في بيت المنشاويه(أهل اسيا)
الجانب الخاص بالنساء
تجلس سيده في اخر القاعه تنظر لچوري حالمه تري فيها زوجه ابنها ذهبت وجلست بجانبها وقالت
السيده:كيفك يحلوة
چوري ب استغراب:انا كويسه في حاجه حضرتك
السيده:لاا بس حبيت اتعرف علي الجمر انتي تبع العروسه ولا العريس
چوري:انا صاحبه اسيا
السيده:انتي من مصر؟!
چوري:ايوا
السيده:ليكي جرايب من الصعيد اهنه يجمر
چوري:انا من عيله المحمدي
السيده:كمانن لاا زين زين دول من كبار عائلات البلد كلها....انتي متچوزه يحلوة
چوري بستغراب شديد:لا لسه بدرس
السيده:متعلمه كمان لا زينه جوي
چوري:هو في حاجه حضرتك
السيده:لااه يجمر هيكون في ايه يعني انا بس اعرف كل النسوين اللي هنا ماعدا انتي و خيتك اللي جاعده جارك دي جولت اتعرف
اؤمات لها بستغراب من هذا السيده الغريبه
السيده بتطفل:الا جوليلي النقاب ده عن اقتناع
چوري: الحمدالله
السيده وهي ذاهبه الي الخارج:ماشي يحلوه اتشرفت جوي جوي اني عرفتك
فريال بستغراب:مين دي؟!
چوري:معرفش قاعدت تسألني اسئله غريبه كده متجوزه ولا لاء النقاب عن اقتناع ولا لاء انا من عيله مين وحاجات زي كده
فريال وهي تمط شافتيها:اممم مصيبه ليكون اللي في دماغي ابوكي هيحلف متجيش الصعيد تاني😹
چوري:هو ايه اللي في دماغك
فريال:سيبك سيبك
هزت اكتافها بلامبلاه وجدت الجو ممل ذاهبت الي اسيا حتي تبارك لها هي وفريال ويرحلون
فريال:مبروك يا ياسو عقبال م نشوف ولادك يارب
اؤمات بابتسامه مزيفه چوري وهي تاخذ اسيا بعد عن امها و درتها
چوري:حبيبتي انا لازم امشي هحاول ازورك قبل م ارجع القاهرة
اسيا بدموع:متسبنيش هنا حاولي تاخدني معاكي
چوري:اسيا مبقاش ينفع خلاص كتبو الكتاب
اؤما لها بقله حيله
چوري:هتصل بيكي بكرا الصبح
اسيا:هستناه تلفونك
چوري وهي تحتضنها:سلام يحبي
***************
في بيت جليله تجلس مريم في احضان جدتها
جليله:مالك يا نور عيني
مريم بدموع:مخنوقه اوي ي نيته حاسه اني هموت
جليله:بعد الشر عنك يجلب تيته احكيلي يا نضري
مريم:اكيد هحكيلك بس مش دلوقتي عايزة انام في حضنك ممكن
جليله:علي راحتك يحبيبتي نامي ويبجي يحلها الف حلال
نامت مريم في احضان جدتها
*********************
امام النيل يجلس مراد ينظر للفراغ بشرود رن هاتفه وكانت أمه
مراد:الو
خديجه:انت فين كل ده
مراد:انا في مشوار في حاجه يا امي
خديجه:ايوا يلا ارجع الوقت أتأخر
مراد:لسه قدامي شويه نامي انتي متقلقيش
خديجه:مش هنام وهستناك
مراد:يا امي قاطعته هي:بلا امي بلا ابويا هستناك متتأخرش
وأغلقت الهاتف في وجهه ذهب هو الي السيارة و بعد دقائق كان يقف أمام منزله أخذ يلف ب السياره حوالين المنزل ثم وقف مره اخري أمام بيت چوري ينظرله بقله صبر حتي تأتي وردته ويتچوزها وتهون عليه تنهد ثم رجع الي البيت ركن السياره ودخل الي البيت
***********************
عودة الي بيت جليله
في غرفه فريال و فاروق
تنظر هي للفراغ بشرود لاحظ هو شرودها ولكنه لم يعقب
شارده لدرجه انها لم تسمع بكاء الصغير بجانبها
فاروق بتوبيخ:انتي يست السهتنه شوفي الولد بيعيط ازاي
فزعت علي صوته اخذت فارس و ظلت تهدده حتي غفي مره اخري
وضعته مره اخري علي التخت
ولبست إسدال الصلاه وخرجت الي الشرفه
استغرب هو من صامتها هذا رن هاتفها بجانبه نظر إلي هويه المتصل وجد أنه اخيها محمد ذهب الي الشرفه واعطاها الهاتف وجلس ب القرب من الشرفه حتي يري ماذا ستقول له
فريال بهدوء:ايوا يمحمد
محمد:ايه يحبيبي عامله ايه
فريال الحمدالله انت عامل ايه
محمد:انا تمام مال صوتك يفريال
فريال:مفيش بس عندي برد
محمد: والله علي العموم براحتك وقت ما تحبي تتكلمي اكيد هتلقني
فريال:عارفه يحبيبي بس انت كنت متصل ليه في حاجه خير
محمد:لا عادي بطمن عليكي
فريال:هات من الاخر
محمد:كلمتي فاروق
فريال ب انفعال:ايوا كلمتو ورفض كا العاده انت تنسي الموضوع ده خالص تمام عشان محدش بيشيل الطين غيري انت فيك لسان و بتعرف تتكلم ابقي روح انت كلمو وخرجني انا من الموضوع ده الله يخليلك انا مش ناقصه مشاكل مع فاروق ونبي
محمد:خلاص اهدي مش هتكلم معاكي في الموضوع ده معاكي تاني
فريال:محمد متزعلش مني بس حقيقي انا زهقت من الزن عليه كل شويه وهو يرفض انت شوفبك اي واحده من البلد وخلاص
تمام يفراوله انسي الموضوع خلاص يلا تصبحي علي خير
فريال:وانت من اهل الخير متزعلش ها
محمد:مش زعلان ياروحي يلا سلام
أغلقت الهاتف وتنهد ونظرت الي السماء وهي مغمضه العين
اشتقت له هو من بعد كلامها أمام أمه عن زواج ابنته لم يرمي لها كلمه واحده خرجت من الشرفه نظرت علي سرير فارس وجدته نائم نظرت له بطرف عينها ثم ذهبت الي الخزانه اخذت ملابس وذهبت الي الحمام
بعد نصف ساعه خرجت من الحمام ترتدي ملابس النوم وجدته جالس التحت و ذهبت و نامت موجهه له ظهرها
نظر لها هو بندم ثم عنقها من الخلف شهقت هي بصدمه لم تتوقع فعلته
قال هو
فاروق: فروالتي انا اسف عارف اني زودتها اوي وانتي ملكيش ذنب صدقني مكنش قصدي خالص أقول إن الموضوع بطلاقك انا كداب متمشيش علي كلامي انا مقدرش اعيش من غيرك اصلا اسف يحبي صدقني عمري ما هقولك كده تاني
كانت تسمع له ودموعها تهبط بصمت لفها إليه ومسح دموعها بشفتيه وقال:دموعك دي اغلي من روحي نا عارف اني وعدتك يوم ما اتجوزتك ان مفيش دمعه واحده تنزل من عنيكي طول ما انتي معايا انا اسف يعمري
وضمها إليه بقوه وهي تشبث فيه بقوه وقالت بعتاب:جالك قلب تقولها يفاروق للدرجه دي مش باقي عليا
فاروق بمرح:انا حمار والله انا اسف يا فروالتي بقا صدقني مش هيجلي قلب ازعلك تاني
فريال هي تضمه لها اكثر:مش بعرف ازعل منك اصلا
ضمها إليه و بعد دقائق ذهبوا في نوم عميق
***********************
في يوم من الايام جاء مراد من عمله وهو شديد الغضب بعد استقبل خبر طردة من العمل كانت عينيه تطق شرار دخل الي غرفه المكتب وجد أبيه يجلس بإريحيه علي الكرسي الخاص ب المكتب قال بصوت عالي وعصبيه شديده
مراد:ارتحت انت كده ارتحت مش كده شكرا بجد شكرا علي تدمير مستقبلي اللي محدش ساعدني فيه شكرا يا ابويا ويصحبي انا ازيتك في ايه هاا ازيتك ف ايه عشان تأذني كده ده انا طول عمري مكسرتلك كلمه ده جزاتي...........بس تمام شغل في الشركات مش هشتغل ومش قاعدلك في البيت ولا البلد كلها يارب تكون مبسوط يا حسن بيه
حسن ب انفعال:يمتخلف انا خايف عليك مش كل شويه بأصابه شكل مش هتفضل طول عمرك حياتك علي كف عفريت
مراد: قول والله العظيم ....يسيدي انا راضيي انا مشتكتش تدمرلي مستقبلي وحياتي اللي كنت خلاص رتبتها.....انا المفروض اصدقك مش كده.....علي العموم انا هبعد عنك خالص عشان متبقاش تخاف.....يحرم عليا اي قرش منك و شكرا اوي مره تانيه يحسن باشا
تركه وصعد إلي غرفته وهو يأكل الخطوات بقدامه أخذ شنطه السفر الخاصه به وأخذ كل الاشياء التي اشترها من ماله هو ترك كل شيء قدمه له هديه هو أو أي فرد من الاسره
صعدت له خديجه
خديجه ببكاء:انت بتعمل ايه مفيش مشيان من هنا اقعد ونتكلم ب العقل
مراد:مبقاش في كلام يتقال
أخذ الحقيبه ونزل جري وخديجة تجري خلفه:مراااد.....استني يمراد متمشيش.....يمراد لو بتحبني يا بني متمشيش وحياتي انا عندك
خرج مراد من البيت ذاهبا الي فندق كان قد حجز فيه قبل دخوله المنزل لا والده
خديجه وهي تجلس مكانها ببكاء وضعف:مراد ابني متمشيش يحبيبي نظرت لحسن بعتاب:ايه اللي عملته ده !؟ده اللي مش هعمل حاجه مش في مصلحته يا فرحتي ساب شغله...بس ساب البيت ساب حضني....من امتا وانت ب القساوه دي معاه هو بذات
اخذت تبكي جاء اسيل وعبدالرحمن من الخارج
عبدالرحمن:ايه ده في ايه ابيه مراد خارج بيجري ليه
اسيل وهي تساعدها حتي تقوم:مالك يا ماما بتعيطي كده ليه قومي كده اقعدي علي الكرسي بدل قعدتك علي الارض دي....بابا في ايه
لم يرد حسن ولكنه ذهب إلي الخارج أخذ سيارته وذهب خلفه
خديجه ببكاء:اخوكو ساب البيت ي ولاد ساب البيت عشان ابوك خالهم يطرده من الشغل
اخذها عبدالرحمن في أحضانه حتي هدءت ساعدوها علي الصعود لغرفتها صعدت و بقو بجانبها حتي نامت من البكاء
*********************
في فندق•••••• يجلس هو في البار الخاص ب الفندق جاء إليه النادل وهو يسأله
الجرسون:تشرب ايه يفندم
نظر له بتفكير ثم قال:عندكو اي جديد
النادل:,عندنا فوديكا هتعجب حضرتك أوي
مراد:طب هات ازازه و كاس
النادل؛من عنيا يفندم اي حاجه تانيه
اؤما له بمعني لا دقيقه الثانيه جاء له النادل ب الزجاجه و الكأس ملاء له الكأس ثم ذهب شرب هو الكاس علي مرة واحده بعد قليل كان قد شرب نصف الزجاجه جاء يوسف وجسار ينظرون له الزجاجه التي أوشكت علي النفاذ شد منه جسار الكاس قبل أن يصل الي فمه و رمي هو والزجاجه علي الارض و أشار ليوسف أن يأتي بمتعلقته و شده ب القوه الي الخارج بدون اي كلمه وهو أيضا مستسلم له
صعدو به الي الجناح الذي حجزه هو بعد أن سألوه في الاستقبال دخلو الجناح وقذفه علي التخت بعنف يوسف بصوت عالي:ايه اللي بتعملو دهه يحيوان انت مش كنت بطلت القرف ده من ساعه اخر مره و حلفت أنه مش هيخش بوقك تاني كل دهن ليه هاا ليه رد عليا يلي حافظ القرءان كله ومش بتسيب فرض يلي كنت بتنزل حطط روحك علي كفك عشان تدافع عن بلدك يلي حجيت بيت ربنا اكتر من مرة طب فاكر الحديث اللي بيقول(: "لعن الله الخمر، وشاربها ، وساقيها ، وبائعها ، ومبتاعها ، وعاصرها ، ومعتصرها ، وحاملها ، والمحمولة إليه ، وآكل ثمنها)
مراد:محدش له دعوة بيا انت مش وأصي عليا وبعدين خلاص مش هنزل شايل حياتي علي كفي تاني عارف ليه عشان ابويا بنفوذه خلهم طردوني انااا الرائد مراد العقاد بمجرد مكالمه تلفون مستقبله ضاع أكفأ ظابط في مكافحه المخدرات كلها اتطرد بطريقه مهينه اوي علي اخر الزمن ومين السبب اكتر واحد عارف اني من زمان اوي نفسي ابقي في نفس مكانتي دلوقتي اللي وصلتلها لوحديي من غير مساعده منه ولا من غيره وبعدين انا شربت عشان انسي مش لقي حد جمبي يوسيني قولت اعمل كده عشان مش عايز شفقه في عيون حد عليا
جسار وهو يلكمه لكمه قويه:مش لقي حد جمبك!!اومال احنا بنعمل ايه لو كنا قعدنا واتكلمنا زي الناس كان هيبقى احسن كتير من اللي انت فيه ده بتقول مش عايز شفقه من حد وانت شارب وسكران طينه كده محدش هيشفق عليك يعني شارب عشان تنسي؟!انت بتهرب مش بتنسي وياريتك بتهرب بطريقه صح انت عمرك ما كنت كده
لكمته جسار جعلته يستفيق من سكره نظرلهم بدهشه وجلس علي الارض مكانه بضعف
يوسف بحزم:روح اغسل وشك عشان نتكلم زي البني ادمين
مراد:مش عايز اتكلم
يوسف:مش بمزجكك مفيش حاجه اسمها مش عايز اتكلم احنا هنتكلم ونشوف حل
مراد بضعف:حل لا ايه يا يوسف حل لأيه انا ابويا دمرلي مستقبلي بايده عشان قال ايه خايف عليا تقدر تقولي هعرف اقف علي رجلي حاليا ازاي انت عارف انا تعبت قد ايه عشان ابني نفسي و أرتب حياتي؟!انا خلاص مبقاش ليا قاعد في البلد دي انا هسافر اي بلد برا
جسار:قدر الله مشاء فعل خلاص اعتبر انك مدخلتش مجال الشرطه اصلا افتح اي شركه لوحدك من غير مساعدته اثبتلو انك قوي زي مانت وقدرت تقف علي رجلك تاني ابتدي بشركه صغيره وشويه شويه شركه دي تكبر واتجوز البنت اللي انت قولت هتخطبها وعيش حياتك و كمل
مراد بشرود وصدمه لم يأتي ع باله زواجه منها:چوري!!؟
جسار ويوسف:چوري!!!!!
جسار:دي بنت فاروق المحمدي مش كده
اؤماله بتفكير تذكر أنها لم ترجع القاهره سيتصل بها من هاتف بلال عزم أن يتحدث معها بإمر ما
يوسف:طب مفكرتش هتعمل ايه معاها انت بتقول مسافر والله اعلم بقا هترجع امتا ده إذا رجعت تفتكر هي هتستناك
مراد: ومتستناش ليه
يوسف:وتستناك ليه انت متهيألي معرفتش إذا كانت بتحبك ولا لاء....حتي يسيدي لو بتحبك ممكن تستناك سنه اتنين خمسه لكن زن الناس اللي حواليها مش هيسكت واكيد لو حد مناسب أتقدملها فاروق بيه اكيد مش هيرفض عريس كويس لابنته و دي بنته الوحيده كمان
مراد بغيره:مش هيحصل لو حصل يبقا علي جثه عريس الغفلة
جسار:حلو..هتعمل ايه بقا هتسبها وتسافر ولا تستني لحد ما تبقي ليك ومراتك وتاخدها مكان م انت عايز
مراد:مش هقدر ارجع البيت دلوقتي
يوسف:مترجعش انت مش عندك فيلا بتاعتك في نفس الكمبوند
مراد:لا طبعا مينفعش انا شيلها لوقت ماتجوزها مش هخشها غير وهي معايا
صمتو بتفكير
جسار:خلاص لقتها انت تاخدلك اي شقه صغيرة وحلوة كده ايجار لحد ما تتجوز
مراد:هجيب شقه منين انا دلوقتي
يوسف:سبهالي انا هظبطهالك و اجبالك المفتاح علطول
اؤما له وصمت ينظر للفراغ بشرود
انتباه أن الاثنين يحتضنوه
جسار:يغبي احنا مش بس صحابك احنا اخواتك كمان وعشره عمرك ولو مكناش احنا اللي تجي وتقولنا مشاكلك ونقف في ضهرك يبقا مين يعني احنا طول عمرنا في ضهر بعض دايما لما حد فينا بيبقا عندو مشكله بنتجمع ونحلها احنا التلاته ده واجبنا اتجاه بعض
يوسف:حاجه عايزك تحطها في دماغك أن احنا عمرنا ما هنشفق عليك ولا هنشوفك محتاج مساعده ونسكت انت اخونا مش صحابنا بس علي راي جسار ولازم سرنا يبقا مع بعض وميخرجش مننا احنا التلاته
ربتو علي ظهره قال جسار بمرح:يعني هفطر مع مين في الشغل نا دلوقتي
يوسف بمرح أيضا:يبشا انت مش محتاج مساعده الله و اكبر عليك يعني زي المنشار طالع واكل نازل واكل
مراد:يبني ده كان بيجيب الفطار ياكلو هو عقبال ما اروح اغسل ايدي عشان أكل....ده كان منفض جيوبي اول بأول
جسار:شكرا شكرا الصحاب في إجازة اصلا....ايه عايزني ماكلوش يعني وبعدين انا بحرق فلازم أكل عشان التدريب اللي الاستاذ مطلع عين اهلي فيه
مراد:يلا ابقي ادرب مع ادم بقا سمعت أنه راجع تاني
يوسف بسخريه:لاء وانا اضمنلك انك تبقي زي الطور في كام شهر بس علي يدي والله
مراد بأنتباه:هو انا تلفوني ومفتيحي فين
يوسف:علي التربيزة اللي هناك دي...هقوم اجبهولك ب المره اعمل تلفون لملك اعرفها اني هبات برا
مراد:شايفك اتحسنت معاها يعني ربنا يهديلك الحال...نا هقوم اتوضا واصلي
*********************
في الصعيد
في بيت المنشاوي غرفه اسيا و عمران
تجلس هي علي التخت تبكي بصمت دخل عليها هو قال:انتي لسه جاعده بهدومك جومي غيري التكتيفه دي
اسيا:مرتاحه كده
عمران:علي راحتك
دخل الي الحمام اخذ حمام وخرج بعد نصف ساعه يرتدي بيچامه وجدها علي نفس وضعها
عمران:ايه يبت الناس انتي هتفضلي جاعده أجده ولا ايه ده النهاردة دخلتنا حتي
اسيا:انت مش خدت اللي انت عايزو قبل الجواز عايز ايه تاني
عمران:عايزك عايز مرتي ولا انتي ايه رايك
اسيا:ده في احلامك
عمران:كيف يعني
اسيا وهي تنظر له بتحدي:مش هتلمسني ولا تجي جمبي تاني كفايه بقا انا قرفانه من نفسي عشان انت اول راجل لمسني
نظر لها بغضب وقال:انتي مرتي وجت ما هعوزك هخدك حتي لو غصب عنك ده حجي فيكي مش هتنازل عنه و اظن انتي عرفتي اني رايد اخلف
اسيا:خلف بس مش مني اتجوز غيري وهات منها اللي انت عايزو
عمران بصوت عالي:واني مش عايز عيال غير منك انتي....انتي اللي لازم تبجي ام عيالي مش غيرك.....البومه اللي اني متجوزه دي بتخلف وزينه مفيهاش حاچه بس اني اللي بحطلها حبوب تخليها متحملش مش عايز منها هي حاجه........عايز ام عيالي تبجي الانسانه الوحيده اللي جلبي دجلها
نظرت له بصدمه وقالت:ولما انت بتحبني عملت اللي عملته معايا ليه!!!كده هحبك يعني
عمران:كان لازم اثبتلك انك ملكي وانتي كنتي رافضه چوزانا بعتلك ناس كتير عشان توافجي ب الحسنه بس موافجتيش مكنش في حاجه في دماغي غير أجده
اسيا:انت كده نجحت صح اديك اتجوزتني بس انا قلبي فين انا قلبي مع غيرك انت خلتني اكسر قلبه بأيدي بخبر جوزاي منك براڤو يا عمران بجد براڤو..........سبني لوحدي ابوس ايدك سبني لوحدي
عمران:اسيا اسمعني قاطعته هي ببكاء:سبني لوحدي مش عايزة اشوف وشك ابوس رجلك سبني ارتب نفسي وألم اللي باقي مني سبني يا عمران ونبي
نظر لها بندم ثم خرج الي غرفه أخري موجوده ب الجناح
جلست هي علي التخت تبكي حتي نامت من البكاء
*******************
كده قصه اسيا آخرها البارت اللي جاي بعد كده مش هتظهر تاني
———————_
توقعاتكم❤️
ڤوت وكومنت 🙂♥️
By:Amera salah
