احببت ذات الرداء الاسود

الفصل الخامس عشر

#احببت_ذات_الرداء_الاسود
الفصل 15
انت أعظم إنجازاتي⁦❤️⁩🌍
–––––––––––––––––––
في صباح يوم الجمعة في بيت فاروق المحمدي يجلس فاروق مع جويريه ف غرفتها
فاروق:چوري عايزك تفتحلي عقلك كويس عشان اللي هقولو مهم وانتي اللي لازم تقرري
چوري بقلق خفيف: خير يا بابا
فاروق:كل خير يحبيبتي... انتي متقدملك عريسين واحد منهم مراد العقاد عارفه اكيدد...والتاني اسمه حمزة من عندنا من البلد انا هقولك ظروف الاتنين استخري ربنا وشوفي ربنا كتبلك ايه......تمام؟
هزت راسها له حكي لها ما يعرفه عن حمزة
فاروق:بس يستي انتي كده عرفتي ظروف حمزة....واظن مراد مش محتاجه تعرفي حاجه عنه
جوري:اللي انت تشوفه يا بابا
فاروق بإبتسامه حنونه:لو اللي انا شايفه يبقا انا مش عايز حد من الاتنين اصلا مش عايز حد ياخد مني بنت عمري كله عايزك تفضلي جمبي ومعايا لحد ما ربنا ياخد امنته
چوري بلهفه:بعد الشر عليكك متقولش كده
فاروق:الموت مش شر يحبيبتي ومع ذلك خلينا ف موضوعنا ايه رايك
چوري:احم انا هستخير ربنا واللي فيه الخير بقا يقدمه بس بردو رايك مهم
فاروق:حبيبي انا عارف اوعي تفتكري انك لو وافقتي علي اي واحد من الاتنين هياخدك كده بسهوله بيحلم انتي چويريه فاروق المحمدي لازم الوصول ليكي يبقي صعب و يتعب و يعافر عشان تبقي معاه انتي غاليه اوي و لازم اللي هيفوز بيكي ف الآخر يبقا طفح الدم كده ويبقي قليل كمان
چوري بإبتسامه:انا كده هتغر علي فكرا
فاروق:حقك هو انتي اي حد
جوري بإبتسامه رائعه:انا بحبك اوي يابابا
فاروق و يأخذها في أحضانه:انا بموت فيكي يروح بابا و قلب بابا و كل حاجه في دنيته
أخرجها من أحضانه وقال:مراد هيجي يتقدم النهارده المفروض يعني لو انتي مش مستعده خلينا نأجله احسن!؟
چويريه:اهاا ياريت لما اصلي الاستخاره الأول عشان ابقي مرتاحه
فاروق:تمام يحبيبي انا هنزل المكتب اكلم مراد في الفون عقبال ما تغيري هدومك عشان نصلي الجمعه مع بعض كلنا
اؤمات له برأسها و ذهب هو الي المكتب و هي الي غرفه الملابس
في المكتب مسك الهاتف وطلب مراد
مراد بصوت ناعم:الوو
فاروق:الو.... سلام عليكم يا بني
مراد بنوم:مين معايا
فاروق:انا عمك فاروق
اعتدل مراد وجلس نصف جلسه وقال وهو يفرك عينيه حتي يذهب النوم عنها وقال:اهاا معلش يا يعمي مخدش بالي ان حضرتك معلش لسه مش فايق
فاروق:لا يا بني عادي ولا يهمك المهم انا كنت عايز اقولك أن انا عرفت چوري بطلبك و هي قالت هتصلي استخارة الاول و تشوف
مراد: امممممم معني كده حضرتك أن معاد النهاردة هيتلغي و نحدد تاني بعد ماهي تستخير صح؟!
و في دخله يقول (ونبي قول لاء)
فاروق:بظبط كده انا عارف اني اديتك معاد بس لازم هي تبقي عارفه و مستعده لكده
مراد بقله حيله:تمام يعمي والميعاد هيبقي امتا ان شاء الله
فاروق:انا هتصل بيك اقولك
مراد:تمام يعمي تلزم اي خدمه
فاروق:لا يابني تسلم معلش صحبتك
مراد:لا يعمي براحتك كده كده كان لازم اصحي ....مع السلامه
اغلق معه الخط
مراد بتأفف:اوووف الواحد كان قال خلاص هانت وياعالم بقا هي هتخلص الاستخارة دي امتا و هترتاح ولا لاء......هي أن شاء الله هترتاح......حتي لو مرتاحتش هتجوزها بردو
اخذ هاتفه وطلب يوسف:الو
يوسف بصوت حزين:ايوا يمراد
مراد بقلق:مال صوتك
يوسف:انا ف المستشفي يمراد
مراد:مستشفي ايه و ليه ولمين
يوسف:انا مش قادر اتكلم تعالي علي مستشفي••••••انا مستنيك
مراد وهو يقوم بسرعه من مكانه:طيب طيب  مين معاك
يوسف:محدش
مراد:طيب طيب عشر دقائق و اكون عندك تمام
يوسف:تمام متتأخرش
اغلق معه الهاتف واتصل علي جسار
مراد:الو انت فين
جسار:في البيت ليه
مراد:أنزل جري علي مستشفي••••••اسبقني علي هناك
جسار:ليه في ايه انت كويس
مراد:اكيد لو انا مكنتش انا اللي هتصل بيك يمتخلف أنزل بسرعه يجسار يوسف هناك وصوته زعلان اوي روحله عقبال اجيلك انا هتحرك من عندي اهو
جسار:طيب طيب
واغلق الخط
بعد ربع ساعه
كان يصعد مراد الي الدور الموجود فيه يوسف وجده يقف و قلق يأكله جري إليه وقال
مراد:ايه يا يوسف في ايه قلقتني
يوسف بوجع:ابني يمراد ابني ملك عملت حادثه و الدكاترة بيقولو أن حاله الجنين صعبه
مراد:انت مش معاها جوا ليهه هو انت مش دكتور هي محتاجلك
يوسف:مش هقدر مش هقدر صدقني انا مش عارف اتلم علي اعصابي مش هعرف افيدهم
مراد:طب اهدي اهدي و احكيلي ايه اللي حصل
Flash Back
أصبحت ملك في الشهر التالت وكانت تتابع مع طبيبه صديقتها لأنها ترتاح معها عن يوسف رغم أنه زوجها ولكنها لازلت تخجل منه قليلا وايضا بعد آخر مواجهه بينهم ومعرفه يوسف يحملها وهو يعاملها كالملكه و يخاف عليها من الهواء ويقضي معاها اوقات اكثر و في يوم كان لديها موعد مع الطبيبه وكان يوسف دائما يذهب معاها و لكن لسوء الحظ أنه تأخر اليوم ف العمل كانت تحدثه ف الهاتف و هي تكمل ارتداء ملابسها وتأخذ منه القواعد الاربعين
ملك:يوسف حبيبي ليه كل ده انا رايحه لدكتوره مش رايحه الآخره
يوسف: اعملي اللي بقولك عليه مفهوم انا لولا أني عندي عمليه كنت جيت معاكي المهم تسوقي براحهه و علي جنب ومتميش تتنططي تدبي زي القردة الحركات دي غلط ع الجنين
ملك:اسمه نونو
يوسف:اسمه العلمي جنين ومتقطعنيش اوعي تتكلمي أو تبصي علي الفون طول مانتي سايقه لو حسيتي انك تعبتي اركني ع جمب شويه او كلمني ابعتلك السواق.......ولا اقولك انا هبعتلك السواق دلوقتي
ملك :يوسف مش مستاهله سواق العيادة مش بعيده يعني وبعدين خلاص انا ف العربيه اهو هطلع بيها....احيهه الدنيا بتمطر نبرت فيها يفقري
يوسف بضحك:عادله السماء شوفتي ربنا مش رايد تروحي لوحدك يلا يحلوه يا بيضه يا كميله ارجعي زي الشاطرة علي البيت
ملك:افاجئك بقا انا طلعت علي اول الشارع خلاص
يوسف:ايهه انتي عبيطه يا ملك هتسوقي و الدنيا بتمطر ممكن لقدر الله تلبسي في حاجه
ملك:لا متقلقش عليا انا في السواقه معنديش ياما ارحميني
يوسف:واحده لسه متعامله السواقه من شهر بتقول كده لحول و لا قوة الا بالله
ملك:😹😹😹😹😹
يوسف:اضحكي يختي اضحكي
ملك بقلق:يوسف الحق
يوسف:ايهه في ايه
ملك:العربيه مفيهاش فرامل
يوسف يفزع:ايه ازايي ده انا مشيك عليها ب نفسي مكنش فيها حاجه
ملك بدموع:اعمل ايهه
يوسف: اهدي طيب اهدي طب انتي فين بطبظ
ملك ببكاء:انا داخله علي العيادة يدوس الفرامل العربيه مش بتقف
يوسف:اهدي طب ونبي اهدي عشان اعرف اركز
ملك بصوت عالي و فزع:الحقني يا يوسفف
واغلق الخط
يوسف وهو يجري الي سيارته:الو الو ملك ردي عليا الو
اخذ سيارته و ذهب في اتجاه العيادة وهو في طريقه الي هناك وجد لسيارة التي كانت تركبها ملك قد خبطها سيارة نقل تقيل
نزل من سيارته يجري وهو يقول :ابني ابني ملك نظر بصدمه عندما وجدها هي في ف السيارة يحاول الناس أخرجها من السياره بصعوبة بالغة كسر زجاج الباب التي تجلس ملك بجانبه ب يده حتي جرحت يديه و بعد عناااء جروح كثيرة في يده و في جسدها ايضا أخرجها من السيارة كان قد شل عقله لم يتذكر اي شيء من الذي من مجال الطب طلبه الناس الإسعاف و جاءه بعد وقت قليل و اخذوها الي المستشفي و أخبره أن هناك خطر علي حياه الطفل و الام
هي الآن في غرفه العمليات من أكثر من ساعتين
واتصل بيه مراد بعدها
End Flash Back
يوسف:ده كل اللي حصل انا مرعوب اوي يمراد ابني هيروح مني
مراد وهو يربت علي كتفه:ابنك أن شاء الله مش هيحصله حتي لو لقدر الله جراله حاجه انت تقدر تعوضه بإذن الله المهم هي ادعيلهم بس
يوسف برجاء:يااارب يارب انت اللي عالم يارب متحرمنيش من الطفل اللي بتمنه من الدنيا من قبل ما اشوفو يارب
–––––––––––––––––––––———————
في بيت أل العقاد
في غرفه الطعام تحديدا يجلس ع طاوله الافطار كلا من حسن و قصي و سارة و اسيل و عبد الرحمن والأطفال
حسن بحزن:هي بردو خديجه مش عايزه تنزل تفطر عشان انا موجود
سارة:والله يعمي أعدت اتحايل عليها تنزل موافقتش
حسن و هو يهز رأسه:اممم اطلع يعبدالرحمن قولها إن انا خرجت خليها تنزل تفطر
عبدالرحمن:طب وانت مش هتفطر
حسن بتنهيده:انا هخش اوضه المكتب عشان عندي شغل خليهم بس يبعتولي اي حاجه خفيفه
قصي:طب ما تطلع انت تكلمها يحسن جايز تردا
حسن:من ساعه ما مراد ساب البيت وهي مش بتحط وشها ف وشي و بتنام مع اسيل ف الاوضه......طب اطلعيلها انتي اسيل
اسيل:من اول ما صحينا اناوهي وانا بقولها واتحايل عليها بردو مش موافقه
حسن بهز رأس خفيفه:امممم
سارة:انا الحمد لله كلت هروح اشوفها ومش هنزل من غيرها
حسن بحرج:معلش يا سارة تعبينك معانا وانتي لسه والده مبقالكيش اسبوعين
سارة بابتسامه:مينفعش تشكرني ده واجبي اتجهكو مش اكتر لو اقدر اعمل اكتر من كده عمري ما هتأخر ابدا انتو عيلتي التانيه
حسن:ربنا يكرم اصلك يحبيبتي
قصي وهو يقاطعه:اسمها سارة
حسن بضحكه صغيرة:ماشي يسيدي ربنا يكرم اصلك يا سارة و يديكي ع قد نيتك يا بنتي
سارة:حبيبي والله الدعوتين دول كفايه اوي
قصي: اسمه حسن يختي انتي كمان ايه حبيبي حبك برص....لا مؤاخذه يحج
حسن:لا مؤاخذتك معاك المهم اطلعي شوفيها بسرعه عشان تفطر
صعدت سارة الي خديجه
في غرفه اسيل التي تجلس فيها خديجه دقت سارة الباب و سمحت لها بدخول وقالت:هو انتي هتفضلي مقطعانه كده لحد امتا
خديجه:فين ده
سارة:اللي ميشوفش من الغربال يبقا اعمي......ديچه يحبيبي اللي انتي عامله ف نفسك و ف جوزك و عيالك ده مش هيخلي مراد يرجع البيت.....اصلا ابنك عايش حياته و مش همه و لا ف دماغه.....طب تعرفي أن اسيل قالتلي أنه طلب امبارح ايد جويريه بنت فاروق جاركو
خديجه بصدمه:ايه
ساره:اهاا والله طلب أيديها وممكن يروح يتقدم رسمي و يشوفها النهاردة
نظرت لها بإندهاش وقالت:و ازاي اسيل متقوليش و لا حتي حسن ولا اي حد فيهم هو انا بقا مليش لازم ولا ايه
سارة:اسيل اكيد مش هتقولك وهي شايفه عامله في نفسك كده وحسن هيقولك فين أن شاء الله وانتي راضيه تقوليلو صباح الخير حتي
خديجه:متخرجيش عن الموضوع الاساسي و تدخلي ف موضوع تاني انا مش عايزة و لا قادرة اتكلم فيه
سارة وهي تنهرها:يعني مش عايزة تتكلمي فيه ده جوزك وهو حد غريب ذنبه ايه هو يفضل لوحدو كل ده والمفروض تبقي جمبه في أي موقف ايا كان وهو ده الموضوع الاساسي اصلا انا بكلمك عشان كده هو ملوش ذنب أنه عايز مصلحه ابنه
خديجه:وهي مصلحته أنه يضيع مستقبله
سارة:ابنك ممتش يعني بعد ما ساب الشغل ولا حاجه هو مضربوش بالنار عشان تعملي كده ابنك يقدر ينجح ف أي مجال تاني العمر لسه قدامه....وفيها ايه لما يمسك مع ابوه الشركه هو هيمسك شبكه دعارة دي واحده من اكبر شركات الهندسه و البناء والمعمار ف الشرق الأوسط وانتي عارفه كده
خديجه:انتي عايزة ايه يا سارة من الأخر
سارة بعد ما هدأت:مصلحتك.....حسن بقا شكله حزين اوي و بقا مش بيتكلم و يهزر زي الاول ولا بياكل كويس و شكله عجز كده بعد ماكان وهو ف سنه ده يبان كأنه لسه ف عز شبابه.......ده انتي مثلي الاعلي ف علاقتك بجوزك....وانا مشوفتش واحده بتحب جوزها زيك والكل بيحلف و يتحالف بقصتكو .....طب و حياه ولادك موحشكيش
نظرت لها و لم ترد
سارة:ردي انتي مكنتيش تعرفي تنامي وغير وحسن جمبك ع نفس المخده
خديجه:وبردو مكنتش بعرف انام ولا اطمن غير وانا متأكدة اني ولادي كلهم جمبي
سارة:هو انتي كل اللي يربطك بحسن هما الولاد و بس ايه فين حبك و لهفتك عليه راحت مع الزمن
خديجه بلهفه:عمر ابدا اللي بيني وبين حسن هو الولاد وهو عارف كده
سارة:طب فين بقا فين اللي انتي بتقولي ده........خليكي جمب جوزك و احتويه يديچه حسن ملوش غيرك و بيحبك وكلنا عارفين و ع فكرا من ساعه ابنك ما ساب البيت و حسن مش مخلي محتاج حاجه بس مش انا اللي مفروض اقولك هو بقولك بعد ما تتصفو.....قومي معايا يلا
خديجه:علي فين
سارة:هتنزلي ترضيه بكلمتين والحقي عشان عايز يخرج عشان انتي تنزلي تفطري عارف انك مش بتنزلي عشان هو موجود
عضت خديجه اصبعها بحرج
سارة: مش وقت ندم دلوقتي انتي هتجي تصلحيه هو مش هيكسفك اكيد يلا
خديجه:استني بس....طب هقولو ايه
سارة:متفكريش انتي لما تقفي قدامه الكلام هيطلع لوحده يلا بقااا
و أخذتها و نزلت للأسفل لم يجدو حسن علي طاوله الطعام
خديجه بحزن:ده خرج هستناه لم يرجع بقا
قصي:حسن ف المكتب....سارة تعالي عايزك
سارة:حاضر......زي ماقولتك يا ديچه هاا
اؤمات لها و ذهبت بتردد اتجاه المكتب وقفت أمام الباب دقائق مترددة دقت الباب سمعت صوته من الداخل يقول:تعالي يصباح
فتحت الباب وقالت:مينفعش انا
رفع رأسه اليها نظر لها بدهشه ثم قام من مكانه و جلس ع الاريكه وقال:اتفضلي
خديجه:احم هو مش احنا قولنا مفيش شغل يوم الجمعه
حسن بلامبلاه:معلش عندي شغل ضروري
خديجه: اممم.....حسن
نظر لها بإستفهام
قالت هي و هي تنظر للاسفل:حقك عليا
حسن:هو انتي غلطتي ف ايه الغلطه غلطتي انا من الاول
خديجه:لا غلطت لما بعدت عنك كل ده وانا عارفه انك محتاجلي بس صدقني انا موجوعه ع ابني
حسن بتفهم:عارف....بس اكيد انا كمان موجوع عليه ده حته مني صح ولا ايه
خديجه:صح وعارفه أن مفيش حد ف الدنيا بيحب عياله زي مانت بتحبهم حقك عليا متزعلش مني
حسن بلامبلاه:مش زعلان
خديجه:حسن عشان خاطري
حسن: خديجه قولتلك مش زعلان
خديجه:عيني ف عينك كده
نظر في عينيها مباشرة تحاولت نظرته الي عتاب و لوم وهي الي أسف و اعتذار
رمت نفسها علي صدرة تبكي بشدة ربت هو علي ظهرها و شعرها بحنان فهو لم يقدر أن يحزن منها أو عليها في هي قطعه من قلبه و كل شيء ف حياته
خديجه ببكاء:انا اسفه يحسن صدقني عمري ما هبعد عنك كده تاني اسفه
حسن و هو يهديها:خلاص يروحي اهدي وحياتك عندي مش زعلان والله العظيم ما زعلان....من امتا وانا بيجبلي قلب ازعل منك ده روحي وحياتي وكل ما ليا ف الدنيا لو بحب الولاد عشان انتي امهم و منك انتي
خديجه بدموع:بحبك
حسن:وهو يقبل رأسها و يمسح دموعها ب شفايفه
:وانا بموت فيكي و بعشقك.....و وحشتيني اوي
محتاجلك اويي يديچه اوي اكتر من اي وقت انا حاسس اني لوحدي و كلهم ضدي
خديجه:انا جمبك و معاك أي وقت تعوزني وعمرك ما هتبقا لوحدك طول ما انا عايشه ده وعد مني ليك لحد ما ربنا ياخد امنته
حسن وهو ينهرها: متقوليش كده بعد الشر عليكي ربنا يجعل يومي قبل يومك يارب ... ده انا اموت من غيرك
خديجه وهي تحشر نفسها في أحضانه:ربنا يخليك ليا يحبيبي و متحرمش من حضنك ابدا
خديجه: احم ليه مقولتليش أن مراد أتقدم لچوري امبارح
حسن:كنت فاكر اسيل قالتلك بس بردو كنت هاجي اقولك بعد ما اخلص اللي ورايا ف المكتب
خديجه: اممم طب هو هيروح لوحده يتقدم يعني ولا ايه
حسن:اكيد لاء مش بمزاجه هو اكيد هيحدد معاه ساعه معينه يروح فيها قبل ما يروح فاروق هيكلمني و اروح
خديجه:هتروح لوحدك
حسن:اهاا لم نتفق ع كل حاجه وفي قرايه الفتحه نبقا نروح كلنا بكرا هتبقا أعدت رجاله.....ممكن اخد قصي معايا عشان عمه يعني
اؤمات له ثم أدخلت نفسها ف أحضانه مرة أخري
——–––——————————————

علي جانب آخر بعيد كل بعد عنهم و خصوصا أمام باب بيت هدي الحسيني يقف ادم دق الباب و ثواني وفتحت له هي نظرت له بدهشة وقالت: ادم؟!
ادم:ازيك يا هدي
هدي بإرتباك:انا الحمدالله كويسه وانت
ادم:اكيد مش هينفع نتكلم علي الباب انا عايز اتكلم معاكي غيري هدومك وانا هستناكي ف الكافيه اللي جمب البيت بس بسرعه
اؤماله ذهب هو و أغلقت هي الباب تنفست براحه و جذبت هاتفها من علي الطاوله التي بجانب الباب و اتصلت بزوجها
هدي:ايوا يا معتز
معتز:ايه حياتي في شي
هدي:ادم جه علي الباب هنا و بيقول أنه عايز يتكلم معايا انا قلقانه اوي
معتز:يتكلم معاك بشو
هدي :اكيد الموضوع القديم
معتز:اممم وانتي شو قولتيلو
هدي:هو مستنيني ف الكافيه اللي جمب البيت
معتز:منيح انا قربت علي البيت انطرني لا تروحي لحالك
هدي بقلق خفيف: حاضر
معتز:لا تخافي اوكيه انا معاك
هدي:مش خايفه انا بس متوترة بقالي كتير مشوفتوش ولا اتكلمت معاه
م
عتز:لا ماتخافي انتي مانك عامله شي غلط صح ولا لاء
هدي:صح...انت فضالك كتير
معتز: لا يعمري عم صف السيارة و طالع لعندك مع السلامه
بعد نصف ساعه كانت تدخل من باب الكافيه
كان ادم يجلس يتأفف بسبب تأخيرها
مسح معتز الكافيه ب عينيه وجده يجلس يحتسي قهوة علي طاوله بعيده عن ألباب نسبيا
معتز: يلا هدي لكو قاعد علي طاوله هديك
و شاور لها علي مكانه
ذهبه إليه انتباه ادم لظل يقف أمامه رفع نظره وجدهم قام من مكانه و مد يده لمعتز وقال:احم اهلا انا ادم السيوفي متهيألي تعرفني
معتز و يصافحه:اهلين ايه اكيد بعرفك انا معتز مهران زوجها لهدي
ادم:طب اتفضلو واقفين ليه
جلسو علي الكراسي الموجوده
بدأ ادم الحديث وقال: هدي يوسف قالي
قاطعه معتز و قال بحزم:مدام هدي صار اسمها مدام هدي
نظر لمعتز بضيق وقال: طيب يمدام هدي انتي فعلا ولدتي ف مستشفي يوسف العامري
هدي بهدوء: ايوا
ادم:اممم و اتكلمتو ف الموضوع القديم صح؟!
هدي بنفس هدؤئها: ايوا
ادم بهز رأس خفيفه:طب ممكن تحكيلي اللي انتي قولتي ليوسف بظبط....بس الاول تشربه ايه
معتز:اسف بس انا بدي قهوه لانه راسي راح ينفجر لا تواخذني
ادم:لا لا و يهمك وانتي يهد نظر له معتز بحزم وقال:احم قصدي يمدام هدي
هدي:ممكن عصير ليمون
ادم: تمام....ثم نداهه علي النادل:جرسون
****:ايوا يفندم
ادم:اتنين قهوة وواحد لمون...اها صح يتشرب قهوتك ايه
معتز: زياده
اؤماله وقال النادل مايريد و ذهب
معتز:اسف عذبتك
ادم:لا عادي و لا يهمك المهم يمدام هدي احكيلي اللي قولتي ليوسف ب التفاصيل
حكت له هدي كل ما قالته ليوسف ف المستشفي
هدي:اشمعنا جاي تسأل بعد السنين اللي عدت دي
ادم:اممم مش هكدب عليكي واقولك أن بعد اللي حصل و انا حياتي ماشيه عادي انا لحد دلوقتي بحاول اتعاود علي بعدك و معرفتش....متديقش يا استاذ وليد بس احنا لازم ننهي الموضوع من غير ما اي حد فينا يبقا شايل من التاني جوا اي حاجه........عارف ان اللي هقولو مينفعش اقولو دلوقتي بس انا مش قادر انسي و اتخطي اللي حصل زمان لحد دلوقتي الفكرة صعبه صحبي و حبيبتي و مراتي اللي كانت بعد كام هتبقي معايا تحت بيت واحد ف حضني مع بعض وحشه اوي مراد مكنش مجرد صاحب ده اخويا و أقرب حد ليا انا خسرت حاجات كتير اوي خسرتك و خسرت صحابي و خسرت نفسي قبلهم
معتز:انت لشو بدك توصل بضبط لكك عرفت يالي مفروض كنت تعرفه من قبل ليش عم تحكي هيدا الحكي هلأ
ادم:عندك حق بما اني عرفت كل حاجه انا كده مش عايز حاجه تاني
قام من مكانه ظبط جاكت بدلته واغلق الزر وقال:مدام هدي انا من كل قلبي بتمنالك الخير وربنا يخليلك ابنك و عقبال الطفل اللي جاي أن شاء الله عن اذنكو وعايز اقولك و قدام جوزك ...... انا لسه بحبك هفضل احبك رغم اللي حصل ومش عارف انساكي ....... عن اذنكو
––-----------------------------------------------
اسفه على التاخير⁦❤️
ڤوت و كومنت و اعملولي متابعه💖
By: amera Salah