سادية الحب 🔥

انتقال ...كابوسي 💔

سلاااام عليكم.قبل ما نبدا جماعة لي ينقلو الفايس و لا يقولو لقيناها في ڨوقل   سرقة 🙂و شكرا

.ان شاء الله تكون كامل بخيير ....جيت و جبت معايا كرو من تاليفي ...و راهي قيد الكتابة ...يعني غير نكتب نحط ...نتمنى تعجبكمممم.....و نعيشوها بكل الاحاسيس تاعنا .....أيا باسم الله 🌚🌚🌚👹👹👹👹

(جيتكم اليوم ف 2024 ...حابة نقول لي جاي يقرا جديد كاين بزاف اخطاء و بزاف صوالح تافهين منبعد نسڨمهم ...و ثاني على تصاور تاع طفلة و كذا مكانش علابالي مجاياش نحطهم و مشي مليح ندي ذنب و كذا ...يسما أسفة ...)

تمهيد :

انا تلك الفتاة التي ظلها فقط يعوض مئة رجل ..انا تلك التي ترعرت بمفردها و نمّت نفسها بنفسها ...الوحدة هي صديقتي و مؤنستي...في ايام الطفولة... في سن المراهقة ...و حتى في ولوجي لمرحلة الزهور....لم ادرك قط معنى كلمة""ام المتداولة بين الناس..و لم استمتع ابدا بلذة كلمة "امي" التي لم تخرج من فمي حتى بالخطأ ...انا تلك البنت الصغيرة التي تلطخت برائتها بوحشية الاغتصاب ..و ابقت هذا الموضوع سرا...في الواقع ليس لدي من اخبره💔 ...لانني كنت منبوذة...لكن بالرغم من كل ذلك...فأنا استطعت ان اكسر القضبان التي اسرتني لسنين و اُخرج من عجزي و ضعفي قوة ..."الرجل" كلمة حذفتها من قاموسي لما سببت لي من عقد و اضطرابات...اما ارادتي فكانت السبب الذي جعلتي أقف على قدمي مجددا لأرى العالم بنظرة مختلفة... حاربت مخاوفي و خرجت من ظلماتي ...فقط لاني لا أتقبل فكرة انني انهزمت 👹...
بالمختصر... انا انثى...لكن لست مجرد انثى تائهة في فتات كيانها...بل انا انثى ثائرة ...انا امرأة من جليد...💛

كرونيك سادية الحب 🔥🔥.
بقلمي انا ..👹👹 #bibaline  🌚🌚

اية تهدر :
تعشيت ..غسلت المواعن ..رحت صليت ..و جيت ندخل لسرير ..شادة البيسي ..باش نتواصل مع مريضة تاعي ...حتى نسمع صوت الباب يصوني ...عرفتو بابا ...و شكون من غيرو ...رحت حليتلو الباب ..و كاي خطرة يدخل ميرجعش مامبا عليا سلام ...راح دخل لكوزينة ...كنت موجدتلو العشا ..و من وجهو يبان قلقان ...قعدت نشوف فيه من بعيد ...متوحشة نروح نحضنو ..كيما كنت ندير كي كنت صغيرة ...اما منقدرش ...كرهو ليا كل ما نكبر يزيد ...جامي حسسني بلي يحبني صح ...ديجا شادني هنا غير معاه ..على جال الخدمة برك ...جيت نبعد نرجع لشمبرتي ...سمعت صوت الفرشيطة تحطت ...و هدر بصوت مقلق ...

بابا :اية ...
درت ديراكت ليه ..

بابا و معقد حواجبو ..:وجدي قشك و كلش ...غدوا ابري العصر نديك عند جداتك ...

انا مش فاهمة :كيفاش ؟؟!!

بابا :كيما راني نهدر واش مفهمتيش ؟؟(بشناف)

انا :بابا ..ني نقولك مش فاهمة ما طلبتش منك المستحيل ...تقدر تفهمني بلعقل بلا ما تعيي روحك تعيط ...
بابا بتنهيدة:شوفي غدوا ابري العصر ادا حيانا ربي نوصلك عند جداتك تعيشي عندها ...انا عندي خدمة خارج البلاد ...لازم نروح نسير السبيطار لي لهيه ....