اسفه على التاخير 🧡
في الصعيد
في بيت التي تعيش فيه اسيا مجددا
في غرفتها تجلس هي متكومه علي نفسها بالفراش لم تنم من البارحه تبكي فقط دق الباب ودلف عمران وقال
عمران:صباح الخير يا أسيا
نظرت له بصمت ولم ترد
جلس هو بجانبها ومسك يديها نفضتها منه قال هو
عمران:رايد اتحدت معاكي شوي ممكن
لم تلقي له أي كلمه دموعها تنزل بصمت وتنظر للفراغ
عمران:بصي اني عارف اني غلطت وياكي كتير وعارف لو فضلت اتأسفلك طول عمري مش هترضي حتي تبصي في وشي....بس والله العظيم اني بحبك.....وعارف أن فرج السن بيني وبينك كتير....حاولت كتير اطلع حبك من جلبي مجدرتش....اني مش وحش يا اسيا...........تعرفي اني حبيتك من ميته من لما اتولدتي في الدار ديه كنت انا تانيه ثانوي وجتها واني كنت جاعد جدام الأوضه اللي امك بتولدك فيها كنت لحالي محدش كان جاعد معاي امي خرچت من الاوضه دي وانتي علي يدها حطيتك بين يدي وجالتلي خالي بالك منيها عجبال ما اچيلك و رچعت الاوضه تاني......وانا شيلك علي يدي حسيت ب مسؤليه غريبه عليا.....من يومها واني مش عارف حبيتك كيف وازاي بس كنت حاسس انك بتي اني ومسؤله مني انا.....لما ابوكي واخوكي ماتو في الحادثه وامك خدتك علي القاهرة كنتي صغيرة وجتها في اعدادي اني فاكر......متعرفيش انا حالي كان يومها كيف...حسيت اني بنتي بتروح مني....اتجوزت البومه اللي متچوزها دي جولت جايز أجدر انساكي ومنستكيش.....منكرش اني اتفجاءت زيك بموضوع الوصيه دي وفرحت كمان فرحتي مكملتش لم عرفت انك رافضه حاولت اتكلم معاكي كتير بس انتي كنتي بتتجنبني....بعتلك امي وبردو رافضتي اني اللي جولت لمرتي أنها تجولك ع موضوع الخلفه ديه بردو قولتي لااه..معرفتش اعمل ايه....مكنش قدامي غير اني اعمل عملتي السوده اللي عملتها معاكي ديي اللي مش عارف اسامح حالي من يومها....اديني فرصه واحده بس اعوضك عن كل اللي شوفتيه مني
اسيا بجمود:طلقني
عمران:انا بحكيلك كل دهه عشان تجولي طلجني
اسيا:انت مستني رد فعلي يكون ازاي!!!؟اترمي في حضنك واقولك خلاص عادي محصلش حاجه!! ولا كأن مستقبلي ضاع!!لاء يعمران لاء...اللي عملتو انت لو فضلت خدام تحت رجلي طول عمرك انا مش هاسمحك....طلقني وارحمني وارحم نفسك....انا عمري ما كنت ليك
عمران بتوسل:اديني فرصه واحده....واحده بس والله هعوضك وهثبتلك اني مش وحش.....متسبنيش يا أسيا ونبي........اني عمري ما كنت بضعف ده جدام حد انتي الوحيده اللي مسموحلك تشوفي ضعفي واحتياچي ليكي انتي بس....طب...طب الناس هتجول ايه لو طلجتك علطول أجده
اسيا ببكاء:مش مهم الناس المهم انا.....انا تايهه ومش لاقيني طلقني ونبي وسبني في حالي
عمران:مش هجدر والله ما هجدر متجيش عليا جوي أجده
اسيا:بس انت جيت عليا اوي وكسرتني بكل ما عندك من قوة و دورت علي الحاجات اللي تأذيني وعملتها.........طب..طب هسألك سؤال لو اللي انتي عملتو معايا ده حد عملو مع اختك هتسكت.....هتسكت يعمران....مفتكرش ده انت صعيدي وطبعك حامي وثم قالت بصوت عالي نسبيا:ماتردد رد عليا هتردها لا اختك
هز رأسه نفيا
اسيا:اختك لاء وانا عادي هاا؟!!عملتلي ايه يثبتلي حبك زي ما انت بتقول.....انا اقولك......ضربتني نمت معايا غصب عني اغتصبتني يعني روحت سحبت ورقي من الكليه معرفش ليه بعدتني عن كل حاجه بحبها وكل حد بحبه.....انت كده بتحبني صح!؟؟لا طريقتك مميزة ومختلفة حقيقي ......لاخر مره بقولك طلقني وريحني
عمران ب استسلام:طب ع الأجل اصبري فترة عشان محدش يستغرب من الطلاج اللي من تاني يوم ده
اسيا:فترة قد ايه يعني
عمران:يعني ٦ شهور سنه بكتير عشان محدش يشك
اسيا:هما ٦ شهور...٦شهور ويوم هتكون طلقتني
عمران بأمل:مش جايز تغيري رايك
اسيا:لا مش جايز....طول ال ٦ شهور حاول متخلنيش اشوفك كتير
اؤما لها بحزن ثم خرج من الغرفه ومن البيت كله
---------
في القاهرة
رجع حسن من البيت في الصباح وجد (قصي_عبدالرحمن_اسيل_سارة)ماعدا خديجه
جلس علي الكرسي بتعب ووضع وجهه بين يده
قصي:معرفتش راح فين
حسن:عرفت قاعد في فندق••••••انت عرفت منين
قصي:الولاد كلموني امبارح انا هنا من بليل اتصلت عليك كتير مش بترد وهو قافل فونه
اؤما له برأسه
حسن:خديجه فين
اسيل:نايمه من امبارح كل شويه تصحا تعيط وتنام تاني وبتحاول تتصل بيه من تلفونها بس فونه مقفول
سارة بتعب:اطلع انت ارتاح يا عمي وان شاء الله خير
قصي:صح يا حسن انت منمتش من امبارح اطلع ناملك ساعتين
هز رأسه بمعني لا وهو مغمض العين
حسن:زين وزينه فين مش شايفهم ولا سامع صوتهم من ساعه ما جيت
اسيل:بيلعبو مع البنات في الجنينه برا
حسن:طب هطلع اخد شاور ونازل قصي عايزك في حاجه بخصوص افتتاح الشركه الجديده اللي بعد بكرا ده
قصي: حاضر
اسيل:طب ناملك شويه يا بابا
وهو صاعد الدرج:قولت مش عايز
صعد اللي غرفتهم معا
وجدها تجلس علي التخت الدموع تنزل من عيونها بصمت ذهب إليها وجلس أمامها
حسن:خديجه
صمتت ولم ترد عليه ووجهت نظرها الي الجهه الأخري
حسن:بصلي طيب
لم ترد أيضا
حسن:اهون عليكي للدرجه دي طب يستي متبصليش
وضع رأسه علي قدمها واغمض عينه براحه
خديجه بصوت خافت:ابعد
قالت من ع قدمها ونظر لها بحزن وقال
حسن:ديچه صدقني انا كنت خايف عليه مش انتي كنتي عايزه يسيب شغله
خديجه بجمود: مقولتلكش تعمل كده
حسن:اديته فرصه أنه يسيبه من نفسه مسبهوش
خديجه:حسن انت دائما بتتصرف من دماغك من غير ما تسأل حد مش جديده عليك يعني
حسن:طب انتي عايزة ايه وانا هعملو
خديجه بثبات:لسانك ميخطبش لساني لحد ما ترجعلي ابني
حسن:هيجيلك قلب متكلمنيش كل ده
خديجه:زي ما انت جالك قلب تدمرله مستقبله
نظر لها بحزن ثم قام من مكانه و ذهب الي الحمام وخرج بعد ١٠ دقائق يلف خصره ب المنشفه وبيده منشفه صغيرة يجفف بها شعره لم يجد خديجه ب الغرفه دخل غرفه الملابس لبس بنطلون اسود وقميص اسود وصفف شعره بإهمال با يده ووضع برفانه ونزل الي الأسفل لم ياجد غير اسيل و والأطفال فقط
حسن:ايه ده هما راحو فين
اسيل بقلق:سارة تعبت فجاءه ماما بتقول انها بتولد كلهم راحو بيها المستشفي
حسن:مستشفي ايه!
اسيل:مستشفي الحياه التخصصي(اي هبد مفيش مستشفي اسمها كده)
حسن:طب انا هروحلهم خلي بالك من نفسك ومن الولاد وهكلمك كل شويه في التليفون
عليا وهي تجري عليه:انكل هي مامي هتتاخر
نزل لها علي ركبتيه:لا يروحي مش هتتاخر أن شاء الله متخفيش خليكي مع اخواتك وهي هتجي علطول قبل وجنتيها ثم ذهب
--------------------------
في الفندق الذي يجلس فيه مراد يجلس يمسك الهاتف بتردد يريد أن يتحدث مع بلال ولكن ماذا سيقول أخذ الخطوة و طلب رقمه وبعد لحظات أتي له الرد
بلال:الو
مراد:بلال انا مراد
بلال:اهلا يبشا عامل ايه
مراد:انا الحمد لله وانت
بلال: الحمدالله كويس
مراد:احم انتو راجعين القاهرة امتا
بلال:بكرا بأذن الله في حاجه ولا ايه
مراد:لا مفيش بس غيبتكو طولت...هو رقم عمي فاروق زي ماهو
بلال:ايوا
مراد:بص بقا بصراحه انا عايز اكلم جويريه ضروري
بلال بستغراب:ليه
مراد:عايز اقولها حاجه بخصوص جوزنا
بلال:اممم مش انت كده كده هتكلم عمي
مراد:انا عايزها هي
بلال:ماهو مينفعش وانت عارف
مراد:صدقني يا بلال عايزها في موضوع ضروري اوي قبل ما أكلم باباها....انا اول مره اطلب منك حاجه
بلال تفكير:اممم حاضر لما اروح هتصل بيك تكلمها وانا هناك
مراد:متشكر اوي يا بلال حقيقي
بلال:لا يبشا و لايهمك...يلا سلام هكلمك تاني
اغلق الهاتف معه
-------
في الصعيد
في غرفه المخصصه چويريه في بيت جدتها چليله
تمسك الهاتف حتي تطلب اسيا كما وعدتها البارحه
وضعت الهاتف علي اذنها تنتظر الرد
اسيا بصوت مبحوح:الو
چوري بمرح:صباحيه مباركه
اسيا بسخرية:ونبي
چوري:عامله ايه يحبيبتي
اسيا:زي ما انا موجعه يمكن حزينه اكيد حاجات بسيطه يعني
چوري:متكلمش معاكي امبارح خالص هو ايه اللي حصل بعد ما انا مشيت
اسيا:محصلش حاجه و اها اتكلمنا وقالت بسخريه:تصوري بيحبني....المهم هتجلي امتا
چوري: مفتكرش هقدر احنا راجعين القاهرة بكرا الصبح......انتي كده مش هتنزلي القاهرة تاني مش كده
اسيا بتنهيده:مش عارفه لسه اكيد لو هنزل هكلمك...وقالت بتردد:بلال عامل ايه يچويريه
چوري:انا بايته عند تيته جليله من امبارح هو بيات عند جدو بس هو هيجي كمان شويه ابقي اتكلم معاه أشوفه عامل ايه
اسيا بحزن:ابقي طمنيني
چوري بقله حيله:حاضر يا أسيا
اسيا:وابقي أسألي عليا يا يجويريه ونبي انا مبقاش ليا غيرك
چوري:و مامتك
اسيا بجمود:الله يرحمها
چوري:يا بنتي متقولش كده بعد الشر عنها هي اكيد عملت كده عشان خايفه عليكي
اسيا:كتير خيرها والله تعبت معايا اوي هي....انا هنام بقا عشان منمتش من امبارح الصداع هيفرتك دماغي
چوري:اسيا صدقني هتندمي علي موقفك مع مامتك ده صدقني الواحد من غير ام حالته تغم وانا اهو قدامك من ساعه ماما الله يرحمها ما ماتت وانا مش لاقيه حد يفهمني واتمني يوم من ايامها بس
اسيا:حاضر يلا سلام
چوري:هكلمك بليل تاني سلام
أغلقت معاها الهاتف
دق باب الغرفه ودخل بلال
چوري:ابن حلال لسه كنت ع بالي
بلال بمرح:وانا اقول كنت هقع ع السلم ليه وانا طالع
چوري:بس يحيوان كنت جاي ليه
صمتت بلال بتفكير
چوري:ايه يا بني في ايه
بلال:منا هقولك اهو...احم في حد عايز يكلمك في التلفون
چوري:حد مين
بلال:احم أبيه مراد
چوري بدهشة: ليه
بلال وهو يهز كتفه:بيقول عايز يقولك حاجه بخصوص موضوع جوزكو
جوري بخجل:بس انا مينفعش اكلمو
بلال:قولتلو والله قالي أن عايزك ضروري قبل ما يكلم عمي ويجي يتقدم
صمتت هي بتفكير
چوري:طب هكلمو منين
بلال:من عندي هتصل بيه دلوقتي كلميه بس بسرعه
اؤمات له
اخرج الهاتف وطلب رقم مراد
مراد:الو ايه ي بلال عملت ايه
بلال:هي معايا اهي بس بسرعه
مراد:تمام بس هاتها
بلال:خدي كلمتين وبس تشوفي عايز ايه و خلاص
اؤمات له واخذت منه الهاتف وقالت بصوت خافت:الو
مراد:ايوا ي جويريه خدي الفون بعيد عنه ثانيه
شاورت لبلال أنها ستأخذ الهاتف بعيد أشار له برأسه بمعني نعم
اخذت الهاتف ووقفت به عن الشرفه
چوري:تمام في حاجه يا أبيه مراد
مراد:من غير أبيه دي بس متهيألي انتي منستيش كلامي معاكي اخر مره
چوري:اممم
مراد:تمام عايز اعرفك حاجه قبل ما اجي اتقدملك واتكلم قدام بابكي وانا ايدي ملينه ومتأكد انك عارفه ظروفي
چوري:تمام
مراد:انا دلوقتي في خلاف كبير بيني وبين والدي وكمان حصل ظروف كده وسيبت شغلي بس خلاص ظبطت شغل تاني الحمد لله وانا كده كده معايا فلوس بس انا سايب البيت اليومين دول واحتمال اسافر قرار السفر ده متوقف عليكي انتي لو موافقه انا هاخدك ونسافر كام سنه ونرجع ولو موافقتيش انا هسافر لوحدي ومش راجع كل ده متوقف عليكي انتي....مهما كان قرارك انا هحترمو....بس عايزك تعرفي أن انا بحبك بجد ومحتاجلك معايا وجنبي وبذات الفترة دي....حياتنا يمكن هتبقا صعبه شويه ف الاول بس هتظبط بسرعه أن شاء الله.......الكلام ده هقولو لا بابكي لما اجي بس حبيت اقولك الاول عشان ابقي عارف انك موفقه قولتي ايه يچوري
چوري:••••••
-------
في مستشفي الحياة التخصصي يقفو جميعهم علي أعصابهم وقصي يأخذ الطرقه ذاهبا و ايابا بعصبيه بسبب تأخرها في الداخل سمع صوت صريخها
ذمجر ب عصبيه:هي بتصوت جامد كده ليه هما بيعملو ايه جوه
خديجه:يا ابني اهدا ده طبيعي دي مش اول مره تولد يعني
قصي:اول مرة تولد طبيعي يخديجه اول مرة.....أتأخرو اوي
بعد عشر دقائق
قصي:لا لا انا مش مطمن انا هدخلها لازم ادخل
خديجه:تدخل فين مينفعش
قصي با إصرار:لا ينفع.... عبدالرحمن روح شوفلي اي ممرضه بسرعه ونبي
ذهب عبدالرحمن
جاء حسن وجد أخيه عصبي ومتوتر للغايه
حسن بقلق:ايه الاغبار
قصي:جوا من بدري يحسن انا هموت من القلق مش قادر
حسن:خير ان شاء الله يبني اجمد كده
جاء عبدالرحمن بالممرضه
قصي بلهفه:مش ينفع ادخلها
ممرضه:اها يفندم ينفع تعالي احضرك عشان تدخل لو عايز
قصي وهو ذاهب معاها:متشكر اوي
أشار حسن عبدالرحمن انا ياتي له
همس له في أذنه:اتصل با اخوك من فونك شوفو جايز يرد عليك شوفو ناوي يعمل ايه وقولي
عبدالرحمن:حاضر
و ذهب بعيد عنهم
خديجه بجمود:ممكن تلفونك نسيت تلفوني في البيت
اعطالها الهاتف
طلبت رقم اسيل اطمنت عليها هي والاولاد وقالت لها أن تقول للخدم أن يجهزو الجناح الخاص ب قصي لا نهم سيبقون عندهم حتي تتعفا سارة أغلقت معاها واعطاته الهاتف مره اخري
-------
داخل غرفه العمليات يدخل قصي بخطوات متردده فهو يكره المستشفيات بشده اذهب اليها وجدتها متعرقه بشده وتبكي
سارة ببكاء:مش قادرة يقصي الحقني بموت
قصي:بعد الشر عنك هانت يروحي هانت أن شاء الله هنخرج كلنا مع بعض
ضمها إليه وهو ينظر إلي ما يفعلون ثم اغمض عينيه بألم كانت هي تبكي وتتألم بصوت زلزل قلبه وادمع عينه ثم صرخت صرخه عاليه بعدها فقدت الوعي تزامنا مع بكاء المولوداين
قصي:هي أغمي عليها ليه
الدكتورة:ده طبيعي من البنج والوجع بس نص ساعه بظبط و تفوق
اغمض عينه براحه وقال:طب الولاد فيهم حاجه
الدكتورة: الولاد زي الفل مفيهومش حاجه تحب تشوفهم!؟
قصي:اطمن عليها الاول انا اهلي بره ممكن تديهم الولاد عقبال مااطمن عليها
اؤمات له وذهبت تكمل عملها نقلت سارة الي غرفه عاديه وهو معاها ولم يترك يدها لحظه واحده
بعد ساعه كانت فاقت سارة لكن يظهر عليها للتعب وهم يجلسون حولها
خديجه:حمد الله على السلامه يحبيبتي يتربو في عزك
ابتسامت لها ابتسامه متعبه
باركو لها كلا من حسن و عبدالرحمن
سارة بتعب:هما الولاد فين انا مشوفتهمش من ساعه ما صحيت
حسن:قصي راح يجيبهم وجاي متقلقيش
سارة:تمام....بس البنات فين
حسن:سيبنهم في البيت اسيل معاهم والخدم كمان كده كده انتي هتطلعي من هنا ع البيت عندنا
اؤمات له واغمضت عينها بتعب
دخل قصي عليهم وهو يحمل الطفلين علي رزاعيه
قصي بفرحه:حلوين اوي يا سارة كل حاجه فيهم صغيرة اوي
مدت يدها له بأبتسامه واخذت واحد منهم لمعت عينها بفرحه
عبدالرحمن:هتسميهم ايه بقا
سارة:زياد و يزيد
قصي:حلوين اوي هروح اسجلهم حالا
حسن وهو يربت علي ظهرة:مبروك يحبيب اخوك عقبال ما تفرح بيهم كلهم الخمسه يارب
قصي:حبيبي يحسن تسلملي...شوفت بقا عندي خمس عيال زيك اهو شكلها وراثه
خديجه:عقبال ما تشوفهم زيهم يحبيبي
--------
في الصعيد مرة أخري
في بيت الحجه جليله
يجلس فاروق يحكي لهم مقابله سيف مع والده لطلب يد نوران
جليله بدهشه:يعني ابوك وافج
فاروق:اها مالك مستغربه ليه
جليله:لااه ولا مستغربه ولا حاچه بس اشمعنا وافج المره دي يعني ما كلمو اخوك صالح جبل أجده ابوك رفض
فاروق:علمي علمك والله...المهم انهم هيكتبو الكتاب والفرح بعد شهر انا هكون مشيت هاجي ع الفرح أن شاء الله
جليله:هتسيب اختك ف كتب كتابها يفاروج
فاروق:افتتاح شركتي بعد بكرا ولازم ابقي موجود ولازم ارجع كام حاجه مع شريكي قبلها
جليله:بس دي خيتك يا فاروج كيف مش هتبقى موجود في كتب كتبها يعني
فاروق:مشغول والله يا امي هنيجي ع الفرح باذن الله وجهه كلامه لفريال:حبيبتي جهزتي الشنط
فريال:اها يحبيبي كله تمام....احم بس انت مش هتشوف باباك قبل ما تمشي
فاروق بجمود:لاء
جليله:ليه يا ولدي ده مشفاش مرتك ولا ولدك الصغير خالص
فاروق:ده احسن بردة روحتلو اول ما جيت وخلاص انا طالع انام يلا يفريال تصبحي علي خير يا امي
•••••••••••••••••••
اسفه علي التاخير😢❤️
كام سؤال كده بخصوص البارت ده
لو انتو مكان چوري هتوافقو ولا ترفضو؟!
لو انتو مكان اسيا هتقدرو تعطو لعمران فرصه ولا لاء؟!
الموقف اللي خديجه خديته من حسن صح ولا لاء!؟
استنوني يوم التلات باذن الله رمضان كريم عليكو يا قمرات❤️❤️❤️❤️❤️
