سلام عليكم ....بو لي يحب يخلي البارتي لعشية يقرا يخليه باسكو منيش حا نحط العشية هدا و كتبتو على 2 تاع صباح ....
باسم الله .....
يوم جديد ....رجعو لدار لعشية كي خلصو دوران تاعهم ....لقاوهم راقدين كامل ...دوشو صلاو و رقدو ....الصباح ناضو على عياط بابات اسلام في الدار ....راحت سيرين تنوض اية ....
سيرين :اية نوضي نوضي ...بابا يستحقك لتحت ....
ناضت اية مفزوعة مغسلت ما والو ...هبطت هكاك بواش كانت راقدة ...
لقات اسلام تاني غير كيما هبط و مكشرد كامل و منفخ ....وكان بشورط و بواش راقد ....و باباه واقف بحذا الجد ....يستنا غير يتجمعو يهدر ...غير شاف في اية ...بدا يعيط ....
اب اسلام :وقتاه اية تحبسي صوالح هدو ...تعرفي بلي حا يطيحو بقيمة لاكلينيك تاعنا ...
اسلام مش فاهمة والو ..تمسح في وجهها ...و تشوف في عمها جدها و اسلام ....
اية :بلعقل عمي واش كاين ؟ واش درت تاني ؟ و لا نقول واش دارو تان في بلاصتي
العم :بلعقل ياك بلعقل ؟ روحو حلو لاباج تاع لاكلينيك تاعنا تشوفو واش كاين ....
توترت مجابتش معاها تلفون و شافت في اسلام لي كان مدوخ كامل ...
اسلام بصوت عال شويا و مقلق و يشوف في اية بخزرات قوية :سيريييييين هاتي تلفونك و ادخليلي لاباج ..
دخلت سيرين بتوتر لاباج ... و برجفة ....مدت تلفون لاسلام ....هبط بزوج بوبليكاسيو برك ...و يلقى منشور مكتوب عليه هام .....قرا و راحت اية وراه تقرا معاه ......
غير خلص القراية ....دور راسو ليها و طلعو يشوف فيها بعدم تصديق .....و بخزراتو القوية ....اما هي كانت تقرا و تعاود ...و معقدة حواجبها .....
كي استوعبت .....حست حاجة تغرست في صدرها .....
شافت في اسلام بنفس الخزرات ...نستنى برك منو ردة فعل كبيرة و يخيبلها ظنها ...
الجد : اييية روحي وجدي روحك و تروحي مع عمك راهم يطلبوك باش يديرولك تحليل ...و فحوصات ....
ضحكت اية ضحكة تمسخير ممزوجة بعدم التصديق ...و شافت في عمها و جدها ....
اية :يطلبوني ؟ ادا دارولي تحليل و لا فحص ...بزقو عليا و ميسمونيش اية .....هيا دوك نشوفو شكون لي يربح ...عييت انا من هدو صوالح خطرة هدي و الله منسكت ....و نتا عمي لي كنت تقولي راكي كيما سيرين ....كون جات سيرين في بلاصتي تامنهم ؟ خسارة عليكم كامل و الله .....نروح نلبس و نجي نشوفو شكون اية ...
العم :ازربي عندي شغل ....شبعنا تبهدايل .....
هدر اسلام بصوت قوي ....
اسلام :بابا روح لشغلك ...راني هنا انا نجيبها ....منعرف وقتاه تهنونا من جد المشاكل هدو ......
ناض من بلاصتو خبط الكرسي ...و رجع تلفون لسيرين بكل قوتو ..... و راح يطلع دروج بزربة ....
تبعت اية موراه ...هو طلع لشمبرتو و هي راحت لدوش ...شافت في المراية ...طاحتلها دمعة ...
أنت تقرأ
سادية الحب 🔥
Historia CortaBibaline⚫🖤 جماعة لي ينقلو الفايس و الانسطا و لا يقولو لقيناها في ڨوقل اي ممنوع النقل منعا باتا لانها سرقة و ممنوع نقل أي فكرة من القصة هدي لاني تعبت و شقيت عليها 🙂و شكرا مقدمة : انا تلك الفتاة التي ظلها فقط يعوض مئة رجل ..انا تلك التي ترعرت بم...
