ഇന്നലെ ഫസ്റ്റ് യേർസ് പിള്ളേരുടെ മുന്നിൽ വച്ച് നാണം കെട്ടതിന്റെ ചമ്മലിലായിരുന്നു വിവേകും ഫ്രണ്ട്സും.......
"ചേ , എന്നാലും ആ പ്രിൻസി ഇന്നല കറക്റ്റ് സമയത്താ അവതരിച്ചത്... "
"ആഹ്, വിട്ട് കലയെഡാ നമുക്ക് ഇനിയും അവസരം വരും "
"അളിയാ ദേ പിള്ളേര് വരുന്നു ".....
"ഓക്കേ ഓക്കെ കൊർച്ച് ഗമയിലൊക്കെ അങ്ങ് ഇരിക്ക് "
" ഗോപു ,, ദേ ആ വിവേകേട്ടനും കൂട്ടുകാരും. ഇന്നലെത്തേന്റെ ബാക്കി ഇന്ന് പറയിപ്പിക്കുമോ?? "
"ഒന്ന് പേടിപ്പിക്കാണ്ട് വേഗം നടക്കു അഞ്ചു "
"എന്താ മോളുസേ ജാഡയാണോ?? " കൂട്ടത്തിലൊരു താന്തോന്നി ചെറുക്കൻ ചോദിച്ചു !
"അല്ല ചേട്ടാ "
"രാവിലെ സീനിയർസിനെ കണ്ടാൽ വിഷ് ചെയ്യണമെന്ന് അറിയില്ലേ മോളെ?? "
"ഗുഡ് മോർണിംഗ് ചേട്ടാ "
"എന്നോട് മാത്രേ ഗുഡ് മോർണിംഗ് പറയൂ?? അവിടെ രാഹുൽ ഉണ്ട്, വിവേകുണ്ട്, ഗോകുലുണ്ട് അവരോടൊന്നും പറയിന്നില്ലേ?? "
എല്ലാരുടെ മുന്നിലും ചെന്ന് മോർണിംഗ് വിഷ് ചെയ്യുമ്പോ നമ്മുടെ ഗോപിക മനസ്സിൽ ശപിക്കുകയായിരുന്നു....
മോർണിംഗ് റാഗിംഗ് കഴിഞ്ഞതിന് ശേഷം അവർ ക്ലാസ്സിൽ കയറി...
"എന്തു സാധനാ അഞ്ചു ആ ഏട്ടന്മാർ??.... നമ്മളിപ്പോ അവരെ വിഷ് ചെയ്തില്ലാന്നു വച്ചു ആകാശം ഇടിഞ്ഞു വീഴോന്നും ഇല്ലല്ലോ, ഉവ്വോ?? "😡😡😡
"വിട് മോളെ, കോളേജാവുമ്പോ ഇതൊക്കെ പതിവല്ലേ....നമ്മളായിട്ട് ഒരു വഴക്കിനും പോവണ്ട, കേട്ടോ നി?? "
"ഹേയ് ഇല്ലാ "
ക്ലാസ്സിലെ പിള്ളേരെല്ലാം പെട്ടന്ന് തന്നെ നല്ല സുഹൃത്തുക്കളായി മാറി.... കോളേജല്ലേ പിള്ളേരൊക്കെ എൻജോയ് ആക്കട്ടേന്നു കരുതി അദ്ധ്യാപകരെല്ലാം ഓഫീസ് റൂമിൽ കാവൽ നിൽക്കുന്നത് പതിവാക്കി....
ചുരുങ്ങിയ കാലയളവിൽ തന്നെ കോളേജും പരിസരവും അവർക്ക് സുപരിചിതമായി....
