اجلسي اليوم عندي
قبل ما تكلم كلامها خرجت بسرعه وهو بيشغل السياره شافها ووقف وصلت وفتحت الباب : مالك نسيتني او كيف ؟
شاف لها ومزاجهه مقلوب : لا بس فكرت بتجلسي مع امك الليله
غلقت الباب : وليش اجلس معها ، انا ماقدرش اتركك
سكتت
وبدا يسوق وهو ساكت وهي ملاحظه انزعاجه وباله الشارد :...
وصلها امام البيت وبصوت متالم : انزلي
فرح بغرابه: وانت
لؤي وهو يشوف امامه: بروح اجلس مع صاحبي شوي
فرح: طيب
نزلت وهو بشوف لها لما دخلت :...
ورجع اتصل بزيد:اشتي اشوفك بالكاافيه اللي عند العياده
............
خرج ودخل المطبخ وامه وصلت جنبه: ايش تعمل
بهاء : بعمل عشاء اثير نايمه
امه : ادخل بعمل انا
بهاء: لا يمه استريحي بس
شافت له :ذلحين ما قلت لي ايش فيها اثير
بهاء التفتت لهت : يمه اثير حامل
ماقدرت تخفي ملامح الفرح ع وجهها: صدق
بهاء: ايوه بس الدكتور قال ان عندها تليف كبدي وممكن ما تقدر تكمل لتاسع
امه بصدمه: ايش
بهاء: لهذا انا منتظر لما تسقط الطفل وبسفرها خارج البلاد بحاول اعمل لها زراعه كبد
امه بغرابه: تسقط
بهاء: ايوه يمه اصلا اثير ما بتكمل الحمل للخامس مثل كل مره وانا مشتيش انزل الطفل انا واكسر خاطرها
قاطعته بتانيب ضمير: بس ي بهاء !
شاف لها:' بس ايش يمه
ام بهاء : بهاء الطفل ما بينزل لانه **
يكتت وهو بيشوف لها: لانه ايش يمه !
ام بهاء والدموع تجمعت في عيونها دموع خوف وتانيب ضمير وندم وتوتر : لانه انا الذي كنت انزل لها الاطفاال !
أنت تقرأ
عصب الروح
De Todoتتحدث القصه عن علاقتين .. الاولى تجمع بين طبيب نفسيا لا يؤمن بفكره الاستقرار بالعلاقات والزواج ومريضته التى تطمح ان تتخلاء عن صفاتها الانثويه .. والاخرى بين بهاء وابنه عمته التى عشقها منذو الطفوله فيدخل طرف ثالث حياتهم .
