سادية الحب 🔥

إنه هو ....

كرونيك سادية الحب 🔥🔥.
🌚🌚

_اسلام :
خرجت من سبيطار بعد ما درت مدابزة كبيرة مع طبيب ...كرهت جد الخدمة لي نخدم فيها ...كون مش جدي لي سيف علي و الله ما نخدمها معاهم ...نروح نشوف حياتي ...مش كامل حياة لي حابها ..كنت من سهرات ندخلش لدار ...دوك ولا يتحكم فيا جدي ....ركبت سكوتور تاعي ....و بديت نسوق بكل عنف...نحي الغش عليه ..و زدت فلافيتاس باش نلحق فلوقت الفطور و منسمعش الهدرة العيانة من جدي و بابا ......

لحقت قدام الفيلا ..حلولي البورتاي...حبست سكوتور تاعي ..نحيت الكاسك...و جيت داخل ....ديت هديك الزربة في المشية باش نلحق على الأقل بشويا ...
دخلت عليهم ...شفت فطابلة كاين فرد جديد ..جدي بدا يهدر ...و انا مش سامع بيه مرة ..بقيت غايس فالفرد الجديد لي كان قاعد فطابلة ...كانت طفلة ..و تاكل ...غير حطت مغرف تاعها شافت فيا ....جبهتي لي كانت مقوسة رجعت
متسطحة ...شووووووووك !!!!نفس العيون...نفس الخزرة..نفس لون البشرة ..نفس الشوارب ...نفس نظرات هدوك تاع العتاب ..برك هدي كبارت زادت زيانت كثر ....نووو لالااا ..امبوسيبل ..رغم حاولت نبعد عيوني عليها اما مقدرتش ...كانت تشوف فيا مشوكية مصدومة كثر مني ...شكونها؟؟؟واش جابها ؟؟؟من لي راحت و هي تجيني في احلام كي شغل قتلتها ...شربتني المرار في الاحلام ....واش رجعها ؟؟؟بلاك مش هي ...ماه مش هي ...بصح خزرات تاعها ...لالا مش هي ...تشوكيت و خلاص ...
خزرت في جدي ..ابتاسمتلو ابتسامة معرفتش كيفاش من الصدمة ....

شديت بلاصة و قعدت ...لاول خطرة تصرالي هكاك ...توجور نتلاقى مع لي قضيت معاهم ليال ..جامي تاثرت ....بلاك هدي كي مش برغبتها ...سييت نبعد تفكير تاعي ..و مشاهد هديك ليلة اما والو .....

كنت حاكم راسي فوق الطابلة نستنا في يما ديرلي ناكل ..

يما :اسلام اسلام وليدي هاك ...

جدي :واش اسلام واش بيك اليوم ؟ زيد هكا تبهدلنا متسلمش على لي راهي قدامك ...بهدلتنا قدام بنت عمك .....

وااااااش !!!!!بنتت عمييييي؟؟؟؟؟هدي بنت
عمي ؟؟؟تمسخيييير ...

انا :شكون ؟؟(بصوت متحكم في روحي )

جدي :لي قدامك ..متشوفهاش ؟

انا:ني نشوف قصدي شكون عمي ؟...

جدي:عمك خالد

انا :ممم مهيش بنت عمي جدو 😊مدابيكم تخلوني ناكل على راحتي ...باش نرجع عندي خدمة ...
تسما هي بنت عمي لي مخبيها علينا شحال !!!بنت عمي لي حشمنا منها قدام العائلة ....قلت هكاك باسكو كي يهدرولي عليها نعيف ...يعععع كنت كي شغل نادم على لي درتو اما كي عرفت بلي هديك صغيرة هي بنت عمي لي منستعرفش بيها .....سور كيما يماها ..و دوك هي جي تطلب نجوز معاها ليلة 👿👿👿....

كنت حاسب حا تنوض من الطابلة انا كملت مكلتها عادي 👿👿👿واش داني نرجع لهم تاع دار
هدا ...كون رحت فطرت برا خير ....