عصب الروح

البارت الاخير

الدموع معتديه ، هي تتساقط اجبارياً ، وعندما تحاول كبحها بكل قوتك ، تقف في حنجرتك ، لا تستطيع الكلام ولا حتى التنفس ، تتجمع في مقله العين بلا تحكم وتتكاثر بين لحظه واخرى ، لا تستطيع اخفائها بمجرد ان تغمض عيناك ،انما سوف تتمرد وتتساقط كما ذكرت سلفا اجبارياً .

بعد مرور ثلاثه اشهر ..

كان يسجر خارج البيت ورمي السيجاره ودخل الوقت متاخر
تفجاء بصوت ابوه : وين كنت ؟
لؤي التفتت له: بالعياده
بيطلع وقفه مره ثانيه : زوجتك جاءت اليوم
التفتت له بدهشه: ايش !!
ابو لؤي: متى ناوي ترجعها ؟ دخلنا الشهر الرابع !
لؤي: مابترجعش ! ايش قالت
ابو لؤي: قالت وينك لك اسبوع ماعاد كلمتها هل انت بخير ومتى ترجع ! وعرفت انك كذبت عليها وقلت مسافر فطريت اسير كذبك مع اختك ارزاق ونقل انه معك عمل ومابتفضاش
لؤي سكتت وفي نفسه * معناتها للان ماقنعت مني ؟*
ابوه شاف له: على العموم احنا حبينها وانا متاكد انك كمان تشتيها بس معرفش ايش اللي مانعك ترجعها
لؤي ماتكلم بيطلع وقفه: اختك ميسون من حين تطلقت ماعاد بتطلع ولا تخرج ولا تجلس مع حد روح شوفها
لؤي بهدوء: تمام
طلع لغرفتها دق ودخل وهي رده وجهها عنه
لؤي: مالك؟ليش ما تشتي تشوفيني
ميسون بقهر: لانك انت اللي كلمت بهاء وطلقني بسببك
لؤي سحب نفس عميق:ميسون !ي اختي ، بهاء ماغلط يعني طالما عيالكم بيطلعو مشوهين شوفي حياتك مع حد ثاني
رده بقهر: بس انا احبه وهو ذا مكمل مع اثير وعيالهم كلهم كانو ينزلو
جلس جنبها واخذها لحظنه: انتي عارفه ان اثير الان بالمشفى مرقده من شهر ونص
رده بعدم اهتمام : ليش
لؤي: اثير تعتبر الان ميته وهي بالمشفى لما يوصل الطفل الشهر السابع ويااخذو الطفل الحضانه وتدفن
ارتفعت وتشوف له: ايش
لؤي: هذي اثير اللي تحسديها ي اختي ، عانت في حياتها كثير !
شافت له :لؤي تتكلم جد
هز لها راسه: ايوه ، مات ابوهاا وهي طفله امها مريضه واسيره واخوها تركها زمان وسافر وتزوج وتربت وعمرها ٤ سنين في بيت ناس ما تعرفهمش ولا سبق وشافتهم ، اطفالها كلهم ماتو قبل الشهر الخامس وزوجها تزوج و طفلها الاخير الذي تعدى الخامس ماتت قبل ما تشوفه ! والان ي ميسون حياه من الحزين ومن المظلوم بالقصه !
سكتت
..............
كانت امام شباك غرفتها والاضواء طافيه
عندما دخلت امها : تعالي اتعشي
رده بحزن: مشتيش
ام فرح: ليش جالسه عندك
فرح: منتظره لؤي لما يجي
ام فرح تنهدت : فرح حرام عليش اسبوع وانتي تاكلي الا غصب شوفي جسمك كيف قد هو نحيف وعيونك ذابله وانتي منتظرته وهو يمكن ماعاد بيجي***
قطعتها: يوووووه يمه الا بيجي بيجي هو قال لي بس اكيد يمه معه شغل خليني انتظره
تنهدت وغلقت الباب وهي تفكر
.............
كان هو جالس جنبها وهي طريحه على فراش الموت
وتذكر لما كانت تشوف ملابس الطفل اللي اشتروها * بهاء انا مش مصدقه انه تعديت الشهر الخامس وابني بخير تخيل كان ذا حلم * مسكت سرير الطفل وتهزه بيدها وبهتت ابتسامتها* بهاء امانه لا تكون قاسي مع ابني ، يكفي بيكون بدون ام ! والا اقل لك خلي خالتي تربيه فهي سبق وربتني *
وقف هو وضمها: اثير لا تقليش هكذا ان شاء الله نربيه سوا *
كان يتذكر ويبكي وترك راسه جنبها ع السرير * اثير قووومي ماعاد اشتيش من الحياه شي غيرش ، كرهت كل شي *
امه دخلت ومسكت كتفه : ابني
التفتت لها : يمه قولي لها تقوم
سكتت
شاف لها : عمرها ما اشتكت منك ،ولا مره قالت امك قالت او امك فعلت ، كنت ادخل البيت وتسمعيني انتي تقرير عنها واحس الحياه انتهت ولما ادخل عندها تقتبلني ب ابتسامه واحس كل شي بخير
كانت تبكي وتشوف له: انا فكرت انه بتاخذك مني
بهاء: انانيتك ذي يمه هي اللي وصلتنا ذي المواصيل محد قدر يتحمل طبعك ذا الا الانسانه ذي وياليتك قدرتي
مسكت يده: سامحني
رد وهو يشوف ل اثير: طالما صاحب الحق سامحك ف انا سامحتك لكن يمه في داخلي جرح نازف لوما اموت
وقف وهي جالسه مكانها روح البيت
دخل وابوه بيساله : وين امك
بهاء: عند اثير وبغداد هناك بتروحها
دخل غرفته وغلق اخذ الدبله اللي صنعها من الاسلاك ودبلتها الحديد
وجلس ع السرير تمدد وتركهن مقابل له : ليتنا ارجع للماضي ، ليت كل هذا الالم ينتهي
.............
وهي بالصاله قلقه على موضوع فرح رن جوالها
اخذته رقم غريب : الوه
كان هو عرفت صوته : كيف فرح
وقفت : عثمان ؟
رد : ايوه عثمان ،اليوم بنتك جاءت لي وقالت ادور ع زوجها وانا عارف انك مخبيه عليها شي
رده بنرفزه: مش شغلك عادك جيت الان تفكر،بها
رد بعنف: انتي ماقلتي لي انك حامل وبعدين كان اتفاقنا بدون اطفال
ام فرح: الان ما تشتي
عثمان: ترجعي فرح للؤي ، لشخص الوحيد الذي ففهمها وخليها تحب نفسها
ام فرح : واذا
عثمان : واذا انا برجعها له انا
غلق وهي تشوف التلفون وتتذكر كلامه * الشخص الوحيد اللي فهمها *
جلست وهي تفكر وتتذكر فرح وكيف متالمه بعده :..
ورجعت ارسلت له * تعال بكره للبيت !*
دخل سامي شافها : عادك ما نمتي
رده بهدوء: لا ، قلقه ع فرح اليوم ما اكلت شي
سامي: زاعله بعد ابن ال ***
متى عيطلقها
وقفت امامه : بقل له يرجعها
سامي بعصبيه: انتي اكيد مجنونه ؟وخطيبها ما نقل له
ام فرح: اي شي نقل مجنونه مريضه نقل دخلناها مشفى المجانين اي شي
سامي : انتي اكيد قد جننتي
ام فرح بنرفزه لاول مره امامه: ايوه جننت خلاص ماعاد بخلي بنتي تعاني اكثر ، البنت بتجنن بعده قد عتموت لو اطر ادفع له ويرجعها بدفع مامعي غير بنت واحده وانت يكفي تدخل مالك شغل ببنتي
سكتت