رجع بلال الي البيت في صباح اليوم التالي الساعه ٧ صباحا كان في طريقه الي الدرج المؤدي الي الطابق التاني لكنه شد انتباهه صوت التلفاز القادم من غرفه الجلوس غير اتجاهه الي هناك وجد چوري تنام على الاريكه امام التلفاز جثي علي ركبتيه حتي يكون في مستواها وهزها برفق وقال:چوري.....چوري.......انتي يبت.....انتي يمااااا
فزعت چوري من نومتها وقالت:ايه يخنزير انت حد يصحي حد كدهه.....ابو شكلك علي الصبح
بلال وهو يمسكها من خلف رقبتها (قفاها)شكرا يمحترمه يمؤدبه ثم ضربها برفق وقال:انا غلطان اني بصحيكي تكملي نومك فوق ايه اللي منيمك كده اصلا؟!
چوري وهي تتثأب:كنت أعده مستنياك ايه اللي اخرك كده
رجع بلال الي حزنه وقال:مش عايز اتكلم دلوقتي لما انام ابقي اقعد اتكلم معاكي زي ما انتي عايزة ممكن؟!
چوري:تمام يقلبي علي راحتك...انا هروح اصلي الصبح
بلال:تقبل الله يقمر انا رايح انام لا حسن مش قادر افتح عيني
ذهب كل الي غرفته في غرفه چوري اخذت هي حمام دافئ وصلت فرضها و ذهبت الي غرفه ابيها دقت الباب سمعت صوت فريال تأذن لها ب الدخول
چوري بأبتسامه بشوشه:صباح الخير
فريال:صباح النور يحبيبتي
چوري:ايه ده اومال بابا فين
فريال بتنهيده:صحيت من النوم ملقتهوش
چوري:في حاجه ولا ايه
فريال:لا لا بس عشان تقريبا عندو اجتماع مهم
چوري:اممم طب انتي فطرتي ولا ايه
فريال:لا مفطرتش تعالي نفطر مع بعض كلنا
چوري:اشطا هروح اشوف مريم
فريال:و بلال؟!
جوري بحزن:لسه داخل ينام من ساعه مفتكرش هيصحي دلوقتي
فريال:ليه مالو؟!.....اصلا بقالو فترة كده حالو متغير
چوري:تلقي من المزكرة كتير بس انتي عارفه مش بيتنازل أبدا أنو يجيب امتياز كل سنه......صح نسيت اقولك فرح البت اسيا بعد اسبوع في الصعيد
فريال بفرحه:والله؟!!الف مبروك بجد فرحتلها جداا.....بس اشمعنا الصعيد يعني
جوري:أصلها هتتجوز ابن عمها
فريال: اممم ربنا يتملها ع خير وعقبالك
چوري:الله كريم....هروح اشوف مريم انا
فريال:ماشي يحبيبتي
°°°°°°°°°°°°°°°
في منزل يوسف العمري يدخل البيت بعد غياب اسبوع بحث عنها بعينيه لم يجدها سمع صوت قادم من المطبخ ذهب إلي هناك وجدها تعمل لنفسها شطائر(سندوتشات) وتحضر كوب نت النسكافيه ذهب هو الي الثلاجه يأخذ منها انينه مياه وقال:عامله ي ملك
ملك بجمود: عاديه
يوسف:بتعملي ايه كده
ملك:زي ما انت شايف
يوسف:ايه يملك في ايه النبرة اللي بتتكلمي بيها معايا دي
لم ترد عليه مما أثار غضبه
مسكها من ذراعها حتي أصبحت تنظر له
قال:انا بكلمك علي فكرا مش بكلم نفسي انا
ملك:عايز ايه ي يوسف عايزني اكلمك ازاي يعني
يوسف:كلمني زي م بكلمك هو انا بقولك حبي فيا
ملك:هو انت شايف انك معملتش حاجه تزعل؟! انت شايف أن اللي انت عملتو ده هعدي عادي كده؟!!! انت عارف انت عملت ايه انت سيبت البيت لمجرد اني بقيت مراتك بجد كان ممكن تقول ندمان بدل ما تسيب البيت ده حتي اريح
يوسف بكذب:ندم ايه وهبل ايه اللي انت بتقولي عليه ده مين قالك اني ندمان اصلا
ملك بدموع:مش محتاج تقول مش محتاج يا يوسف باين اوي عليك هو حد قالك اني هبله ولا اني مش بفهم انا واحده بتفهم نظرات جوزها كويس اوي وبذات لو انت يا يوسف انت محدش بيفهمك غيري
يوسف:يملك افهمني..قاطعته هي:افهمني انت واسمعني من غير ما تقطعني لو سمحت.........بدموع وضعف:انت عارف اني بحبك مش كدهه؟!بحبك من واحنا صغيرين يا يوسف.....عارفه أن انت متجوزني غصب عنك و عشان عمي ضغط عليك......بس انا مليش ذنب انا مجتش رميت نفسي عليك و قولتلك اتجوزني.....احنا كنا حلوين اوي قبل الجواز ايه اللي حصل عملت ايه انا يخليك تكرهني كده......بس انا اللي غلطانه اني وافقت عمي في كلامه وقولت اني ممكن مع الوقت تخليك تحبني بس للاسف فشلت...بس خلاص بقا انا تعبت انت من النهاردة ابن عمي........و....ابو ابني وبسس
كان يستمع لها بإنتباه وتأثر الي عندما وصلت ايه كلمه(ابو ابني)نظر لها بصدمه وعدم استيعاب وقال:ابن مين؟!
ملك:ابنك انت هيكون ابن مين يعني
يوسف بشرود:عرفتي من قد ايه
ملك:من كام يوم
يوسف:ليه مقولتليش؟!
ملك:اقولك ازاي انت فين اصلا انت ولا بترد علي الفون و كل م اتصل ب المستشفي يقولو يإما مش موجود يإما في اوضه العمليات
يوسف:مجتيش ليه اطمنتي علي نفسك و علي اللي في بطنك عندي في المستشفي
ملك:روحت لا دكتوره صحبتي
يوسف:وقالتلك ايه
ملك:مقألتش لسه هعمل تحليل وتطمن
نظر لها بشرود وتفكير ظل هكذا لمدة دقائق
قالت هي بسخريه والدموع تهبط من عينيها:ايةة....بتفكر تنزلو ولا ايه.....للدرجه دي مبقتش طايقني.....علي العموم اطمن انت هتبقا ابو علي الورق وبس مش هتشيل اي مسؤلية من ناحيته خالص......لو...عايز تطلقني بعد الولاده انا معنديش مانع
يوسف بصوت عالي وعصبيه:انتي شايفني زباله اوي ليه كدهه هاا انت محسساني انك مش عارفني لو فاهمني زي ما بتقولي وبعدين اطمني انا مكنتش بفكر في كده انا بس استغربت واتصدمت ممكن اني هيبقا عندي ابن من صلبي انا.....وحوار اني هبقا ابو علي الورق ده تنسي هو ابني زي ماهو ابنك......ومش هطلقك ي ملك
ملك بضعف:بس انت مبتحبنيش
يوسف:و مبكرهكيش انتي ناسيه أن قبل كل اللي حصل ده انك كنتي صديقه طفولتي وبنت عمي وبنتي كمان انا بس كان نفسي اتجوز عن قصه حب عظيمه بس يلا مش مهم كل واحد بياخد نصيبو...مش ممكن البيبي ده يقربنا من بعض واحبك ونبقا سعداء مع بعض.............المهم قوليلي انتي هتروحي لا دكتوره دي امتا ولا نتيجه التحاليل دي هتطلع امتا
ملك وهي تمسح دموعها:لسه هروح اعمل التحاليل بكرا هروحلها اول م نتيجه م تطلع
يوسف:سيبك منها انا هتابع معاكي خطوة خطوة لحد م تولدي ب السلامه
ملك:مش عايزة اتعبك معايا
يوسف بحنان:لا يحبيبتي مش تعب ولا حاجه وبعدين خليني أكفر عن غلطتي فيكي
اؤمات له في صمت كادت أن تذهب الا انو شدها حتي أصبحت في أحضانه وقال بندم:انا اسف يملك صدقني مكنش قصدي اللي انتي بتفكري في ده اسف يحبيبتي سامحني
ضمت نفسها إليه بقوة
ملك بدموع:انا مش بعرف ازعل منك اصلا عشان بحبك وانت عارف كده كويس بس حقيقي أن اللي عملتو يوجع اي ست مش انا بس اوعدني انك مش هتعمل كده تاني نتخانق مهما نتخانق بس متسبش البيت
أخذ يربت علي ظهرها ويقول لها كلمات تعبر عن أسفه
———————————————
تسريع في الاحداث سافر فاروق و عائلته الي الصعيد و رجع مراد الي البيت
في مقابر المحمدي في اسوان
يقف كلا من فاروق و مريم فقط امام قبر فريد و يارا
مريم وهي تقول لنفسها:واحشتوني اويي....بابا انت واحشتني جداا.....ومحتاجلك اوي.....مريم مبقتش زي الاول يا بابي بقيت اخاف من حاجات كتير وبخاف حد يقرب مني عشان عارفه أنو هيسبني......وعارفه اني مش هالقي غيرك يفهمني......مامي انتي كمان واحشتني اوي تعرفي كمان اخويا ولا اختي اللي كانو في بطنك ساعتها واحشاني...... الدنيا من غيركو انتو الاتنين وحشه و صعبه اويي
فاروق:واحشتني يخويا وصحبي الوحيد حاسس انك لسه سايبني امبارح مش من سنين....مشيت خدت كل حاجه حلوة معاك يفريد.....بنتك امانه في رقبتي لحد م اقابلك يارب تكون مبسوط وفخور بيها
قرأو لهم الفاتحه و ودعتهم مريم و ذهبو الي السيارة مرة أخري
وقفو أمام بيت عزيز المحمدي الذي هو بيت العائله الذي كانت تعيش فيه مريم وابيها و امها
مريم بدموع:مش هخش لاء عمي انا هقدر اخش البيت ده تاني انا مدخلتوش من ساعه ما سافرت معاك ونبي يعمي مشيني من هنا
فاروق:لا حول ولا قوه الا بالله.....معلش يحبيبتي تعالي ادخلي معانا اكيد مش هتقعدي في العربيه لوحدك
مريم:وديني عند تيته جليله ونبي يا عمي والله العظيم مش هقدر اشوف اللي قتل ابويا و دمرلي حياتي
فريال بتأثر:خلاص يفاروق ونبي تعالي نروح عند حجه جليله الاول.....وحياه حبيبك النبي يخويا يلا
فاروق:عليه الصلاه والسلام.....حاضر هنروح بس هكلم بلال يدخل هو لا ابوه
اخرج الهاتف واتصل علي بلال الذي يمشي خلفهم ب سيارته
فاروق:الو
بلال:ايه يعمي وقفت ليه مش هتخش
فاروق:هروح عند امي الاول هسيب مريم وفريال هناك ادخل انت وانا هرجع انا و چويريه
بلال:هو في حاجه ولا ايه
فاروق:مريم مش عايزة تدخل البيت ده مش هتقدر تشوف جدك.....يلا سلام
اغلق معه الهاتف و أدار السيارة ذاهب الي بيت چليله
ركن بلال السيارة و تنهد وذهب الي الباب و رن الجرس
فتحت له الخدامه عفاف:يا اهلا وسهلا يا بلال بيه نورت بيتك و مطرحك تعالي ادخل اتفضل
بلال:ازيك يحجه عفاف و ازاي اخبارك وصحتك
عفاف: الحمد لله ياولدي نحمد ربنا علي كل حال...بس انت طولت في الزيارة دي ليه اكده انا مشوفتكش من زمان
بلال:مشغول والله يحجه الدراسه والشغل مع عم فاروق وأخذ كل وقتي
عفاف:ربنا معاك يجويك ي نضري
بلال:ابويا وجدي فين صحيح
عفاف:الحاچ عزيز في اوضته فوج و سي صالح في المكتب تحب اديلو خبر انك چيت
بلال:لا لا انا هروحلو
ذهب إلي غرفه المكتب وجد أبيه منكب علي العديد من الأوراق قال هو:
سلام عليكم يحج صالح
صالح: وعليكم السلا نظر إلي ابنه بصدمه وقام من مكانه وقف أمامه وقال بعدم استيعاب:بلال ولدي؟!ثم أخذه في أحضانه ب لهفه وقال:كيفك يجلب ابوك اتحوشتك جوي يا واد غيبتك طالت المرة دي ده اني افتكرتك نسيتني
بلال:معلش يا بابا انا عارف اني مقصر اوي بس الدراسه والشغل مع عمي واخد كل وقتي وبعدين انا مقدرش انساك يحج
صالح:ولا يهمك يا نضري انت تچي وجت م تحب...انت چيت لحالك
بلال:لا كلنا جينا بس عمي وصل لحد بيت حجه جليله وجاي
صالح:ليه في حاچه ولا ايه جعدين جد ايه صحيح
بلال:لا مفيش بس راح يودي فريال ومريم هناك....اسبوع أن شاء الله
صالح:مريم دي بت فريد مش أجده
بلال:ايوا ي بابا
صالح:غريبه يعني دي رجلها مطبتش اهنه من يوم ابوها و امها ما ماتو تجريبا
بلال:كانت عايزة تيجي تزورهم عشان واحشانها...انا طالع لجدي اشوفو عامل ايه...نوران فين صح
صالح:انا جاي معاك.......نوران في أوضتها وهي يعني بتطلع منيها
صعدو الي غرفه عزيز....فتح الباب عليه وجده يرقد علي السرير علي وجهه جهاز تنفس صناعي أصبح ضعيفا عن قبل والمرض تأكله بعد الكل الجبروت الذي كان يمتلكه تجلس بجانبه زوجته التالته وأم نوران
ذهب بلال إليه يجلس علي الأرض بجانبه وامسك يده قبلها بلال ولأول مرة بلهجه الصعيديه:كيفك يا چدي
فتح عزيز عينيه الدابله وبأن عليها اثار الشيخوخه:انت مين؟!
بلال:وأهه مش فاكرني يچدي...اني بلال ابن صالح والدك
عزيز:بلال؟!مالك كبرت أجده ليه اني مشوفتكش من زمان جوي انت كنت فين يا واد
بلال:اني عايش ف مصر يچدي مع عمي فاروج والدك بردك
عزيز بدموع:وهو فين فاروج الواد مبجاش طايج يشوف وشي بعد م فريد م مات الله يرحمه اتبري مني يا بلال
بلال:متجولش أجده يچدي هو بس تلجي زعلان علي عمي الله يرحمه ده تؤامه بردك
عزيز:طب مچاش معاك ليي
بلال:راح يودي الچماعه عند حچه چليله وچاي
عزيز:چماعه مين هو خلف تاني غير بتو اللي مشوفتهاش خالص دي چاب البت نجلاء معاه ولا لااه
بلال:مرت عمي نچلاء الله يرحمها ماتت من سنتين دلوجت هو متچوز فريال وچاب منها فارس
عزيز:هو راح عند امو البومة ليه
بلال:مريم عايزة تشوفها
عزيز يتزكر:مريم دي بت الواد فريد مش أجده فينها البت دي اني اتوحشتها جوي
صالح منهي الحديث عنها:مسيرك تشوفها يا ابوي هما جعدين معانا اسبوع ابجي أجول لفاروج يجيبها
عزيز بضعف:بس اني عايز اشوفها يصالح هي هتفكرني بولدي فريد مش عارف اسامح حالي من يومها
صالح:خلااص يا ابوي مش هنفتح حاچان جديمه
بلال مغير مجرا الحديث:المهم صحتك عامله ايه يچدي
عزيز:نحمدو ربنا ياولدي خلاص الواحد بجا رچل برا و رچل چوا
بلال:ليه بتجول أكده
عزيز:هاخد زماني و زمن غيري لا ايه بس عايز اموت وانتو كلكو حواليا
بلال:بعد الشر عنك متجولش أجده ربنا يديك طولت العمر
دخلت نوران وقالت:كيفك يا بلال غيبتكو طولت المرة دي
بلال بلهجه قاهرويه:اشغال والله يارونا أنتي عامله ايه
نوران:اني زينه الحمدالله انت چاي لحالك ولا ايه
بلال:لاء عمي فاروق وعيلتو معايا بس وصل لحد الحجه جليله وجاي
نوران بلهفه لا رؤيته صديقتها الوحيده:چويريه جات معاكو
بلال:اها جت
عزيز:مين جويريه دي
نوران:دي بت اخوي فاروج يباا
اؤما لها
صالح:خدي بلال اوضته يريح يا نوران
————————————
في بيت العقاد في غرفه مراد يجلس هو علي السرير يجلس بجانبه اسيل وعبدالرحمن ويجلس حسن علي كرسي بجانبهم
اسيل:انا قلبي كان حاسس ان في حاجه هتحصل بس الحمد لله
حسن بجمود: حمد الله على سلامتك
مراد بهدوء:الله يسلمك يا بابا
عبدالرحمن بمرح: حمدالله على السلامه يمرمر
مراد بقرف:ايه مرمر دي انشف يا زفت انت في ايه
عبدالرحمن:لا مؤاخذة يكبير
حسن ببردو :اطلعو عايز اتكلم مع مراد شويه
خرج اسيل وعبدالرحمن من الغرفه وبقي حسن ومراد فقط
مراد بثبات:انا كنت عايز حضرتك في موضوع
اؤما له فأكمل هو:انا شايف أن ده الوقت المناسب اني اروح أتقدم لچويريه الفيلا بتاعتي خلاص جاهزة محتاج بس انها تشوفها عشان لو عايزة تجدد حاجه او في حاجه مش عجباها
حسن بهدوء:طب والله كويس لما فاروق يرجع نبقا نروح نتكلم معاه....المهم انا محتاجك معايا في الشركات
مراد بستغراب:شركات ايه؟!!وانا من امتا بفهم في شغلك وانا مش خريج هندسه يعني ولا اعرف اي حاجه فيها
حسن ببرود:مش مهم تبقي تتعلم براحتك مع الوقت
مراد:وشغلي حضرتك نسيته ولا ايه
حسن بلامبلاة:لا منستش ماهو انت هتسيب شغلك
مراد بصوت قوي:اسيب ايه معلش لا طبعا مستحيل يحصل
حسن:ده امر مني يمراد
مراد:امرك علي عيني وعلي راسي بس شغلي لاء
حسن بإنفعال:انت مش مستفاد منو حاجه غير انك كل مؤمريه والتانيه بتيجي متصاب
مراد بإنفعال اكبر:مش مهم انا بحمي بلدي و زميلي و ده واجبي انت عارف كام واحد مننا بيستشهد كام عيل بيتربي من غير ابو أو ام قلبها بتخلع علي ابنها اللي مات....اهاا وانت هتعرف ازاي وانت قاعد في مكتبك في التكييف مش داري بأي حاجه
هوي بصفعه علي وجهه نظر له مراد بصدمه
حسن:انت مهما تكون راجل وبيخاف منك اتخن تخين بس لما تعلي صوتك عليا وتبجح انا اكسرلك رقبتك عادي
ثم وضع يده في جيبه بثبات وبرود وتحدي:هتسيب شغلك يمراد حتي لو حصلت اني احبك في الأوضه دي طول عمرك متخرجش منها
مراد بصوت عالي وعصبيه:مش هيحصل
حسن ببرود شديد:اوك انت بتتحدني وانا بحب التحدي حمدالله علي سلامتك مرة تانيه
خرج حسن بقي مراد ينظر إلي أثرة بغضب شديد مسك اباچورة في الغرفه وضربها في عرض الحائط ثم بعدها كل الغرفه أصبحت عبرة عن بقايا غرفه اصبحت يديه تنزف من قطع الزجاج التي دخلت فيها وجرح صدرة فتح مرة أخري وقال بعصبيه:مش هسيب شغلي حتي لو علي موتي
جلس علي الارض بتعب ثم جذب هاتفه وطلب يوسف
مراد:انت فين
يوسف:في البيت ليه
مراد:قبلني انت وجسار في الكافيه عايز افك مخنوق
يوسف:مالك يبني
مراد:تعرف تنفذ اللي بقولك عليه وانت ساكت
يوسف:طيب طيب مسافه السكه هنكون هناك
اغلق الهاتف واتجهه الي الخزانه أخذ ملابس ودخل الي الحمام
في الحمام بعد ما اخذ حمام طهر جرح صدرة ويده وخرج اتجهه الي غرفه الملابس ارتدي تيشرت اسود وبنطلون رياضي رصاصي و كروكس اصفر صفف شعرة بايده بإهمال واخذ هاتفه ومفاتيحه وخرج ندا علي رئيسه الخدم:دادة سميحه....دادة سميحه
سميحه:نعم يا بني
مراد:معلش ابعتي حد ينضف أوضتي
سميحه:من عنيا
اؤما لها ثم كان ذاهبا الي الباب أوقفته أخته زينه قالت:أبيه مراد
مراد ببرود:ايه
زينه:عايزة شوكلت
مراد وهو يفتح الباب:طيب
زينه:وزين واسيل عايزين
مراد بتأفف:طيب
زينه:وعبدال قاطعها هو بصوت عالي نسبيا: خلااص يا زينه خلاص خلصنا خلي ابعتو حد من الحرس اللي برا يجيب انا مش فاضي وهتأخر
خرج من البيت بأكمله واغلق الباب خلفه بقوة
خرج حسن من مكتبه علي صوته وقف علي باب المكتب وهو يضع يده في جيبه قال:تعالي يا زينه قلبي اقولك
ذهبت له زينه وهي تبكي بخوف نزل علي ركبته حتي يصبح في طولها وضمها لصدره وقال:بسس يحبيبي متعطيش يروحي انا اسف ب النيابه عنو
زينه ببكاء شديد:بابي هو زعقلي ليه انا مش عملت حاجه
حسن:معلش يحبيبي تلقي بس لسه تعبان
زينه ببكاء:هو عارف اني بخاف من الصوت العالي
حسن:معلش يقلبي هو اكيد هيجي يصلحك اخرج من جيب چكته عبوتين كبيرة من الشوكلاته وأكمل:خدي دول ليكي انتي وزين واسيل وعبدالرحمن ولا تزعلي نفسك....خلاص بقا متعطيش عشان خاطر بابي
اخذت الشوكلاته ومسحت دموعها قبل هو وجنتيها وقال
حسن:يلا روحي عند اسيل وعبدالرحمن يروحي
ذهبت الصغيرة قال هو لنفسه بوعيد:هتسيبه حتي لو علي موتي يمراد انا مبقاش فيا اعصاب لا أصابه كل مؤموريه والتانيه وانا اهو وانت اهو وهتشوف ي ابن العقاد
———————————
انا اكتر واحده مواعيدها بايظه في الكونن انا اسفه جداااااا عارفه اني مقصرة اوي بس حقيقي غصب عني اتمني انكو تسامحوني والكل الفصول اللي كانت المفروض تنزل الاسبوع اللي فات هتنزل الاسبوع ده بإذن الله وهستقر علي معاد أنزل في البارتات الجديده أن شاء الله ابقي اقولكو
توقعاتكو♥️
ڤوت وكومنت اللي يستركو دنيا واخره😹❤️
