حكاوى اروى

مش بالشكل

صلوا على النبى

استغفروا يالا

سبحان الله وبحمده سبحان الله العظيم

لا حول ولا قوة الا بالله العلى العظيم

🌺🌺🌺

نبدء بقا

🌻🌻🌻
مش بالشكل
نيره... بصوا مين جاه ساره الفحمايه
لارا.... الفحمايه وصلت هههههه بصراحه يا ساره مش عارفه انتي مش منقبه ليه مش شايفه شكلك معرفش بصراحه انتي هتتجوزي اذاي المفروض تغطي وشك الأسود ده
شهد...... عيب كده انتي وهي اتلموا بقا الله هي عشان ساكتالكوا
نيره.... ايه يا شهد احنا منقصدش ساره انتي زعلتي
ساره بصوت مبحوح.... لا يا حبيبتي مزعلتش
لارا... شوفتي اهدي بقا يا شهد
زفرت شهد ولم تعلق
لارا.... عامله ايه يا فحمايه
ساره... قولنا قولي ساره والحمدلله كويسه انتوا عاملين ايه
نيره... أنا تمام يا فحمايه بعدين هي بتتبلي عليكي متقفشيش كده عادي يا فحمه متبقيش ذي شهد احنا بنهزر
ساره... أنا هروح الحمام
شهد وهي تمسك يدها... استنى يا ساره اولا ساره مش فحمايه ساره سمرا وسمارها جميل ثانيا انا مليش انتوا الي بتضايقوها عشان بتسكتلكوا بس انا مش هسكت ولا هسيبكو ا تعملوا فيها كده انتي يا نيره هانم يالي بتتريقي عليها وبتقولي عليها سوده انا عمري ما شوفتك بتضحكي وتبيني سنانك في صوره عشان سنانك الي مش مظبوطين الي عماله تعمليلهم في تقويم كل شويه ومبيظبطوش وانتي يا لارا هانم شعرك خشن جدا عامل ذي سلك المواعين ولازم تسشوريه او تكويه كل شويه عشان يبقى شكله مقبول
لارا.... وانتي منرفزه نفسك ليه كانت تخصك وبعدين احنا اتبلينا عليها ماهي سوده فعلا
شهد... اه تخصني دي صاحبتي وتخصني لو مدافعتش عنها يا شويه صحاب سكه ابقى ذيكوا كمان هي مش سوده انتوا الي سود لو مش سود كشكل فقلبكوا سوده قلبكوا مليانه سواد واي حد بيتنمر على حد عشان شكله يبقا قلبه اسود ومتنمر
نيره... لو زعلانين اوي كده سيبوا الشله
شهد.... احنا هنسيبها فعلا لأننا ميشرفناش نعرف ناس ذيكوا
أمسكت شهد بيد ساره وأخذتها وذهبتا الي المسجد الخاص بالجامعه
جذبت شهد ساره الي حضنها فجأه وانفجرت ساره في البكاء كأن هذا العناق هو الذي فجر هذا البركان الذي بداخلها
ظلت شهد تربت على ظهر ساره
مرت ربع ساعه هدئت ساره قليلا وابتعدت عن شهد وهي تمسح دموعها وقالت بحزن وكسره
ساره..... انتي ليه دافعتي عني
شهد. بابتسامه ... عشان احنا صحاب
ساره. بوجع. وانزلت وجهها ... لا احنا مش صحاب انا معنديش صحاب اصلا وبعدين بنت جميله ذيك هتبقى عايزه تصاحب بنت ذيي ليه
شهد بابتسامه..وهي ترفع وجه ساره.... مين قال بس انك مش جميله مش معنى انك سمرا انك وحشه حبيبتي انتي ملامحك حلوه اوي اوي انتي ذي القمر وسمارك مش موحشك اصلا وبعدين هي مش بالشكل دي بالجوهر
ساره... لا بالشكل انا طول عمري بسمع الكلام ده دي مش اول مره انا الوحيده في اخواتي الي سمرا كده انا الي ماما دايما مكسوفه مني وشايفه اني مش هتجوز لاني مش حلوه ومبياجيليش عرسان ذي اخواتي والي بياجوا بيرفضوني هوما انا الي المدرسين بتوعي كانوا بيتريقو ا عليا عارفه وانا في أولى اعدادي مدرس العربي دخل الفصل وعرف اسمائنا وسئلني انا عن اسمي الأول بعدها لف على السبوره وكتب أعرب ساره فتاه سمراء ولما عيطت هزئقني وهددني انو هيعاقبني لو مسكتش بدل ما يراضيني ويعتذر هددني ولما اشتكيته اعتزرلي بس قعد يعلق على الموضوع وينادي لكذا حد يا سمارا ويا سمرا انا زمايلي دايما بيتريقوا عليا الولاد في الفصل وانا صغيره بيتريقوا عليا بنات الجيران والعيله حتى اخواتي بيتريقوا عليا ومش من حقي ازعل او اتخانق لازم اضحك واهزر الناس بتتريق عشان عارفه اني هاديه انا زمان مكنتش كده كنت بنتقم من الي يتريق عليا كنت بضرب الولاد والبنات بتوع فصلي في ابتدائي كنت بأخد استدعائات كتير في المدرسه مكنتش بذاكر حتى المستر بتاع أولى اعدادي كسرتله ازاز عربيته كله ومع ذلك كانوا برضوا بيتريقوا حتى لما كنت بضربهم لحد ما
شهد باهتمام... لحد ما ايه
ساره في ٢ اعدادي كنت متذنبه جاتلي مس تهاني دي كانت اخصائيه نفسيه كانت طيبه اوي اوي كانت كبيره حوالي ٥٠ سنه تقريبا
ساعتها قالتلي.... مالك يا ساره
قولتلها بقوه... كويسه
قالتلي... ياااه ده انتي جواكي غضب كبير اوي واديني بسكوت قعدتني واتكلمت معايا وحكيتلها كل حاجه قالتلي اني لازم اثبتلهم ساره تبقى مين وقالتلي لازم اتفوق في دراستي ولازم اصلي اصلي مكنتش بصلي عشان كنت استغفر الله العظيم زعلانه من ربنا على شكلي قالتلي ربنا بيقول ولقد خلقنا الإنسان في أحسن تقويم يعني انتي مخلوقه في أحسن صوره من ساعتها وانا بطلت شقاوه بقيت بصلي وبذاكر حتى بعدها بإسبوعين سمعت ماما بتقول لاختي ساره وشها منور ساعتها انا فرحت اوي والحمدلله مبطلتش صلا من ساعتها الكل استغرب التغير الي حصلي قالتلي لازم ابقى عارفه ان ربنا بيحبني وميهمنيش من كلام الناس وان كلامهم ده عباره عن حسنات بتاجيلي بدون مجهود مني بس غصب عني بزعل اوي لما يقولولي يا فحمايه انا مش فحمايه ولا سوده انا مخترتش لوني
شهد.... بصي يا سوسو لو ربنا اداكي حياتك وقالك رتبيها مهما عملتي مش هتعرفي تعمليها غير ذي ما ربنا كاتبها ليكي مش هتلاقي طريقه حياتك تمشي بيها غير الي ربنا مخترهالك مفيش لون كان هيليق عليكي غير لونك الاسمر الجميل ده انتي ملامحك حلوه اوي اوي يا ساره انتي جميله فعلا وسمارك مديكي جاذبيه خاصه وانتي نفسك قولتي ان مس تهاني قالتلك ربنا بيقول ولقد خلقنا الإنسان في أحسن تقويم يعني ربنا خالقك في أحسن صوره بلونك بشكلك بشعرك بكل حاجه فيكي بكل حاجه بتحصل وهتحصل سواء كانت خير أو شر فهي خير والاحسن ليكي ربنا مبيعملش حاجه وحشه
ساره..... ونعم بالله انا عارفه ان ربنا مبيعملش حاجه وحشه
شهد... كمان يا ساره انتي مش سوده هما الي قلوبهم سوده مليانه سواد هوما الي وحشين لكن انتي جميله كمان ربنا مبيخلقش حد كامل الكمال لله وحده يعني مثلا نيره مامتها ميته لارا باباها سابهم وهي صغيره واتخلي عنهم محمود الطالب الي كان معانا في سنه اولى جاله كانسر ومات انا اخويا وتؤامي على عملت حادثه انا وهو الله يرحمه ومات من سنتين
ساره... الله يرحمه يا حبيبتي معاكي حق الدنيا دي دار ابتلاء للكل بس عارفه عمر ما كان عندي صحاب ولا حد بيرضي يصاحبني انتي عايزه تصاحبني ليه
شهد.... ورقه وقلم واكتبي ورايا يا ست الكل شاطره ذكيه متفوقه أولى الدفعه دحيحه درجه اولى طيبه وحنينه عارفه ربنا وحافظه نفسها كويس وصاينه نفسها ومحترمه ثقه أهلها فيها لبسها واسع ومختمره وانا بحب المختمرتن على فكره وفوق ده كله ذي القمر يا سوسو ذي القمر ها
ساره.... حاضر يا ستي ذي القمر يعني احنا صحاب كده
شهد... طبعا يا روحي بس عايزه اقولك حاجه زمان انتي كنتي شريره شويه دلوقتي طيبه اوي متخديش الحاجه اوي مش اسود بس ولا ابيض بس خير الأمور الوسط يعني خليكي طيبه بس متسكتيش لأي حد يقلل منك لو حد قالك يا سوده قوليله انا سوده ومش عاجبه حضرتك اخلقلنا واحده تليق بالمواصفات الي حضرتك عايزها تعرف تخلقلنا واحده على زوق حضرتك هتلاقيه سكت وتنح بس متغلطيش في الشكل الشكل ده لا بتاعي ولا بتاعك ده بتاع ربنا بس الأخلاق الطبع براحتك متسكتيش لحد ياجي على كرامتك او يضايقك فاهماني
ساره... اه يا شهد فاهماكي شكرا جدا بجد مش عارفه اقولك ايه
شهد.... انتي هبله صح احنا اخوات تشكريني على ايه يا حماره انتي بعدين انتي مش واخده بالك من حاجه
ساره.... حاجه ايه
شهد.... مخدتيش بالك من الخمار والفستان الواسع بصي شكرا الاهتمام مبيطلبش
ساره وهي تعانقها.... يا قلبي الف مبروك يا روحي ربنا يثبتك يارب
شهد وهي تبادلها العناق.... الله يبارك فيكي يا قلبي انتي شجعتني الصراحه هوما في البيت مكنوش موافقين وانا حطيتهم قدام الأمر الواقع ربنا يباركلي فيكي يا قلبي
ساره... ويباركلي فيكي يا حبي.
وخرجتا سويا وذهبت كل واحده الي منزلها
بعد يومين في بيت ساره
ادم اخوها... يا فحمه اعمليلي شاي
ساره بغضب..... انا مش فحمه يا آدم واسمي ساره ولو مندهتليش ساره مش هعبرك
سلمي... في ايه يا ساره هههه هو اتبلي عليكي مانتي سوده ذي الفحم وبعدين من امتى بتزعلي.
ساره... بزعل من زماان ايه هو عشان انا بسكت ابقى معنديش مشاعر صنم مبحسش ايه انتوا مبتفهموش
ادم... اهدي يا ساره انا مقصدش
ساره... لا تقصد وبتقصدوا وعارفين اني بتضايق ولا بيهمكوا إنما لو حد اتكلم على جسمك الرفيع او هزرت ابقى بهينك إنما أنت تقول يا فحمايه عادي جدا وانا المفروض اضحك ومزعلش بدام انا فحمايه ومش عجباكوا انتوا الجوز اخلقي واحده بيضه على مزاج ساعتك يا آدم باشا وانتي يا سلمى هانم اخلقيلي واحده مش سمرا ذيي تكون بمواصفات سعتك وتاجي على ذقك وهواكي
سلمي... ساره اهدي احنا
ساره... لا مش، ههدي وخلاص انا جيبت اخري انا حلوه غصب عن عين اي حد واي حد مهما كان مين هيقلل مني هدب صوابعي العشره في عنيه ومش عايزه ولا واحد فيكوا انتوا الجوز يقرب مني او يكلمني اصلا سامعين
وتركتهم ودخلت غرفتها واغلقت بابها بقوه
الام ساميه... في ايه ايه الزعيق ده
قصت سلمي ما حدث
ساميه... معاها حق انتوا بتزعلوها وهي اختكوا وهي ملهاش ذنب في لونها الي حصل انها جابت آخرها منا كلنا وانا كنت غلطانه عشان كنت بسكت لما اي حد بيضايقها لا انا مش هسكت على حق بنتي تاني كفايه ابوكوا الله يرحمه جالي امبارح بيقولي هي دي امانتي الي سيبتهالك انتي كده خدتي بالك من ساره وكان زعلان مني اوي اهئ اهئ
ادم... خلاص يا ماما متزعليش احنا اسفين وهنعتزرلها والله ما هنزلها ولا نعلق على الموضوع ده تاني
سلمي بدموع... اه والله يا ماما
ادم... تعالي يا سلمى ننزل نشتريها هديه نصالحها بيها
سلمي... يالا
ونزلوا يشترولها الهديه
عند ساره كلمت شهدوقصت عليها ما حدث
شهد... ايوه بقااا هو ده الكلام برافوا عليكي متسكتيش عن حقك بس هقولك لو صالحوكي اتصالحي وسامحيهم دول اخواتك وفي الأول وفي الاخر ملكوش غير بعض
ساره... حاضر يا قلبي هعمل كده فعلا ربنا يباركلي فيكي
شهد... ويباركلك فيكي يا عمري هقفل عشان ماما بتنده سلام
ساره... سلام يا قلبي
واغلقت مع شهد الخط
بعد مرور نصف ساعه عاد أدم وسلمي وفي يدهم بعض الشيكولاتات وورد لافندر وساعه اشترتها سلمي وسلسله على شكل فراشه اشتراها ادم
خبط ادم وسلمي على الغرفه
ساره... ادخل
دخل ادم وسلمي
لفت ساره وجهها الي الجهه الاخري
ادم... دول عايروني وقالولولي يا اسمر اللون يا لالالالي
سلمي..... صحيح انا اسمر وكل البيض يحبوني اه يا لالالالي
ساره... ياعود قرنفل ما بين الورد حطوني اه يا لالالالالي
بتغنولي الاغنيه الي كان بابا الله يرحمه كان بيغنيهالي ماشي مخصماكوا برضوا
ادم وهو يجلس بجانبها.. وقبل رأسها... حقك عليا يا سوسو
سلمي وهي تقبل وجنتها ... أنا اسفه يا سو متزعليش مني وعد مش هعمل كده تاني
ساره.... بجد
ادم... ..جد الجد والله
ساره.... خلاص عفونا عنكوا واعطوه الهدايه وجلسو ا قليلا يضحكون
انا ساره ٢٠ سنه في كليه الطب ودي حكايتي اه انا سمره بس بحب سماري انا جميله جدا ومكنتش هبقي جميله من غير لوني الاسمر الجميل الي انا بقيت بحبه عشان ربنا بيحبني واداهوالي وعشان رزقني صحبه صالحه ذي شهد وبعدنا عن لارا ونيره هوما كمان بعدوا عنا يالا ربنا يصلح حالهم انا اتجوزت دكتور مؤمن ده دكتور عندي في الجامعه اتقدملي اربع مرات مكنتش برفضوا غير عشان شكله ساعتها كان الشكل بيفرق معايا ده ابيضاني بعنين خضرا وشعر اسود طول بعرض وبغمازات وليله زرقا هيتجوزني اذاي وانا سمرا اوي كده موافقتش عليه غير لما واجهني واتقدم للمره الخامسه
في الجامعه
دكتور مؤمن. وهو يغض بصره .. انسه ساره ممكن كلمه لو سمحتي
شهد... طب انا هروح اشوف
ساره... وهي تمسك بيها وتغض بصرها... اتفضل يا دكتور محدش غريب شهد عارفه عني كل حاجه
دكتور مؤمن... ممكن اعرف انتي رافضاني ليه انتي حتى مبتقعديش معايا
ساره... عشان يا دكتور بص لحضرتك وبصلي
مؤمن بإختصار... لونك ميفرقش معايا اصلا يا انسه ساره انا هتقدم تاني وياريت تديني فرصه وتقعدي معايا لاني فعلا ميفرقش معايا لونك كفايه اخلاقئك انا همشي عشان مطولش، وكمان وقفتنا كده غلط عن اذنكوا
وذهب
شهد... شوفتي بقا ممكن تديلوا فرصه وتطلعي كل الهبل ده من دماغك حرام عليكي
ساره... اففف حاضر هفكر
شهد... جدعه لازم تديلوا فرصه لكن انتي كنتي بترفضيه في نفس اليوم حتى مش بتفكري
ساره... خلاص يا شهد حاضر والله
شهد.... يالا بقا نلحق المحاضرات
ساره... يالا
اكملكوا كلامي انا ومؤمن اتجوزنا بعيدا عن شكله فهو محترم ومؤدب جدا ده غير انو بار بأهله كمان عمري ما شوفته لا بيهزر مع بنت او واقف مع بنت كتير دايما كل حاجه بحدود ده غير انو حافظ كتاب ربنا كامل وافقت واتجوزنا بعد سنه خطوبه وخلفنا موج ومروج وعز تؤام
عوض ربنا حلو اوي انا صبرت وربنا عوضني الحمدلله
🌷🌷🌷
اتمنى تعجبككوا
اخر حاجتين
🌼🌼🌼
رقم ١
كل واحد فينا حلو بطريقه معينه عمر ما كان السمر او السود وحشيين كل واحد جذاب بشكل معين انا شايفه ان الي بيتريق على السمر ويقول عليهم سود ان هوما الي سود فعلا قلبهم أسود ومليان سواد مش مهم الشكل المهم الجوهر
رقم ٢
التنمر او التريقة عمرها ما كانت شئ كول او حاجه حلوه تفتخر بيها وسط صحابك احب اقولك ان انت متنمر وشخص معقد وغير سوي نفسيا وبتتنمر عليه عشان تطلع عقدك وترضي غرورك وتضحك على نفسك وتصدقها وتبين للي حواليك انك احسن منه بس انت اسؤا مش احسن انت بتئذي مشاعر الشخص ده وبتكسر بخاطره واعظم العبادات عند ربنا هي جبر الخواطر متكسروش بخاطر حد متئذوش حد من سار بين الناس جابرا للخواطر ادركه الله في جوف المخاطر الكلمه الطيبه صدقه على فكره
بالنسبه للشخص الي بيتعرض للتنمر متسكتش بجد متسكتش
متسكتوش يا جماعه الي يتنمر عليكوا اتنمروا عليه العين بالعين والسن بالسن والبادي أظلم ادولوا فوق دماغه اتعلم تاخد حقك بإيدك الي هتديله مره على دماغه مش هيقرب منك تاني وعلى رأي المثل الناس تخاف متختشيش
🌺🌺
اتمني تعجبكوا
بقلمي انا سنيوريتا الروايات أروى العش🧚‍♀️🧚‍♀️