احببتك بكل ما بداخلي من حب فلا تخذلني 💛🙂
-----------
في شركه المحمدي في مكتب فاروق يجلس على كرسيه ب شموخ ووقار ويجلس أمامه حمزة حمزة ابن الست اللي شافت جويريه في فرح اسيا....شاب في أواخر العشرينات صعيدي الاصل لكنه درس في القاهرة)
فاروق وهو يبدأ الحديث بثبات:خير يا استاذ حمزة قالولي انك عايز تقابلني وأنك كمان من عندنا ف البلد اؤمريني
حمزة:ايوا يفندم الصراحه احم..انا كنت جاي اطلب ايد بنت حضرتك
فاروق بثبات:بنتي مين انا عندي بنتين(يقصد مريم)
حمزة بتوتر فهو لم يتذكر أنه سأل أمه علي اسمها:احم بنت حضرتك اللي كانت مع حضرتك ف الصعيد
فاروق:الاتنين كانو معايا ف الصعيد وقبل ما تقول المنتقبه الاتنين منتقبين
حمزة:صاحبه مرات عمران المنشاوي الجديده اللي كان فرحها من كام يوم
فهم فاروق انه يقصد علي چويريه:اهاا تمام اؤمريني بقا
حمزه:الأمر لله وحده سعدتك انا جاي اطلب أيديها
فاروق بهزه رأس خفيفه وتفهم:امممم ظروفك ايه يا استاذ حمزة يعني خريج ايه وبتشتغل فين كده يعني وهل عندك علم انها لسه بتدرس
حمزه بعمليه:حضرتك انا متخرج من تجارة انجلش وماسك كل شغل ولدي ف الصعيد عندي دوار قريب اوي من بيت اهل حضرتك ملكي انا وكمان عندي ڤيلا هنا ف القاهرة بتاعتي بردو و ماشي ف ورق شركتي هفتحها قريب إن شاء الله جمب الشغل بتاع البلد وعندي حساب ف كذا بنك بالنسبه العيله حضرتك اكيد تعرف عيله الطحاوي وعندي اخ مهندس معماري ف شركه••••• واخويا التاني ظابط في الجيش والدي اكيد حضرتك تعرفو أو تسمع عنه ربع اراضي اسوان ب أسمه.
فاروق بأعجاب:حلو اوي انت كبير اخواتك مش كده؟! هز له رأسه أكمل هو :تمام يحمزه بس انت مردش عليا بخصوص انها لسه بتدرس هتقدر تنتظرها لحد ما تخلص درستها وانتو مخطوبين
حمزه:احم طب هي ليه متكملش درستها ف بيتي
فاروق:انا مستحيل اوافق ع كده يا تستني عقبال ما تتخرج بعد سنتين يا بلاش خالص
حمزه:لا يعمي هستناها معنديش مشكله بس ياريت نكتب الكتاب عشان نتعرف ع بعض براحتنا يعني ينفع؟!!
فاروق بعقلانية:اللي هي تقول عليه انا هعملو يعني لو مش عايزة كتب كتاب يبقا مفيش كتب كتاب تمام؟!
حمزة بطاعه:تمام يعمي تحب اجيب اهلي ونجي لحضرتك امتا
فاروق بتفكير: اممم الخميس بتاع الاسبوع اللي جاي كويس عشان الخميس اللي هو بكرا افتتاح فرع جديد للشركه ومش هينفع خالص بكرا...اكيد هستناك تنورني بكرا ف الافتتاح
حمزه:اكيد يعمي اسمحلي اقولك يعمي بس لو هضيقك بلاش
فاروق:عادي يبني وانا هضايق ليه مش احتمال نبقي أهل
حمزه:أن شاء الله خير يعمي وهو ينهض ليذهب :استأذن انا عن اذنك
فاروق وهي يصافحه:نورت أن شاء الله هستني تلفونك عشان نحدد المعاد بظبط و خد ده الكارت بتاعي في كل تلفوناتي وكتب له علي ظهر الكارت وقال:ده رقمي الخاص انا اللي هرد عليك بنفسي....نورت مرة تانيه
ابتسم له حمزة بأتساع وودعه و ذهب
جلس فاروق مرة اخري علي كرسيه وهو يفكر في رأي چويريه وهل ستوافق ام لا يتمني أن لا توافق حتي لا يدخل حياتها رجل غيره هو يحبها بشده فهي ابنت عمره ويغار عليها أيضا ولكن في نهايه هذه حياتها و قرارها لم يجب عليه أن يتدخل يجب هي من تأخذ القرارت المصيرية بنفسها حتي تتحمل نتيجه اختيارها
قطع تفكيره صوت الهاتف وجد أن هويه المتصل هي فريال
فاروق بهدوء:ايوا يفرواله
فريال:ايه يحبيبي ايه اغبارك
فاروق:اغباري كويس البيت عامل ايه عندك
فريال:تمام يحبيبي انا كنت متصله اطمن عليك عشان مشيت الصبح بدري من غير فطار كلت حاجه؟!
فاروق:احم الصراحه لاء
فريال:ليه؟!!
فاروق:الحقيقه مفضتش خالص
فريال:لا ونبي......فاروق وانا معاك التلفون دلوقتي اهو اطلب من السكرتير المرزوع برا ده يبعت اي حد مطعم قريب يجبلك أكل دلوقتي حالا
فاروق بمرح: ايه ده ايه ده انتي بتتكلمي معايا كده ازاي ده انا قد ابوكي حتي احترمني
فريال بحزم:حالا يا فاروق
فاروق بضحك:من عيوني يكبد فاروق
ضحكت ضحكه خافته وظلت معه علي الخط حتي طلب السكرتير وقال له ماذا يريد منه
فاروق موجهه كلامه لها بعد خروج السكرتير:كده تمام يقمر
فريال:تمام بس اياك بعد كده تهمل في اكلك وقالت بمر عشان عضمتك كبرت وعوامل السن ابتدت تبان يا بابا فاروق
فاروق:هحسبك علي كلامك ده ما أجيلك هوركي مين اللي عضمته كبرت يعرة انتي.. المهم يحبي الواد فارس عامل ايه
فريال:اهو مطلع عيني كالعادة من ساعه معرف يمشي وانا ماشيه وراه زي العسكري عشان ميقعش ولا يوقع حاجه
فاروق:يستي يوقع اللي يوقعه فداه خلي يلعب براحته ابقي اخرجي بيه الجنينه ف الشمس يلعب براحته.....چوري ومريم فين صحيح
فريال:چوري اعده في اوضتها من ساعه الفطار بتقول بتزاكر ومريم اعده مع اسيل بنت حسن جارنا في الجنينه برا تحب اندهلك؟!
فاروق: لا لا خليها تفك عن نفسها شويه المهم اطلعي شوفي چويريه صاحيه ولا نايمه عشان ساعه ونص وجاي وعايزها في موضوع ضروري
فريال:حاضر بس هو في حاجه يعني
فاروق:لما اجي هتعرفي يلا سلام دلوقتي عشان عندي اجتماع سلام يحبيبتي
فريال:سلام يحبيبي
اغلق معها الهاتف عندما وجد حسن يدخل عليه المكتب
فاروق:اهلا يعقاد عامل ايه
حسن بهدوء: الحمدالله يفاروق حمد الله السلامه رجوعك القاهره
فاروق:الله يسلمك يحبيبي بس انت مالك كده شكلك مش عجباني
حسن بتنهيده:عندي بس شويه مشاكل كده أن شاء الله هلقيلها حل
فاروق:امم ماضاقت الا ما فرجت يصحبي أن شاء الله خير وكل حاجه هتبقا كويسه
حسن بتمني:يارب يفاروق يارب
فاروق:عرفت أن اخوك مراته ولدت صح الف مبروك يتربي في عزكو عقبال ما تفرحو بيهم يارب
حسن:الله يبارك فيك عقبال ولادك....المهم انا جايلك عشان نظبط كل حاجه بخصوص بكرا خلينا نخلص ونفوق بقا
فاروق:تمام تشرب ايه الاول
حسن:قهوة مظبوط الله يكرمك دماغي فيها شاكوش عمال يدق فيها
فاروق:تمام ثم رن الجرس الموجود علي مكتبه دخل له السكرتير وهو يحمل الطعام الذي طلبه قال فاروق:خلي الاكل ده ع جنب دلوقتي المهم عايزين واحد قهوة مظبوط واحده سادة
°°°°:حاضر يفندم
بعد البعض من الوقت كانو قد انهو الحديث في العمل
حسن بتعب:كده حاجه كويسه اوي فاضل اروح بكرا أتمم ع كل حاجه هناك
فاروق:طب ما تبعت قصي ولا اروح انا
حسن بتنهيده:لا لا خلي قصي جمب مراته اكيد محتاجله جمبها وبعدين يسيدي انا عايز اشرف ع كل حاجه بنفسي
فاروق بقله حيله: ماشي براحتك حد من البيت عندك هيحضر معاك بكرا
حسن: لا لا هو عبد الرحمن بس اللي ممكن يجي
فاروق:و مراد؟!!
حسن بتهرب:لو فاضي هقولو يجي بس هو اليومين دول عنده قضيه مهمه اوي وخده كل وقته
فاروق:اممم اوك انا هخلي بلال بس اللي هيحضر مش هاخد حد من البنات
حسن:تمام عايزين نبقا نوافق الايام اللي كل واحد هيحضرها هنا
فاروق:الافتتاح يخلص بس اول فترة دي لازم انا وانت نحضر كل يوم بعد كده نبقا نظبط الايام
حسن:تمام انا هقوم امشي بقا عايز حاجه
فاروق وهو ينهض أيضا:لا يحبيبي تسلم انا هروح اصلا انا هنا من الصبح بدري
حسن:تمام يلا بينا
----------
في بيت فاروق المحمدي في غرفه چوري
تجلس علي الفراش تفكر في كلام مراد معاها في الهاتف
Flash Back
مراد: ها يچوري ايه رايك موافقه انا عرفتك كل ظروفي
چويريه:بس رأيي بابا اهم من رأيي مقدرش اقول موافقه ولا لاء
مراد:والله عارف ان رأيي باباكي أهم بس انا ميهمنيش غيرك دلوقتي بعد كده كل حاجه تجي لوحدها
چويريه:طب افرض أن وافقت و بابا رفض
مراد:هكلمو مرة واتنين وعشروميه بس اهم حاجه انا عارف رايك انتي والله مستعد احفر في الصخر عشان بس تكوني جمبي ومعايا المهم انتي موافقه
صمتت چويريه قليلا ومراد ع أعصابه قالت بخجل:احم انا عن نفسي معنديش مانع بس بردو اهم حاجه بابا
مراد:عارف يروحي عارف بس انتي طمنتي قلبي كده اكلم بابكي وانا ايدي ملينه متعرفيش فرحتي دلوقتي قد ايه
چويريه:احم بس هو الخلاف اللي بينك انت و باباك مش ممكن يتحل
مراد بتنهيده:الله كريم محدش عارف بكرا في ايه......بصي هو انا اكيد هحكيلك كل حاجه بتفصيل اكتر من كده بس لما نتجوز......انا مش عايز خطوبه وانا عايز جواز
چويريه بخجل:انا مليش دعوة بابا هو اللي يقول بقا
مراد:تمام يحبيبي اديني بلال اكيد هنتكلم تاني كتير بس اتقدملك بعد كده مش هتكلمي غيري
ضحكت ضحكه خافته خجوله وبعدها أعطت الهاتف لبلال
بلال وهو ينظر لها بابتسامة صغيرة:ايوا يا أبيه
مراد بأستعجال:عمك رقمه لسه زي ماهو ولا غيرو
بلال:لاء زي ما هو بس ليه
مراد:عايز اكملو عشان اخد منه معاد اجي اتقدم فيه وانت كمان كلمو و زود كلمتين حلوين من عندك كده تمام
بلال:حاضر ربنا يقدم اللي ف الخير....مش اكيد هتحضر افتتاح الشركه ابقي اتكلم معاه
مراد بجمود:مظنش اني هاجي بس هشوف واقولك يلا سلام دلوقتي
اغلق الهاتف معه نظر بلال لچويريه
بلال بابتسامه بشوشه:ايه رايك يالوزة
چويريه:اللي بابا يقول عليه يا بلال
بلال:لاء سيبك من عمي دلوقتي اهم حاجه انتي رايك ايه دي حياتك انتي مش حياته اتكلمي معايا بصراحه زي ما احنا دايما مش بنخبي حاجه ع بعض
چويريه بأستسلام:هحكيلك بس عايزك تعرف أن حتي مجربتش أكلمه خالص والله العظيم...... الصراحه......انا بحبه اوي يا بلال من زمان اوي كمان بس مكنش قدامي حل غير أن اسكت اكيد مش هروح اقولو ديني ميسمحليش ونفسي اوي بابا يوافق عليه عشان انا م عايزة غيره وهزعل اوي لو بابا زرجن معاه
بلال بابتسامه:امممم ولو زرجن هتعملي ايه؟!!
جويريه بقله حيله:هعمل ايه يعني انا مقدرش اقف قدامه هو ميستهلش مني كده هو اينعم ممكن تكون شخصيته صعبه شويه مع أنه دايما بيهزر وكده بس في الجد بخاف منه اوي طول عمره عايش عشان يرضيني ميستهلش اقف قدامه خالص
بلال:و حبك هتعملي في ايه؟!!
چويريه:هيفضل في قلبي طول العمر حتي لو مش من نصيبي مش هعرف احب حد تاني
بلال:عايزة تغلطي غلطتي يعني وتتحطي في نفس الموقف اللي انا اتحطيت فيه اينعم مش عمي هو اللي وقف في الموضوع بس اختلفت لأسباب والنتيجه واحده....النتيجه وجع وكسرة قلب مش بتروح غير ب الموت ونار قايدة مش بتطفي ب العكس مع الوقت بتزيد وانتي شايفه اللي المفروض من حقكك وليكي وقلبك معاه يبقي مع حد تاني وانتي متقدريش تفتحي بوقك تتفرجي وانتي ساكته.......هتستحملي ده كله ارهنك انك هتقدري.....يارب ما تشوفي اللي انا فيه واللي انا عايش فيه ربنا اللي عالم اللي بيا........انا مش بشتكي الحمدالله ع كل حال بس انا بقولك كده عشان متغلطيش غلطتي و حظك ميبقاش زي حظي عارف ان عمي اطيب واحن حد ف الدنيا ومينفعش وميتسهلش منك انك تقفي قدامه بس خلاف بسيط بينكو فترة وهتتصالحو بدل ما تعيشي طول عمرك في عذاب ملوش اخر......فهمتي يحبييتي؟!!
چويريه:فاهمه بس انا متلغبطه ده ابويا بردو يا بلال بص انا هستخير وربنا يكرم بقا
بلال وهو يأخذها في احضنه:ربنا يكتبلك كل خير يحبيبتي.......مبروك يقلب اخوكي هشوفك عروسه قريب إن شاء الله
چويريه بتمني:يارب يا بلال يارب
End Flash Back
فاقت علي دق الباب و دخول مريم واسيل عليها
اسيل:ايه يا وردة البستان فينك مش باينه
چويريه:عامله ايه يقلبي
اسيل:انا الحمد لله يحب بس فينك مش باينه ليه ده كنت فاكرة هاجي القي مريم اللي في اوضتها مش انتي بس حصل العكس مالك يالوزة
مريم:سيبها براحتها يا خرابه انتي مالك اصلا جايز عندها اسرار اكيد مش هتقولك وانتي بسم الله رويتر
اسيل بضيق:انتي حاشرة منخيرك ليه انا كلمتك يا بومه انتي انا يكلمها هي
چويريه: بسسسس حقكو عليا انا مفياش حاجه بس كنت هزاكر بس كالعادة بتمرقع عادي
اسيل ومريم:احنا اصلا اسمنا الحقيقي مرقوعه
ضحكو جميعا علي كلامهم
جلسو سوايا بعض الوقت يدرسون ويمرحون
****************
البارت قصير جدا عارفه بس نا عندي مشاكل كتير ونفسيتي مش متظبطه و ده اللي قدرت اكتبو أن شاء الله البارت اللي جاي طويل وحلو
استنوني الاثنين أن شاءالله 🧡
ڤوت وكومنت 🙂♥️
