ريحــــــــانة
بقلـــــــم : فاطمة الهـــــادي
الحلقة (32) والأخيـــــــــــــرة
أم دلال كانت مبسوطة لأنو دلال حترجع مع معاوية ، ودتها الكوفيـــر وجهزتا وكأنها عروس جديدة
بعـــــد المغرب ❈❈
معاويـة جا ساق دلال من بيتهم وخلا ولدها حمودي مع حبوبتو وكان في غاية وأخيراً الإنسانة الراسها زي الحجر بقت تحبو وقدر يأثرها وياخد قلبها ،حس بانو اخيرا انتصــــر عليها أو بالأحـــرى انتصــر على نفسو لانو رفضها الدائم ليهو كان بحسسو بنقص
ساقها وكأنها عروس تزف لزوجها لأول مرة
معاوية: أنا الليلة مبسوط لأني قدرت أصل قلبك ، دلال عاوزك سامحيني على تعاملي الفظ معاك اسف لأني حرمتك من حمودي ووجعت ليك قلبك
دلال : الله شرح لي قلبي من ناحيتك لمن قعدت وفكرتا براي معاوية أنا بحبك ❤
معاويه : وأنا بموت فيك ياروح معاوية من جوة
اشترو معاهـــم عشا من بـــــرة ،دلال كانت مستاءة من جواها من البحصــــل بس كانت مضطرة تتحمل عشان تصل لمبتغاها
استغلت فترة معاوية طلع يجيب ليها شنطتها النستها عمدا من العربيه وكبت ليهو اقراص منومة في العصيـر وحرصت انها تشربو ليهو بيدها وبعد لحظات قال ليها حبيبتي تصبحي على خيــــر وغط في نوم عميــــــــق
اتصلت على مهاد وكلمتها بالحاصل
مهاد : دلال صحصحي معاي يلا ممتاز شوفي الخطوة البعدها
دلال بدت تفتش في تلفوناتو عشان تلقى خيط يوصل لي لمياء كانت بتحاول في الباسويرد بدون أمل
وواصلت البحث في اللابتوب ولحسن حظــــها لقت الايميل فاتح كانت مبسوطة جداً خشت على الإيميل لقت رسائل واردة
ومن ضمنها رسالة قبل ساعتين( ياريس بالنسبه للرهينة "ل" ) نعمل فيها شنو البت ما بتسكت وانت ما قلت لينا حاجة عشان نتصرف
هنا دلال عرفت انو لمياء لسه بخير وما حصل ليها حاجة
ردت علي الرسالة
الرهينة "ل" رســـل لي موقعها الجديد ،ْعنَدِيَ ليكم تعليمات بخصوصا دلال انتظـــرت دقايق لحــــدي ما استلمت الموقع وعرفت المكان الفيهو لمياء
_ جد رجال أغبياء شكلو قرو الرساله بالعكس يعنــــي هسي معقول معاوية ماعارف الموقع ؟
وكده مهمتا انتهت مسحت الرسايل الاخيـــرة
اتصـــــلت على مهاد كلمتها بالعملتو
مهاد خلت مهمــــة الشرطه على شيكو رغم اعتراض مؤمن ومروان واتجهو للمكان المعيــــن مكان مهجور واقع في الضواحي
ده كلــــو حصل ومعاويه نايم من اثــــر المنوم
دلال كانت خايفه وقلبها مقبوض من إنو يصحى ،الليل كلو هي مساهرة وتعاين في ملامح معاوية وصوت الشخيـــر العالي وقال في سرها ( صحـــــي نوم الظالم عباده) إن شاءالله يا يمــــة نومة ما منها صحــــية يا بعيد
في اليوم التاني بالصباح
الشرطة حاصرت المكان الفيهو معاوية والقى القبض على العصابة ولمياء طلعوها منهم وكأنها ميتة
لا أكل لا شراب ودوها المستشفى ادوها اوكسجين ودربات وبعديها اخدتها الشرطه عشان التحقيق مـعاوية صحــــى من النوم متثاقـــــل
لقى دلال مافيشه
جات دلال : بتنادي عليهو حبيبي
معاوية : لقيتك ماجنبي قلقت عليك تسلمي على ليلة أمبارح معليش لأني نمت فجأة ما عارف حصل لي شنو ؟
دلال ارتبكت لانو لو عرف الحقيقة مستحيل يخليها ما ادتو فــــرصه يشيل التلفون ولا يفتح اللابتوب
دِلُالُ : صحيت قبليك وحضرت ليك الفـــــطور عارفاك بتحب فطور بدري
معاويه : غايتو بسحروك الليله ياعسل انتي
دلال بينا وبين نفسها ( والله ما هاين علي اخليك تخش السجن وانت جيعان في النهايه ابو ولــــدي )
رجال الشرطة وصلو على بيت معاوية
ــــــ معانا امـر قبض عليك
معاوية : قبض شنو انت اكيًــــــد غلطان أنا ما عملت حاجة ما من حقكم تقبضوني والله اوديكم ورا الشمس بتهمة انكم قبضتو زول برئ
الضابط : وزيد ليهو تهمــــة تهديد رجال الشرطة وعرقلة شغلهم
دلال كانت بتصطنع البكاء والقلق وهي من جواها الفرحة عاوزه تقتلها وخلاص اخيـــــرا
حتتحرر من سجن اســـــّمو معـــــــــاوية ❀
لميـــــاء بعد اخدو اقوالها
مؤمـــــن : لمياء حمدلله على سلامتك نورتي بيتك من جــــــديد
لمياء : أنا إنكتب لي عمـــــر جديد ما مصدقة اني لحدي الان عايشـــــه
مروان : والله قلقنا عليك شـــديد
مهاد : اي والله فقدناك يلا يا بنت جهزت ليك الاكل البتحبيهو
لمياء : تسلمي يا مهاد ماعندي نفس لأكل و ريحانة وين عقلي ما بطل تفكير فيها
مهاد : نايمه جوه خليها لمن تصحــــي
مؤمن : انا لسسه ما اطمنت عليك احكي لي الحصل شنو من البداية!
لمياء : طلعت الصباح اجيب سكــــــر وشاي
مجرد ما طلعت سبحان الله كنت حاسه بزول مراقبني بس قلت احتمال ده وهم مشيت شويه جاء قدامي واحد سايق موتر رشاني بمادة سايلة وتاني ما حسيت بروحي الا وقت لقيت نفسي في مكان غـــــــريب الساعدهم انو ما كان في زول في الشارع
من استعدت الوعي وانا بصـــرخ " انا وين وابكي طلعوني من هنا انا عاوزه ارجع بيتنا ☹
جاني واحد منهم وقال لي ( بنصحك ما تعملي لينا ازعاج عشان ما نٲزيك لحد هسي نحنا كويسين معاك )
ساعتها خوفت يعمل فيني حاجة خصوصس انو راجل عاتي وضخم الجثه وصوتو غليظ
الموية بدوني ليها مرتين في اليوم بعديها شكلوالمكان كان فيهو مشكلة لأنهم نقلوني لمكان تاني وما قعدت فيهو كتيــــــر الشرطة طلعتني.
مؤمـــن : لميا۽ ما يكون في زول مد يدو عليك عارفهم ندلــين وكلهم وسخ
لمياء : لا لالا مــــاف حاجه من دي حصلت حتي انا سمعت معاوية بتكلم معاهم وبحزرهم انــو مافي زول يهوب ناحيتي وبعدين في واحد كان عاوز يهربني بس الشرطة جات في الوقت المناسب
مؤمــــن : رجالهم ديل كلهم انا بعرفهم الا يكون غيرهم الزول الكان عاوز يهربك اسمو منو
لمياء : تقريبا اسمو ادم بتعرفو؟
مؤمن : اي عرفتــــو واحد واطي ده الدبسني في القصية الخشيت بيها السجن
بركه الما هربك بكون عندو نيه ما كويسه ناحيتك.
شيكو اتصل على لمياء وقال عاوز يجي البيت زيارة قالت ليهو ما يجي الا بعد يكلم مؤمـــــن
فعلا اتصل على مؤمــــن وقال ليهو انا جاي عليكم
مؤمن قاليهو تنورنا بعد قفل منو (والله لو ما احنا في ظروف ما بخليهو يجـــــي
عويـــر ده ولا شنو! )
بس ما قصر معانا والله رغم تعاملنا الما كويس معاهو هو وقف معانا
لميا۽ : عليك الله اتعامل معاهو عادي الكريمين ما من شيمهم يعاملو ضيوفهم بالقسوه او قلة الذوق
مؤمن : اطمنــــي يا بنت
العـــصرية شيكو جاء عليهم
لميــــاء كانت مبسوطه بجيتو شــــديد كانو هم قاعدين بره وهي جوه غرفتها على حسب تعليمات مؤمن
مؤمـــن : شكـرا ليك شيكــــــو ماقصرت معانا وقفتك معانا في موضوع لمياء مقدره والله مشكـــــور
شيكو. : العفـــــو يا ابو النسب
مؤمن : يا شنـــــــو
شيكو كان مرتبك شديد وقال ( مؤمن انا بطلب يدك من لمياء....)
مؤمن : انت بتقول في شنو وبعدين مالك متكبكب قدر ده فاجأتني
شيكو : انا طالب يد اختك لمياء وبتمنى تنسو كل الفات ونبدٲ صفحـــــــة جديدة نحنا أولاد الليلة وشيكو البتعرفو زمان اتغيـــــر 180درجه والايام كفيله انها تثبت ليك صــدقي
مؤمـــن : انا موافق مبدئيا ، لو كنت إتقدمت ليها قبل ما تتخطف ماعارف كنت حٲعمـل فيك شنو!
شيكو : ما تخليني أقول بركة الخطفوها ، كل تٲخيرالخيــــر
بس الرد القاطع حيجيك بعد اشاور لمياء
وشيكو قال ماعندو مشكلــــــــــة
❀❀❀
مؤمن شاور لمياء وهي وافقت بعد استخارت
ما كان عنـــدهم اي سبب يأجلــو العــــرس فحددوه بعد شهرين لحدي قضية معاوية تتحسم عشان يفرحو زي الناس
لمياء : مؤمن وانت ما ناوي تتزوج
مؤمــــن : والله في وحدة دخلت راسي
زوله بت اصول وبت ناس كرام وجـــدعة
لمياء : أكيد مهاد
مـــؤمن : بس هي اظنها صعبه على حسب كلام مــــــروان وما عارفها حتوافق ولاحاخد لي بومبــــه وكمان امها اكيد بتكرهني بعد الموقف الحصل داك وده غيـــــر طبقتنا الاجتماعية اقل من طبقتهم والفرق الاكاديمي البينا والله كل الظروف مامعاي بس في النهاية لو ما وافقت حأكتفي بيها حلم جميل
لمياء : ما تقفلها كده كلم مروان احتمال ربنا يديك معاها قسمــــه بطل تشاؤم
جديا مؤمن سمع كــــلام اختو ومشى ليهم في بيتهم واعتذر لوالدتهم رحمــة وهي قبلت عــــذرو بعد ما عاينت ليهو بقلبها ما
بعقلهــــا وكلم مروان برغبتو بالزواج من مهــــاد وهو وافق ( كان على ناس البيت بوافقو بضمنهم ليك بس المهـــم هي توافق)
مهاد جات بالصدفة شايلة ليهم عصيــــر وهي خجلانه
مؤمن عرف انها سمعت كلامو مع مروان
مؤمن : مهاد تتزوجيني!
مهاد : ارتبكت شــديد على رغم إنها شخصية ثابتة وقوية وبخجل ( أنا مع البشوفو مروان )
طلعت بـــره مبسوطه شـــــــديد
مروان : يبقى هي موافقة لانو خطوباتا الفاتت كلها كانت هي بتقول رأيها بوضوح إلا المـــرة دي
مبروك لي لميــــاء كمان بس شيكو ده كيف وافقت عليهو
مؤمن: الراجل اتغير وبعدين هي رايداهو غايتو اديتو فرصــــة وان شاءالله خيــــر
أم مروان في البداية كانت ماخده موقف ( اي صح انا سامحتو بس ما لدرجة اعرس ليهو بنتي شوف ده بالله)
ابو مروان : يا رحمة الراجل ما بعيبو الجيب البعيبو اخلاقـــــو والبنت شكلها رضيانة وموافقة ما تطفي ليها فرحتها وشكلها كده بتريد مــــؤمن عليك الله ما تقيفي في سكتها انتي لو بتقارني مهاد بنت حلوة وشغاله ووضها كويس إجتماعي ومادي بس سنها كبيـــــر تفتكري فرصتها في الزواج حتكون قدر شنو ؟ ومؤمن زول خلوق وصاحب مروان وهو بعرفـــــو كويس ولو شايفو ما زول مسؤوليه ما كــــان حيوافق عليهو وبعدين هو زول أصغر منهــــا وما طمعان فيها نقتك دي بتضيعي بيها العيال
ام مروان : والله كلامك عين العقــــل انا نفسي افرح ببنتي والله خلاص على بركه الله انا وافقت المهم سعادتها هي
حتى مروان انا رغبتو انو يرجع لدلال ماعاجباني بس خليهو يعمل الفي راسو اصلا اتظلم كتيــــــر طالما هو مبسوط خلاص
مروان : مهاد غريبة انك وافقتي بالسرعة دي غير كل مرة
مهاد : مؤمن بـــذكرني الطيب في كل حاجة عشان كده وافقت بيهو وحسيتو ده الزول الانا
ضيعت عمـــري كل علشان القاهو ومبسوطة إني لقيتو اخيــــرا ❤♡
❀❀❀❀❀
مــــــعاوية بعد أخدوه لقسم الشرطــــة
وحققو معاهو نكر أي حاجه وقال لمياء دي ما بعرفها وعمرو ما شافهــــا ما طلعــو معاهو بحاجة
بس الرجال الكانو معــَـاهو كلهم اعترفو بعد الضغـــط والتعذيب وشهاده الشهود ومؤمن كان ضمن الشهود بعد ما ضمــــن انو ما حيتسجن دبسوه وطلعــــو ليهو القـــديم والجديد
والادله القاطعه والمسجات سلمتها دلال للشرطــــة
أخــــد حكم إعـــدام لانو متورط في بلاوي كتيـــر تجارة اعضاء وبشـــــر وأطفال
فساد مخدرات قتــل تهديد وكأنو الزول ده شيطان ما إنسان ونفذو الحكم والباقين كلهم اتسجنو
وبعضهم اخــد سجن مؤبـد
يوم الإعدام كلهم كانو متواجدين وشافو الحكم بعينهم
دلال رغم فرحتها بس كانت دموعها بتنزل منها احساس انها السبب في موت ابو ولدها
حمودي الحيعيش يتيم باقي حياتو ولــو كبر حتقول ليهـــو انا اللفيت حبل المشنقه في رقبه ابـــــوك
مروان : بتبكي مالك ......
دلال : لالا مافي حاجة عن اذنــــــك انا لازم اطلع
مهاد : اها يا مـــــروان دلال وضعها شنو بالنسبة ليك ؟
مروان : ح إتــــزوجها
مهاد : خايفاكم ما تقدرو تستمــــرو مع بعض وأمي وأبوي احتمال يــــرفضو
مروان : يابت قولي خيــــــر مالك متشاءمه كده فقـــــــرية من يومك
مهاد : ما تشاؤم بس توقعات
مروان : كدي هسي ده ما وقتو والله أنا مبسوط بانو الكلب ده اخد جزاءهو ويدوب حاسي قلبي بــــــرد
مؤمن : حاسي انو العداله اتحققت ما مصــــدق والله ثلاث سنين بين حيط مسجون
مروان : وانا خمس سنوات
لمياء: هييي خلاص قفلتو سيرة السجن دي بتعصبني
كان معاهم ممدوح جا اعتذر لي لمياء للمره الثالثة ولميــاء سامحتو عشان ما يفتح موضع محاولتو الاعتداء على سحر وتشتعل النيران من جديد
❀❀❀❀
مروان فاتح دلال بموضوع الزواج ووافقت بعد انتهت من العدة عملو عقدهم وخلاص على اساس انهم سبق ليهم الزواج قبل كده ــــــ
دلال : مروان موضوع زواجك من سحر انا ما عارفاهو
مروان : والله فاكر نفسي كلمتك العرس ده كان لظروف فوق ارادتنا وكان زواج على ورق ليس ألا وانتي أول واخــــــر زولة في حياتي
مؤمن بقى شريك مروان في شركتو مروان براس المال مؤمن بالجهــــد ♥
بعـــــد مرور 5 سنوات
مـَــــروان فعلا اتـــزوج من دلال كانت حياتهم زي الــــــورد بس في البدايـــة
بعديها بفتره قصيـــــرة انفصلـــو
اكتشفو انو السنوات الُعدت والظروف الحصلت دي غيرت فيهم كتير كتير واتوصلو لقناعة الحب براهو ما كفايه عشان يأسسو بيت سليم مع بعضهم
مروان ( فرحتي بدلال خلتني ما شايف الناس الحولي )
ومؤقتا ما حاول يقحم نفسو في تجربة جديدة
بالنسبة لي لميـــــاء وشيكو كانو متفاهمين بعض وبقو من المهاجرين في كنــــدا
مؤمــــن ومهاد اتوفقو مع بعض في حياتهم في مره من المرات كان مع مهاد في المستشفى عشان موعــد ولادتها قرب فجأة شاف راجل طاعـــــن في السن وصحتو منتهيـــة خاشي علي قسم اخـــر من المستشفى
مؤمــن وقف قدامو : عرفتني!
_ ومعقول انساك الله جمعني بيك بعد المدة دي كلها عشان اقــــول ليك أنا أسف
وربنا انتقم لاختك لاني عيان شديد والحياه ما باقي لي فيها كتيـــــر
مؤمـــن : يا راجل خالتي لو ما سنك كبير قسما كنت مسحت بيك بلاط المستشفى وطلعتك منها جنازة ما تفتكر إنو السنوات دي نستني وجع اختي سحــــر والعملتو فيها وبعدين أسامحك على شنو ؟ ولا شنــــو على ؟
خالتي الماتت بحسرتها ولا على أختي ولا على البنت الولدتها سحــــر وهي كما يقول المجتمع ( بت حرام ) المسامح كــريم وأنا ما كريم يا خاين ياغدار والوجع الفيني لو انت اندفنت تحت التراب صدقني ما حييرد والله ينتقم منك كمان وكمان .
ومشى خلاهو ينادي ( مؤمــــن دقايق في كلام لازم تعــرفو )
ــ مؤمــــن ما عاين وراهو لانو بالقوة مسك أعصابو وغضبــــو ما عندو استطاعة يستحملــو أكتـــــر من كـــــده
بالنسبة لريحانة كانت عايشة مع مؤمن ومهاد
مبسوطين بيها شديد ريحانة في يوم كانت بتلعب بــــره وفجأة وقعت اخدوها على المستشفى بعد الفحوصات العملوها ما أظهرت حاجة في البداية ودوها لدكتور شاطــر من طــرف مهاد ، وصدمهم لما قاليهم البت دي عندها (اتش اي)
" ايدز " مرض نقص المناعة بس أنا مستغرب كيف هي عايشة للان وتحسها عادية
مؤمــــن ما كان مصدق كيف طفلة يجيها مرض زي ده
الدكتور : المرض ده ماعند الناس الكبار بس
حتى الأطفال بنتقل ليهم عن طريق الأم ، أمها كانت مريضة ، مؤمن حكى للدكتور الحصل على أختو سحر
الدكتور : أختك كان عندها إيدز إنتقل ليها من الشخص الأغتصبها ومنها انتقـــــل للبنت الصغيرة بس الغريبة انكم جيتو متاخرين والبت عرضة لأمراض كتير مناعتها ضعيفــــة وانا مشتبه انو في اعراض جانبيه بدت تظهـــر في تورم في الكبد والرئتين ضعيفات غايتو الله يكتب ليها عمــــر
مؤمــــن : فعلا يا دكتور مرضها كان كتير وخصوصـــــا الفترة الفاتت دي
مؤمن اتذكـــــر وقت راجل خالتو كان بناديهو ( أيوة الحاجة المهمه العاوز يقولها انو مصاب بالايدز خصوصا بعد عرف انو سحر
جابت طفــــل) مؤمن كان محبــــــط شــديد وحاسي بالحزن وخايف شـــــديد من الزمن القادم عليهو والوحشة وكانو منتظر وفاتها في أي لحظة
مهاد : أنا اتعودت عليها شديد بقت لي زي بنتي فجأة مهاد حست بــــوجع الولادة ونقلها مؤمن للمستشفى والله حلاها بالسلامه ورزقها ببنت وفي نفس اليوم الولدت فيهو مهاد
إتـــــوفت ريحانـــة شايلة معاها هموم كتير مرافقاها من طفولتها ،مؤمن سمى بنتو ريحانة على اسمها تموت ريحانة لتزهـــر ريحانة أخــــرى
ريحانة كانت فقد لكل الحوليها الما اتخلو عنها وإحتوها بالحب والحنان
إنتهت .
