صلوا على النبى
ااستغفروا يا جدعان
سبحان الله وبحمدة سبحان الله العظيم
لاحول ولا قوة الا بالله العلي العظيم
مبدأيا كدة الحكايات دى من وحى خيالى وملهاش اى علاقه بالواقع هى بتنقض قضايا المجتمع بتاعنا بشكل ساخر وكوميدى كل حكايه بارت واحد وكل حكايه ملهاش علاقه بالتانيه
حكايه حلم💗💗
نبدء بقا
مسكت قلمى فتحت نوتى وكتبت انهاردة حصلت خناقه تانيه مع بابا وماما بابا بيتخانق عشان ادخل هندسه ذى بنت عمى وابن عمتى وماما بتتخانق عشان ادخل طب ذى ولاد اختها بيقارنونى دايما بنيرة بنت خالتى هى واخواتها وانها بقت دكتورة واخوها جراح واختها مهندسه وبيضاربولنا ابن عمى مازن عبرة ومثل عشان دخل تجارة انجلش
ايه يعنى لما يبقا حلمى انى ابقا رسامه كبيرة ويتعمل معارض واحقق حلمى هيحصل ايه لما اخويا عمر يبقا فوتوجرافر كبير ذى ما هو عايز ليه المجتمع بتاعنا شايف ان اهم حد الدكتور والمهندس وان الباقى مش مهمين وان الى مدخلش طب او هندسه يبقا ملوش لازمه مجتمع متخلف بياخد بالمظاهر لازم نفضل نكرر ونكرر
قفلت النوت بتاعتى ولبست هدومى عشان اروح الدرس
اه انا مرح ١٦ سنه فى تانيه ثانوى علمى والى قريتوه فوق كان نبذة مختصرة عن حياتى معنديش صحاب معنديش اخوات غير عمر الى فى ٢ اعدادى بيعشق التصوير وهو موهوب فيه بصراحه ذى ما انا موهوبه فى الرسم وبكسب مسابقات كتير فيه حتى بنات العيله مش صحابى الى اكبر منى وبيتقارن بيه والى اصغر منى ولبست وخرجت طبعا كالعادة خدت شويه كلام من ماما نزلت عشان اروح الدرس وانا ماشيه كنت مخونقه اوى رحت الدرس لقيت المستر لغى الحصه كلمت ماما واستأزنت اقعد على البحر شويه وقالتلى ماشي متتأخريش
بحر اسكندريه احلى بحر فى العالم
قعدت على البحر لقيت دموعى عماله تنزل مش عارفه اوقفها خليها تنزل انا مخنوقه يمكن ارتاح شويه لقيت حد بيطبطب على كتفى بصيت ست جميله هدومها شيك محجبه مش كبيرة اوى اعتقد فى اواخر التلاتينات ملامحها بشوشه حاسه انى شوفتها قبل كدة قعدت جمبى وطبطب على ايدى فجأه لقيتنى فى حضنها وبعيط جامد بعيط كأن حزن الدنيا كله جوايا بعيط كأنى معيطش قبل كدة بعد نص ساعه بعدت شويه وانا بمسح دموعى وبقولها انا اسفه
لقيتها بتقولى ولا يهمك انتى بتعيطى كدة ليه يا حبيبتى اسمك ايه الاول
مرح.... اسمى مرح وحضرتك
ميرا... انا ميرا يا حبيبتى
مرح.... شكرا يا طنط ميرا اسفه نكدت على حضرتك
ابتسمت وقالتلى انتى ذى بنتى مالك بقا يا ست مرح
دموعى نزلت تانى
أنت تقرأ
حكاوى اروى
Short Storyحكايات صغيرة كل حكايه بارت واحد حكايات بتناقش قضايا مجتمعنا فى شكل ساخر وكوميدى كل حكايه منفصله ملهاش دعوة بالتانيه اتمنى تعجبكوا