عصب الروح

البارت 15

كانت تبكي وهيه ماسكه لؤي وكانه محتميه به وهو يشوف لها
فرح : عشت يتيمه وانت عايش ،عشت وحيده محد كان معي غير امي اللي كان سامي فلم الرعب بنسبه لها انا احترمت من كل شي والان جاي تقل انا ابوك ؟
ابو فرح بقهر: انا تزوجت امك بالسر وقلت لها مشتيش عيال وهي وافقت وشكلها كانت تشتي تحنبني بطفل بس بعد زواجنا بفتره بدانا بالصياح هي تشتي اعترف بالزواج امام زوجتي وانا ماقبلت وطلقتها واختفيت من حياتها وماكان عندي اي علم انها حامل  ولا انك موجوده بنتي انا**
قطعته بعنف: لا تقل بنتي لاتقل ! كنت فكرت بهذا لما قررت تتزوجها لهذي الطريقه !
لؤي بلع ريقه بصعوبه وهو يشوف لها وششاف ل ابوها: وصلك الجواب خلاص
عثمان شاف لها:  خلاص انا طالع وتذكري اني موجود في اي وقت تحتاجيني
رده وجهها لذراع لؤي وهو خرج
التفت لها: حرام عليك هو ماكان عارف بوجودك
كانت تبكي ع يده : لوكان انسان ماكان تزوج مثل الحيونات ! زواج وقت
سكتت وهي شافت له : انا مشتيش لا عائله ابي ولا عائله امي ، انتو عائلتي انا احب امك وابوك واختك وبيتك واشتي اكون معكم ماعاد اشتيش حد ثاني
شاف لها بصمت ورجع قال:طيب امسحي دموعك واطلعي اجلسي مع البنات وانا بطلع وارجع
هزت راسها : تمام
طلعت وهو يشوف بعدها وتنهد *كنت فكرت قبل ما تتزوج بهذي الطريقه *
..........
ماكان بيرد ع اتصالتها عندما رجع البيت بوقت مبكر عشان يشوفها دخل وهي بالمطبخ تعمل العشاء
شافها وقال:اثير؟
التفتت له بعصبيه: خيييير
بهاء: اثير اسمعي*
قاطعته: اسمع ايش واسمع ايش ، انا رجعت هنا عشان خالي وخالتي بس لا تفكر شي ثاني
اما انت خلاص انا مسحتك من حياتي !
بهاء بتعب: اثير مفكره الامر مر علي مرور الكرام انا من وانا صغير متعلق بك وبوجودك بحياتي انا كنت متعب بعدك*
قاطعته مره ثانيه: الله يخليك بس تعبت منك تعبت
بهاء: طيب اسمعي*
اثير: ولا اسمعك ولا تسمعني ، الوقت الذي المفروض نسمع به بعض قد انتهى !
بيتكلم وامه دخلت: بهاء بتتعشي معنا
التفتت ل امه : ايوه يمه
ورجع شاف ل اثير اللي التفتت لخالتها: العشاء جاهز يا خاله
ومشت من عندهم وهو يشوف بعدها
امه لاحظت حزنه واقتربت: سهل هي عادها مجروحه
بهاء : مافيش مشكله يمه
دخلت هي غرفتها وغلقت وجلست تبكي وحست بغثيان شديد بيرافقها من ايام
كانت  تحاول ترد نفسها
وحست بشي يطلع من معدتها ودخلت الحمام تبع غرفتها واستفرغت للمغسله وكانت قطع دم صغيره
مسكت نفسها ورجعت غرفتها وارتمت ع السرير من التعب وهي تحس بالارهاق والتعب الشديد اللي تقاومه من شهر :...
........
دخل يغير ملابسه ويطلع فتح غرفته وهي تشوف له
رد بغرابه : مالك
اقتربت وتشوف له
لؤي بضبح: مالك
فرح: بس شفت اليوم فلم وكانو يشوفو لبعض انت ليش تقاطعني
لؤي اخذ جاكت وبيطلع :الله يزكيك عقلك
خرج وهي تشوف بعده :..............
ورجعت خرجت و تشوف لنهاد : نهاد اشتي تكلمي ابنك يروح يشتري لي
نهاد بغرابه : ايش
فرح : من المكتبه
نهاد : طيب
نادت له :روح اشتري لعمتك
فرح شافت له تعال طلعت فوق ومكنته فلوس: اشتي تشتري لي من هذا اللي يعمل الوان فوق العين
الولد بغرابه: تقصدي ظظل
فرح : والله ما اعرف ايش اسمه بس شفته مع امك وارزاق وابتهال
الولد: اكيد ظل
فرح: المهم تعرفه
الولد: تمام
خرج وهي منتظره له
.......
ميسون تراسل بهاء ولا يرد وقد عتنفجر ورجعت رسلته له: بروح بكره اسوي جهاز ع الطفل
رد وهو بغرفتهم بالبيت : طيب سيري مع امك او اي حد من اهلك وانا برجع اجي وادفع تكاليف كل شي
ميسون : تمام
غلقت ومن داخلها: ماله ايش حصل؟؟؟!
..........
رجع الساعه 10 المساء طلع غرفتها فتح وهي امام المرايا مجرد ما التفتت جلس دقاىطئق يشوف لها وكان ساكت وملامح وجهه تغيرت وبدون سيطره انفجر ضحك : ههههههههههههههههههههههههههه
فرح بتشوف له بقهر: مالك ؟
لؤي: ايش في وجهكك قوس قزح
فرح بضبح: لا هذا مكياج
لؤي كان يضحك: ههههههه هذا مكياج او لوحه الوان
ارزاق سمعت ضحكته ودخلت : ايش في
شافت لفرح ورجعت تضحك: هههههه يوووه مافعلتي بنفسك
لؤي يضحك: ههههههههه كله بسببك ي ارزق بتحفظيها حفظ مش فهم
ارزاق ضحكت واقتربت منها: فرح
ميسون دخلت ع صوتهم وشافتها وضحكت: ماهو هذا
فرح بنرفزه : اطلعو من عندي
جلست ع السرير ارزاق وصلت جنبها :فرح
فرح بقهر : اطلعووو
لؤي يضحك : ههههه سيري غسلي وجهش
ميسون في نفسها البنت هذي خبلا او ماهو
فرح بضبح: قلت اطلعو
لؤي شاف لميسون وخرجو
ارزاق: فرح ي قلبي مش كذا ، انا بعلمش
رده بحزن والدموع ملو عيونها: خلاص ماعاد اشتيش اصلا انا مش فالحه بشي
ارزاق ضحكت: اسمعي غسلي وجههك وانا بعمل لك احلى ميكب وماعليش منهم ، وتعالي نشوف فلم لساعه 12 وخلي لؤي يسمر لحاله مع الجدار
رده بضبح: ع اساس بيسمر معي
ارزاق ضحكت:طيب افعلي مثل ما اقل لش
وقفت بزعل : خلاص تمام وخليه طز فيه اصلا مش مهم يقل ان شكلي حلو
ازارق ابتسمت لها:...
.......
نزل هو تحت وابوه هناك
جلس وهو مبتسم
ابوه: مالك ع ايش بتضحك
لؤي: هههههههههههه ولاشي لا تهتم
اابو لؤي: ذلحين مش ناوي تدي لك عيال او كيف
لؤي : اوووف يبه تعرف اني ماحبش الاطفال ولا وجع الراس
ابو لؤي: لو انت ما تحبش يمكن البنت تحب
التفتت له وصمت لثواني وقال: بس انا قلت لك يبه انه تزوجتها شغل
ابو لؤي: المهم تزوجتها
رده وجهه: ماينفعش ولا بين افكر بالاطفال ولابها
ابوه : وليش ماتفكر بالاطفال
لؤي: هرم ودحس ووتعب ومسؤوليه
ابو لؤي : بس بتحبهم بعدين شوف انت مطلع روحي وماقدرش استغني عنك
لؤي ابتسم وقام لجنبه ومسك يده وقبلها : وانا ماقدرش استغني عنك
ابو لؤي: لؤي انت ابني الصغير وقد كبرت واصبحت رجال وانا مش عارف كم باقي لي بالحياه امنيتي اشوف عيالك**
قاطعه: بعد عمر طويل ي ابي ، وبتشوفهم يبه اوعدك بس مش بالوقت الحالي ولا من البنت هذه
سكتت وهو يشوف له
لؤي طلع وهو يشوف بعده وسليمان جلس : قد بيروح كل يوم ماعاد كنا نشوفه
ابو لؤي ابتسم
سليمان : شكله عقل
شاف له : عاده بنص عقل ، مثلك عادك عقلت الا من نص شهر من حين ولدت زوجتك
سليمان ضحك: ههههههه بس الصدق ماكنتش مثل لؤي عادنا اروح البيت

طلع هو غرفته وما حصلها ما اهتم فتح الكومبيوتر وجالس يشوف :....
...........
ماقدر يصبر هو وراح يدق عليها
اثبر: من
بهاء:اثير افتحي نتكلم يمنعاه
رده بضبح: ي اخي اعتبر نفسك طلقتني ، خليني في حالي
بهاء: افتحي طيب اقل لش كلمتين بس
بخاطر الحب الذي كان بيننا
سحبت نفس عميق ووقفت فتحت الباب دخل وغلق : اثير ، انا غلطت اعترف اني غلطت لانه ماسمعت منك ، بس مشاكلك مع اهلي وحيل ميسون انطلت علي، انا غلطان ي بنت عمتي واعترف اني غلطان قلي لي مفعل عشان تسامحيني
اثير : بهاء قلت لك مستحيل اسامحك تفهم
كان يشوف لها بتمعن ورجع قال: ليش بعيونك صفار انتي مريضه؟!
اثير جلست ع السرير : لا وما يخصك
جلس جنبها وهو يشوف لها: اثير عيونك مصفره شوي ووجهك شاحب بك شي ؟
شافت له  وهي تحس بدوار خفيف ومعدتها تاعبه : لا ولا تهتم ومافينيش شي خليني في حالي
كان يشوف لها : طيب ارتاحي
اثير بضبح : ارتاح ما ارتاح مش شغلك
وقف هو : طيب بغسل وجههي وارجع انام هنا
وهو يشوف لها وحاسس ان بها شي
اثير بنرفزه : نام حتى في جهنم
دخل هو الحمام تبع الغرفه وبيفتح الماء وانصدم بقطع الدم ع المغسله :!!!!
...........
دخلت هي الساعه ١٢ كان مازال ع الكمبيوتر
لفتت انتباههه كانت معدله شكلها ولابسه فستان رصاصي طويل ومفتوح من جانبه لفوق الركبه
والصدر وشعرها لعند اذنها ونازل تحت
رفع حواجبه وهز يشوف لها فوق تحت : فرح
رده : ايوه
غلق الكومبيوتر ووقف بتعجب: من وين لش ذي الملابس ؟
بتحاول تحانكه : مش شغلك
ضحك هو بتعجب
فرح: من امك خرجت اليوم واشترت لي
بيكلم هو نفسه* هذا اكيد ابي قال لها !*
رجع وجهه ع الشباك والنور خافت : ملابسك الاوله احلى ارجعي لشميز والبنطلون
اقتربت هيه منه: ليش ؟مش كنت تقل لي البس فساتين
لؤي وهو مايشوف لها: ايوه البسي بس مش عندي
فرح: طيب ليش مش حلوات علي
لؤي : ي بنت الناس مش كذا! ع العموم بنرجع بكره بيتنا
رده بسرعه: لا ليش انا مرتاحه هنا
لؤي : وانا مش مرتاح
مسكت يده ورجعته لها وتحاول تضمه وهو بعدها: خير
فرح : ايش خير مثل الفلم
لؤي بضبح: فرح انا مش تمثال عندك اي فلم تشوفيه تجي تتبطقيه علي
رده ببراءه: بس انا اي فلم اشوفه اتخيله انا وانت
لؤي بضبح:لا عاد تتخيلي هذولك يحبو بعض**
قاطعته بحزن وعيونها بريئه:يعني انت ماتحبني
لؤي يحاول يشرح لها: فرح انا احبك بس مش مثلهم الحب انواع
رده: كيف يعني
لؤي: هم حبهم حب عشاق وانااحبك لانك رفيقتي بس
نزلت راسها: بس انا اشتيك تحبني مثلهم
لؤي بنرفزه:فرح قلت لش مالنا شغل بهم مش كل شي تقلديه لوما تتزوجي بعدين طبقي معه رمنسيتك
ضمته بسرعه:بس انا ماشتيش غيرك !انت الشخص الوحيد الذي احب اكون بنت امامه ، واحب يقل لي فرح ، انت الوحيد الذي خليتني احب هذا الاسم، لؤي انا ماقدرش اكون مع حد غيرك،اكره انوثتي لو ظهرت لغيرك ،اشتي اكون بنت واكون فرح معك انت بس !