في الصعيد
في بيت جليله أم فاروق يجلس فاروق و فريال في غرفه كانت تحبس دموعها حتي لا تهبط أمامه بسبب كسفته لها أمام أمه وهو أيضا ينظر لها بإزعاج بسبب انها لم تمل من الحديث بزواج اخيها ب ابنته كان يتزكر مقابله والدته له ولعائلتو
Falsh Back
دق فاروق الباب ظهرت له أمه الحبيبه
جليله بسعادة وهي تضمه لها:فاروج ولدي كيفك يا نور عيني تعالي يا نضري ادخل تعالو يا بنات
فاروق ببتسامه:ازيك يما واحشاني جوي
جليله:زينه عشان شوفتك انت وعيالك ياعيني
دخل الي غرفه الجلوس جلسو فاروق وفريال بجانب أمه علي الاريكه وچوري و مريم علي كراسي مجاورة
جليله:كيفك وكيف احوالك يا والدي
فاروق: الحمدالله يما نشكر ربنا علي كل حال....سلمي علي جدتك يا چوري انتي ومريم
ذهب البنات وقبلو يديها ربتت هي روؤسهم
جليله:ما ترفعو اللي ع وشكم ده شايفين راچل غريب جاعد ولا ايه نظرت لهم بسعادة وقالت:مين فيكو مريم ومين چوري
فاروق:اللي بنقاب بني دي مريم بنت فريد ياامي واللي بنقاب نبيتي دي جويريه بنتي انا
رفع البنات نقبهم نظرت لهم وقالت لمريم بدموع وحب:حاسه اني شايفه فريد والدي جدمي شبه الخالج الناطج فلجه جمر يحبيبتي
مريم بحب:ليا الشرف اني شبهه يا تيته ياريت كمان ابقي زيو
چوري بمرح:وانا بنت الغساله يعني ولا وحشه للدرجه دي
جليله بضحك:لااه يا لمضه انتي كمان فيكي كتير من امك الله يرحمها انتي كمان جمرين
ارسلت لها قبله با الهواء ضحك جميع من في الغرفه
قالت جليله لمريم:تعالي في حضني يا بت الغالي
ذهبت لها مريم واخذت في أحضانها
چوري وهي تجلس علي الأرض مقابل والدها أشارت له أن يعطيها أذنه تقول له شيء قالت بهمس:الحق يبشا الست الكبيره مش شايفك غالي شايف التفرقه انت لازم تاخد موقف وتشكيها في مجلس حقوق الإنسان
امسك خدها وبضحك:انتي مش هتبطلي عادة التسخين اللي فيكي دي وبعدين امي تعمل اللي هي عايزة ملكيش فيه
چوري:يخويا انا غلطانه اني بحافظ علي حقك
فاروق:بتحفظي علي حقي ازاي يعني
چوري بهمس:أصلها شايفه اني عمي فريد الله يرحمه هو بس اللي ابنها وانت ابن البواب باين ولا ايه مش عارفه انا عايزك تطالب بحقك ونعمل قضيه اسبات نسب
فريال بضحك:انتي فظيعه يخربيتك مش قادرة هموتت
فاروق:ملكيش دعوة يحبيبتي انا راضي
چوري:انا غلطانه براحتك اصلا انا مالي
فاروق:ايوا انتي مالك
رمشت ببرءاه مصنطعه:كده يا بابي بتكسفني
اؤما لها وهز كتفه بلامبلاة
ذهبت الي جدتها التي كانت لا تزال تضم مريم إليها وقالت:مش هتحضنيني انا كمان ولا ايه ولا عشان هي عنيها رمادي زيك يعني
جليله بضحك:تعالي جربي يا مصيبه انتي وقالت لها بهمس مرح:بتسخني والدي علي يا بوتچاز انتي
چوري ببرءاة:انا!! محصلش ابدا
فاروق:يا سوسه
نظرت لهم بغضب طفولي وصمتت ضحك عليها كل من في الغرفه ورجعت جلست مكانها ألقت نظرة علي ابيها ارسل لها هو قبله في الهواء أشار لها أن تبتسم ابتسمت هي بشده
چليله لفاروق:بس ايه اللي جابك يعني دلوج انت بجالك كتير جوي مش بتجي
فاروق:اولا وحشتني ثانيا الشغل اللي هنا انا بقالي كتير مطنشو سايبه كله لصالح عايز اشوفهم عاملين ايه ده مش نصيبي لوحدي بردو نصيب فريد كمان
چليله:وجعدين جد ايه
فاروق:اسبوع أن شاء الله
چليله لفريال:الصغير اللي ع يدك ده اسمو ايه
فريال:فارس يحجه
جليله:ربنا يباركلكم فيه يارب انتي كيف اغبارك يفريال يبتي
فريال: الحمدالله نحمد ربنا علي كل حال
جليله:الواد فاروج عامل معاكي ايه
فريال ببسمه خجوله بعض الشئ:الحمد الله كويس ربنا يخلي لينا
جليله:اممم ماشي يحبيتي....الا جوليلي يمريم يبتي انتي بتدرسي ايه
مريم بهدوء:في تانيه هندسه يجدتي
جليله:وانتي يمصيبه
چوري بضحك:انا كمان تانيه هندسه اكيد مش هبقا لوحدي
جليله:بجيتو عرايس اهو هندورلكم علي عرسان بجا
فريال بهمس بجانب اذنها:اها ونبي يحجه قوليلهم احسن فاروق مزرجن خالص الواد محمد اخويا متقدم لچوري يجي تلات مرات وفاروق دايما بيطرده
چليله:مش موافج علي اخو مراتك لبنتك ليه يا ولدي
نظر فاروق لفريال نظره متوعده:چوري لسه صغيرة يما لسه بدري
جليله:عندك كام سنه يا چوري
چوري بضيق خفي:21 يجدتي
جليله:مش صغيرة يعني يفاروج اني كنت متچوزة المخفي ابوك وانا عندي ١٧ سنه وكنت شايله الدار كله لحد م اتچوز ام الواد صالح
فاروق:الزمن اتغير يا امي زمان غير دلوقتي خالص
جليله:لاا ينضري الزمن متغيرش ولا حاجه انت اللي جفل زي ابوك هو كمان اي حد يجي يتجدم للبت نوران يجف في الموضوع زي الجمه في الزور
فاروق:انتي عارفه فرق السن بينها وبينو قد ايه هو عندو ٣٧او ٣٨ سنه وهي لسه يدوبك بتقول يهادي في العشرينات هيخدها هيربها علي ايدو يعني
جليله:الراچل مايبعبوش اللي چيبو ياولدي وانت زين العارفين جوليلي يفريال مش اخوكي شغال ولا عاطل
فريال:عندو مكتب محاماه كبير في مدينه نصر
جليله:بيكسب يعني
فريال: الحمد لله
جليله:بيشرب ويسكر و يعربد
فريال: الحمدالله الله يارب عمرو مالمس واحده غير في الحلال
جليله:كيف يعني
فاروق:كان متجوز قبل كده يما
فريال بضيق:ايوا كان متجوز بس الله يرحمها بقا
جليله:اوعاك توافج يا واد يفاروج
فريال:ليه بس يماما انتي قايله الراجل ميعبوش الا جيبو
جليله:واحنا بنتنا لا هي عيبه ولا بايره بنتنا لسه في أول عمرها وصغيرة وحلوة ومتعلمه والف مين يتمنها ليه يبجا اول بختها رچل كان متچوز والله اعلم نسي مراته ولا لااه
فاروق:ياريت نهدا بقا ومنفتحش الموضوع ده تاني وانتي عارفه تحذيري كان ايه يفريال تمم عشان مش عايزك تزعلي
جليله:خلاص يواد انت هي جالت ايه يعني
بصوت عالي نسبيا:بت ي چوهره انتي يا بت
جوهرة:نعم يحچه
جليله:خدي ستك فريال ترتاح في اوضه الطريج كان طويل
ذهبت هي مع الخادمه
جليله:بمناسبه سيره الچواز الواد سيف ابن اخت مرات ابوك فاطمه هيحب اختك وعايزها هو بيچي لما يبجا مدايج بيچلي يتكلم معاي وجالي أكده هو خايف لا تكون البت مش عايزه هو بيجول كمان انها دايما شايفه اخوها وخايف كمان يروح لا ابوك يطرده ولا حاچه
فاروق:طب ليه مجربش مثلا يكلم صالح ولا حاجه هو بيتفاهم شويه عن ابويا
جليله:ما هو راح وجالو هيشوف ابوك زي م الواد كان متوقع ابوك جال لاه ومنع كمان أنه يروح البيت طول م البت لسه في البيت كان حچته أنه فرج السن كيفك أجده مع أنه مش كبير
فاروق:متهيألي أنه عنده ٣٠او ٣١ سنه مش كبير يعني
جليله:ايوا واختك داخله علي ٢٦ اهي يعني الفرج مش كبير نهائي هو رايدها وشريها وبيحبها من وهي عيله صغيرة جد أكده لاا وكمان راچل مالي هدومه ومهندس جد الدنيا وشركه اسمها ايه أكده....اهاا العجاد للمعمار
فاروق:شركه العقاد والله ده صاحبي جاري في الفيلا اللي جانبي وانا وهو صحاب وشركاه كمان خلاص هبقا اوصي عليه
جليله:هو انا بجولك عشان تجولي ابجي اوصي عليه اني بجولك عشان تجول رايك دي اختك بردك
فاروق:امي انا مش ولي أمرها ابوها عايش وأخوها صالح كمان هي عائشه مع دول هي اختي اها بس في حاجات كتير معرفهاش عنها خلي يروح تاني الاسبوع ده وانا موجود اهو جايز اقدر اقنعهم يوافقو
جليله:خلاص اني هكلمو يروح تاني
فاروق:بس قبل ما يروح خلي يجلي قبلها واتكلم معاه افهم دماغو رايحه فين عشان وانا هناك اتكلم وأيدي ملينه......دلوقتي انا هسيبلك مريم وفريال وفارس وهاخد چوري معايا عند ابويا
جليله:هترچع ولا هتنام هناك
فاروق:لسه مش عارف يلا يچوري سلام عليكم
ذهب الي بيت عزيز
End Flash Back
قبل قليل في بيت عزيز
طلب عزيز رؤيه صالح
عزيز: صالح
صالح:ايوا يا ابوي
عزيز:اني عايز بت فريد
صالح:عايزها ليه
عزيز :عايز اشوفها ايه مش من حجي
صالح بسخريه:خلي غيرك يجول الكلام ده يا ابوي اشحال انت السبب في انها تتيتم
عزيز:وربنا خدلها حجها مني في مرض ملزمني من كام سنه و ندمان وعايزها تسامحني قبل م اموت
صالح بشك:وبعد ما تسامحك؟!
عزيز:هجول لفاروج يچيب عيلته ويچي يعيش اهنه علطول
صالح بثبات:تفتكر فاروج هيوافج
عزيز ب ارتباك:مش هيوافج ليه؟
صالح:انت واعي للكلام اللي بتجولو يا ابوي انت مش واخد بالك أن اللي انت السبب في موته ده تؤامه وانت ضحيت بيه عادي أكده
عزيز:واني ضحيت بيه عشان مين يعني ماهو عشانك والمنشاويه وجتها كان رأسهم والف سيف ياخدو راچل من عندنا بدل ما يجتلو العيله بحالها
صالح:لااا متسلبهاش فيا اني مروحتش جوالتك جدم ليهم والدك علي طبق من دهب ارچع افكرك يا ابوي وهو مين اللي جالي أنفذ مش انت لا اني بكدب يا عزيز
عزيز:ولما انت مش طيجاني أجده رجعت ليه بعد م هربت
صالح:اني مهربتش......اللي راچعني بعد الحادثه اللي حصلت معاي وخسرت فيها مراتي خلتني مش طايج الاسماعيليه كلها بس جولت استني اچوز البت قمر وبعدها ارچع بعدها بكام سنه كانت البت دخلت الجامعه والواد بلال كان لس ١٠ سنين هو كده كده اخو بت فاروج في الرضاعه وسيبتو عندو ببعتله مصاريفه كل شهر المهم چوزتها لواحد زميلها شافها وحبها وسبتها في الاسماعيليه و رچعت عرفت بعملتك السودة دي انك جدمت اخوي ليهم وانت عارف ان فريد جريب مني جد ايه صدمتي فيك كبيرة يا ابوي ومجدرش انسي مابلك بجا اللي اخو مات جدامه هينسي خلاص اللي حصل حصل ومفتكرش أن مريم هتردا تبص في وشك دي لو فاكرك من اساسه عن اذنكم
عزيز:علي فين
صالح:رايح داري الجديم محتاچ ابجي لحالي لو بلال سال عني خلي يچلي هناك
****************
في القاهرة
في كافيه••••••••يجلس مراد و يوسف وجسار
ينظر هو الي الفراغ بشرود يجلسون أمامه ينتظرون أن يتحدث
يوسف:ايه يبني انت جايبنا تسمعنا سكوتك ولا ايه مالك كده
مراد بجمود:ابويا عايزني اسيب شغلي
جسار بتعجب:انكل حسن!!!بتهزر انا متهيألي انك لما دخلت الكليه كان فرحان جدا و دايما بيشجعك ايه اللي جد يعني
هز أكتافه بمعني أنه لا يعرف
يوسف:طب هو قالك ايه بظبط
حكي لهم الحوار الذي دار بينه بين أبيه
يوسف:ايوا يعني انت هتسيب شغلك
مراد بثبات وتحدي:علي جثتي
جسار:هتعادي ابوك يعني
نظر له ولم يرد
يوسف:طب انت هتعمل ايه
مراد:ولا هعمل ايه حاجه انا هكمل في شغلي عادي جدا
جسار ب انتبه:الجرح اللي في ايدك ده من ايه
مراد ببرود:كنت بدرب جامد شويه واتعورت
نظره له بشك قال هو ب استسلام:كنت متعصب وجسرت اباچوره في الأوضه عندي ودخلت في أيدي حتت ازازه
يوسف بضحك:حبيبي قول أنها الاوضه كلها مش اباچوره علي أساس اننا مش عرفينك لما بتعصب يعني
يوسف:طب ايه احنا هنبات هنا ولا ايه انا لازم اروح البيت عشان معاد الدوا بتاع ملك
مراد:ليه هي تعبانه ولا ايه
يوسف بمرح:هو انا مقولتلكش مش انا هبقا بابا اها والله العظيم هيبقي عندي بتاع صغير كده اربي واعملو الصياعه
مراد ببسمه بسيطه:مبروك يا يوسف يتربي في عزك
يوسف:عقبالك يكبير
مراد بتمني:يااارب....وانت يحيله مش هتتجوز بقا انت خاطب من زمان اوي
جسار:ونبي يخويا مش باينلها جواز خالص اديني مستاني اهو لما تتخرج من الكليه زي ماهي عايزة اما نشوف اخرتها
مراد:طب يلا بقا عشان عايز انام فصلت
وهم خارجين لاحظ جسار الكروكس الذي يرتديه مراد قال بمرح:كروكس هياكل منك حته شياكه شياكه يعني
مراد:ايش فاهمك انت في البس يبني الكروكس ده اساسي انا لو مش عيب كنت روحت بيه الشغل عادي
ضحكو واتجهه كل واحد الي سيارته
********************
في بيت ادم السيوفي يجلس بإنتظار مكالمه جسار ب المعلومات التي طلبها منه رن الهاتف رد عليه
ادم بلهفه:الو عملت ايه هو ده اللي بليل المعلومات تبقي عندك احنا تقريبا نص الليل
جسار:اللي انت عايزة انا جبته بس كان في مشكله مع مراد وكان عايزني انا ويوسف
ادم بتردد:مشكله ايه دي
جسار:هقولك عليها بعدين عشان انا هموت وانام هات ورقه و قلم اكتب المعلومات اللي جبتها
جذب ورقه وقلم وقال:قول اللي عندك
جسار:بسم الله اولا هي لسه في مصر هتسافر بعد اسبوعين ثانيا هي فين بظبط في البيت اهلها القديم اللي انت عرفه اكيد جوزها بيكون موجود في البيت طول الوقت معادا ساعتين بيروح العياده بتاعتو اللي فاتحها هنا هي بتروح تتابع مع دكتوره اطفال صحبتها عشان ابنها اللي لسه والده ده رقم فونها هي وجوزها هبعتهوملك علي الواتساب بس ده اللي قدرت اعرفه
ادم:تمام يجسار متشكر
جسار: علي ايه يبني خيرك سابق
ادم:اتجوزت ولا لسه صحيح
جسار:يسمع من بوقك ربنا لسه قدامي شويه كده
ادم:ايه كل ده انتو مخطوبين من زمان اوي
جسار:يلا الحمدالله ابقي خلينا نسمع صوتك
ادم:مع السلامه
اغلق الهاتف ونظر الي صورتها التي بقت خلفيه لهاتفه رغم الذي حدث
سمع صوت غناء أخته من الغرفه المجواره له
في غرفه ميادة
كانت تغني ب اندماج
ميادة بصوتها العذب الجميل:حبيتو بيني وبين نفسي... ومقولتلوش علي ف نفسي.... معرفش ايه بيحصلي لما بشوف عينيه....مبقتش عارفه اقولو ايه معرفش ليه خبيت عليه....بضعف اوي وانا جمبه وبسلم عليه....كل حب الدنيا دي في قلبي لي.....ده انت اغلي الناس عليا روحي فيك....ده انت لو قدام عنيا اشتاق اليك....علي بالي ولا انت داري ب اللي جرالي
دخل ادم قال بمرح لا يظهر إلا أمامها:خياااانه هو مين اللي داري يبت هااا مين
مياده بخضه:خضتني يا آدم مش تبقي تخبط
ادم:معلش يا ام كلثوم ٢٠٢٠ بس مين اللي مبهدل القمر اوي كده
ميادة بتنهيده:محدش دي اغنيه معلقه معايا بقالها فتره
ادم بشك:اممم ماشي اتعشيتي
مياده:لا مش جعانه هنام تحب اقوم احضرلك العشا
ادم:لا يحبيبي انا بس جيت اشوفك قبل م انام تصبحي علي حلوة شبهك بقلب اخوكي
مياده ببسمه:وانت من اهل الخير يا دومي
قبل وجنتيها ورجع الي غرفته عزم علي أن يحادث هدي غدا حتي يقبلها ويفهم منها كل شئ
**********************
تسريع في الاحداث
لم يتحدث حسن و مراد من يومها في يوم كان مراد قادم من الخارج صاعد الي غرفته لكنه اوقفه حسن وهو خارج من غرفه الجلوس وهي يحمل زين النائم علي كتفيه وقال:استني.....داده سميحه
داده سميحه:نعم يا حسن بيه
حسن:معلش خدي زين سريره
اخذت منه زين وقال هو بهدوء وهو يضع يديه في جيبه:انا سيباك براحتك من اخر مرة اتكلمنا مخدتش موفق في موضوع شغلك يعني
مراد بثبات:وهو ايه اللي الموقف اللي مفروض اخده
حسن ببثبات أيضا:هو موقف واحد ملوش تاني انك تجيلي تقولي انا جاهز لشغل الشركات وسيبت شغلي
مراد بسخرية:سوري يا بابا بس حضرتك بتحلم
حسن بصوت قوي:اتكلم بأدب
مراد ببرود:والله انا مش شايف اني غلطت
حسن بهدوء مصنطع:اممم يعني انت مش هتسيب الشغل من نفسك؟!
مراد:حاله واحده بس اللي اسيب شغلي فيها....أنهم يتصلو بيكو يقولولكم ده استشهد تعالو استلمو جثتو
حسن بهزه راس وضحكه ثقه:اوك متزعلش بقا من اللي هعملو تمام....تصبح علي خير يا...يا سيده رائد مؤقتا
وتركه وصعد إلي غرفته ظل مراد واقف مكانه ينظر لا أثره بحسره ثم رجع الي الباب وخرج من البيت كله
في غرفه حسن وخديجه دخل هو الغرفه بدل ملابسه لملابس صالحه للنوم وجلس علي الفراش بجوارها
خديجه بشك:حسن انت في ايه بينك وبين مراد
حسن بعد فهم مصطنع:مش فاهم
خديجه:مش عارفه مبقتش اشوفكو بتكلمو بعض زي الاول
حسن:مش انتي عايزه يسيب شغله
خديجه:ده يوم المني
حسن:يبقي سيبني اتصرف
خديجه:ايوا يعني هتعمل ايه
حسن بهدوء:ديچه حبيبي اكيد انا مش
هعمل حاجه مش في مصلحته مش انتي عارفه كده
خديجه:طبعا عارفه بس بس متقساش عليه اوي بردو ده مهما كان ابنك....والله يحسن مراد غلبان وطيب وعمره معصالك كلمه
حسن بغموض: متقلقيش يحبيبتي
خديجه وهي تقوم:اما اقوم اشوف الواد عبدالرحمن حد الدوا ولا لاء
حسن:شدي عليه في حكايه الدوا ده شويه مش كل شويه قلبنا ينخلع عليه بسبب استهتاره ده
خديجه:بس يحسن متفكرنيش مش قادرة انسي شكله وهي واقع علي الارض وقاطع النفس بحس اني روحي بتروح مني
حسن:سلامه روحك يروحي بس الحمدلله انها جت علي قد كده
Flash Back
يوم مؤموريه مراد بعد ذهابه استغربت خديجه من عدم نزول عبدالرحمن علي الغداء وحتي يودع اخيه وقالت لا اسيل تصعد حتي تري صعدت اسيل دقت الباب ولم يرد ظنت أنه نائم دخلت ووجدته واقع علي الارض جرت إليه وحاولت أن تفيقه لكن بدون جدوي ذهبت وندت إليهم جاء الجميع ووجده بهذه الحاله حاولت خديجه أن تفيقه ولكن أيضا دون نتيجه اخرج قصي الهاتف من جيبه وطلب الطبيب المعالج له جاء بعد عشر دقائق علق له محاليل وقال لهم أنه لم يأخذ دواء السكر من يومين وهذه حاله اغماءة سكر لا خوف منها وأمرهم أن يهتمه به و بعلاجه وطعامه ومنع اكل اي شيء من الحلويات
End Flash Back
********************
في الصعيد
اليوم هو زفاف اسيا يجلس هو بجانب عمه فاروق وأبيه صالح وسيف ينظر للعريس عمران بحقد وشر لو نظرات تحرق لكان هذا العمران مات محروقا
فاروق وهو يهمس بجانب اذنه بخبث:مجتش قولتلي ليه
بلال ب انتبه: اقولك ايه يعمي
فاروق:انك بتحبها و عايزها
بلال بكذب:ايه يعمي ده مفيش الكلام ده.... اسيا زي..اختي
فاروق:مش عليا انا باين عليك اوي انت فضالك شويه تروح تقتل العريس
كنت عرفني كان زمانك انت العريس مش هو
بلال وهو ينظر للعريس قال بضعف:رفضتني
فاروق:بردو معرفتنيش ليه عجبك حالك ده دلوقتي وانت بتتفرج عليها من بعيد وهي بتتجوز يا بني صدقني انا حاسس بيك وعارف انك انت دلوقتي كده جواك نار كفيله انك تحرق الصعيد كلها الغيرة علي حاجه مش ليك صعبه اوي...علي العموم نتكلم لما نروح البيت
في الجانب الخاص ب النساء
تجلس اسيا بجانبها زوجه زوجها علي يمينها وعلي يسارها امها
وچوري وفريال نوران ومريم جلسون بأريكه مجوره
فريال بتعجب:هي مالها اسيا شكلها عامل كده ليه مش فرحانه يعني وبعدين هي كانت بتلعب مصارعه ولا ايه ايه اثار الضرب اللي علي وشها دي
چوري:هحكيلك كل حاجه اما نروح
تنظر لها مريم بوجع علي وجع حبيبها تفكر بيما يشعر هو الآن بطبع موجوع وانا لم اتجرأ أن اخفف عنه يا الله امنحه القوه تحمل علي وجعه
انتباهت علي صوت چوري وهي تقول:ايه يمريم مش سامعين صوتك يعني
مريم ب انتبه:نعم
چوري بسخريه:نعم الله عليكي يحبي مالك كده تايهه ليه
مريم بتهرب:عايزة اروح يا چويريه تعبانه
فريال:ليه مالك
مريم:انتو عارفين اني مليش في الأفراح وكده انا جيت عشان اسيا متزعلش
نوران:استني حبه نروح كلنا سوا
مريم:معلش يا رونا انا صاحيه بدري محتاجه انام وانتو شكلكو كده هتتاخرو
چوري:علي راحتك انا هكلم بابا اشوف لو كده نمشي كلنا
اتصلت علي ابيها قال لها أنه لا يصح أن يتركه الفرح قبل ان ينتهي أخبرها أنه سيبعث بلال لها بذهب بها الي البيت جليله
في جانب الرجال
فاروق لبلال:انا شايف أن قعدتك كده ملهاش لازمه هتوجع قلبك علي فاضي قوم روح مريم عند امي
اؤما له وذهب الي سيارته وأخذها ووقف بيها أمام باب الجانب الخاص السيدات للمنزل خرجت له مريم و نوران ركبو لاثنين الخلف كان شاردا ب التي تجلس بجوار درتها دمعه خائنه نزلت من عينيه مسحها حتي لا يلمحها أحد ولكن لمحتها مريم التي تنزل دموعها بصمت من خلف نقابها
بلال:احم معلش ي بنات مخدش بالي انكم ركبتو
نوران:لا و يهمك بس معلش يعني هتروحني هتعبك معايا
بلال:لا ولا تعب ولا حاجه انا كده كده هبات عندكو هوصل مريم عند تيته ونروح
هز رأسها له
***********
جانب الرجال مره اخري
فاروق لسيف:ابقي تعالي عند امي الاول قبل م تروح تتقدم تاني عايز اتكلم معاك شويه
سيف:حضرتك اكيد هتجي معايا
فاروق:لا انت هتروح وانا بعدك بنص ساعه بظبط هكون موجود
سيف:تمم يعمي أن شاء الله هاجي هروح لعمران اسلم عليه عشان صدعت وعايز اروح
****★********
رايكو❤️
ڤوت وكومنت يستركو ربنا🙂❤️❤️❤️❤️
By:amera Salah
