ريحــــــــــانة
بقلم :فاطمة الهــــادي ♥♥
الحلقة (15)
مهاد كانت مصدومة من قرار مروان
_ يا ولـــد انت واعي للكلام البتقولو ده؟
مروان : واعــــي وعارف ومتأكد زي ما شايفك قــدامي انتي عارفة أنا حأتزوجهـــا لأنها أخت مــــؤمن ودي أقل حاجة ممكن أقدمها ليها
مهاد : بس يا مروان ـ أمي
مروان قاطعها (أمي حترفض وحتعمل مشاكل وأبوي إحتمال يحـــرمني من الـــــورثه بس ده
كلو ما فارق معاي)
مهاد : دي مخاطـــرة كبيرة سحـــر على عيني وراسي بس أنا الحأقيف في وشك يا مروان لو ما اتراجعت عن كلامك ده
مروان : حالتك متعاطفـــــه معاهم وبتحبيهم وقلبك عليهم !! الكلام ده ما مفترض تقوليهو انتي ولو حاولتي تقيفي في وشي انا لا اخوك لا بعــــرفك
مروان كـــان على استعداد انو يخسر أي حاجـــــة حتي لو كـــان علي حســاب نفسو وعيلتو
_ مهــاد انتي عـــزيزة علي وأختي وحبيبتي كمـــــان بس مستحيل أتراجع عن قراري
مهاد : طيب مروان ، أنا صـــاح معترضــــة بس حأقيف معــــاك لأنك أخوي وما عندي استعداد أخسرك كفاية اني فقـــدتك خمس سنوات قبل كده
مروان : أنا حأعقد عليها طوالي بعد تولدوحأتكفل بمصاريفهم تكفل تام ، وذاتو العقــد ده
بخليني اقــــدر ادخل وامرق عليهم في البيت من غير ما أجيب ليهم الكــــلام
صــــباحات ****
لمياء في صباح اليوم التالي إستعدو للرحيــــل ومروان أجر ليهم شقة صغيرة من غيــر ما أمو تعرف ورحلهم فيها بحد ما الامور تهدا مهاد ومروان رافقوهم وظبطو معاهم حاجاتهم
مروان : لمياء عاوزك في مـــوضوع
لمياء : اللهم اجعلو خيـــر
مروان : خير أنا عنــدي رغبــة أتزوج سحــر إنتي رايك شنو ؟
لمياء : أكيد ما جادي إنت جنيت ؟ أي إنت متعاطف معانا وشفقان علينا بس ما للدرجة دي ، تتزوجها وبعداك تندم وغير كده حتحصل مشاكل في عائلتك وبراك شايف أمك بتكرهنا قــدر شنو خليك واعي شوية
مروان : ناس بيتنا موضوعهم هين المهم انتو وعلى فكرة أنا في كامل قواي العقليه أنا عاوز أتزوج سحر يا لمياء والموضوع بسيط يا موافقة يا موافقة هسي لو اختي حصل ليها كــده مؤمن كـــــان حيعمل كده واكتر
لمياء: مؤمن اخوي! !!!
بتعرفو من وين كمان
مــروان : أي اخوك يا لمياء مؤمن السيــــد الحاجة الانتي ماعارفاها عني إني كنت مسجون والقدر جمعني باخوك في السجن وكان صاحبي شــــديد وعلى طول بمشي ليهو زيارات ومواصلو ، وكنت بفتش عليك انتي وسحر لانو عاوز يطمن عليكم بس ما لقيتكم وبالصدفة عرفت انكم أخوات مؤمن
لمياء كانت متفاجأة : لالا ياخ اصلو ما بصدق! !! انت صاحب أخوي يعني حكي لي بيك كم مــره بس ما ذكـــر لي الأسم سبحان الله سبحان الله دنيا غــريبة صحي الحي مصيرو يلاقي ، مروان الدخلك السجن شنو صراحه شكلك ما شكل سجن ما بشبهك
مروان بقي يضحك: سبحان الله نفس الجملة القالها لي اخوك لما اتكلم معاي والله يا لمياء أنا كنت مغترب وقروشي عملت بيهم شراكة مع واحد كان صاحبي وخسرت كل شي وبقيت في ديون وكده بعدها اشتغلت محاسب في شركة لبسوني قضية اختلاس واخدت فترة سجن خمس سنوات
لمياء : لا حول ولا قوه إلا بالله ، وهسي مالك ما شغال في شركة أبوك
مروان : شركة أبوي كبرت في الفترة الاتسجنت فيها وبعدين أنا ما عندي رغبة أشارك أبوي في حاجة
أبوي زول مـــادي و بحب القروش حتى أمي اتزوجتو عشان طمعانة في قرشو
لمياء : كلو لخير
مروان : كدي خلينا في موضوعنا العقـــد حيكون بعد الولادة كلمي سحر
لمياء :ما عارفه أقول شنو؟
مروان : لا ما تقولــي شي أكيد موافقة أنا هسي خايف عليكم وقلبي ما مطاوعني أخليكم هنا براكم
علشان كده خلي بالك من روحك ومن ســـحر
مهاد : لو احتجتي حاجه اتصلي علي يا لمياء يلا في أمن الله
وبعد .......
بعد طلوعهم من لمياء
مهاد سالت مروان: أها انت ماش على وين؟
مروان : ماش لدلال يا مهاد ادعي لي اختي
مهاد : ما بلاش احسن
مروان : لازم أمش صــدقيني
مهاد : خايفاك تصــرف نظر عن موضوع سحر
مروان : ياخ انتي ما معـــقولة مستحيل اتخلى عن سحر افهمي يــلا وصليني وشوفي شغلك براك متأخرة
مهاد : حاضر لما اشوف اخرتك يا مروان
لقـــاء الياسمين *****
مروان وصـــل علي المكان الاتفق عليهو مع دلال لقاها قاعــدة منتظرة
مروان : اسف اتاخرت عليك
دلال : لالا عــــادي ولا يهمك ، كويس إنك جيتني رغم الحصل بينا
مروان : العشرة ما بتهون إلا على أولاد الحـــــرام
دلال : أسفه اخر مره كنت سخيفة شديد .
مروان : ماف داعي للأسف ممكن أعرف عاوزة تلاقيني لشنو ؟
يتــبع
