Cath & Doug

Chapter 8

NAGHAHANDA na sa pagtulog si Catherine nang pumasok sa silid niya si Douglas na may dalang unan. Napabalikwas siya ng bangon. Hindi pa pala niya nai-lock ang pinto. Sa ngiti pa lang ng lalaki ay parang alam na niya ang binabalak nito.

"Anong ginagawa mo dito?" tanong niya. "Bakit may unan kang dala?"

"Dito na ako matutulog from now on." At lumakad na ito palapit sa kama.

"Ano? No way!" Iniiwasan nga niya ang mapunta sa kung ano ang nararamdaman niya para sa lalaki pagkatapos ay makakasama pa niya ito sa iisang kuwarto? "Sinong may sabi sa 'yong puwede ka nang matulog dito?"

Inilapag ni Douglas ang unan sa tabi ng kanya. "Natalo ka sa pustahan, remember? Ito ang premyo ko." At humiga na ang lalaki sa tabi niya. "Ahh, your bed is softer that the bed there in your guestroom. Mukhang mapapasarap ang tulog ko di—"

Inihampas ni Catherine ang unan dito. "Get out!" Hindi niya gusto ang excitement na biglang bumangon sa dibdib niya sa kaisipang magtatabi sila ni Douglas sa kama. Hindi dapat sila magtabi.

Bumangon si Douglas mula sa pagkakahiga pero hindi umalis sa kama. "Cath, be sport, okay? Natalo ka, 'di ba?"

"Hindi ko alam na ito ang hihingin mo."

"Just the same, you lost. And you are obligated to give me whatever I asked as my prize."

Nag-panic siya nang magsimulang maghubad ng T-shirt ang lalaki. "B-bakit ka naghuhubad?"

"I always sleep without shirt on." At humiga na ang lalaki.

Well, kung magiging totoo si Catherine sa sarili ay alam niyang hindi naman niya ayaw na makatabi si Douglas. In fact, last night before she fell asleep, she even imagined that moment. If they were a real couple, they'd probably be sleeping beside each other in that bed. Kaya lang ay natatakot siya sa sariling damdamin. Natatakot siya na baka maipagkanulo niya ang sarili kung sakaling akitin siya ni Douglas habang nasa iisang kama sila.

"You can't sleep beside me," sabi niya ngunit kulang sa conviction.

"But I want to sleep beside my baby."

Napahawak si Catherine sa kanyang tiyan. Siguro nga ay gusto lang ni Douglas na makatabi ang anak. Bago ito pumasok sa trabaho at pag-uwi nito sa bahay ay palagi nitong hinihimas ang tiyan niya at kinakausap ang baby. Maging bago matulog ito ay naggu-goodnight ito sa anak nila. Baka nga ang baby lang ang dahilan kung bakit gusto ng lalaki na tumabi sa kanya sa pagtulog.

Buti pa ang baby na iyon, mahal na mahal ni Douglas. Teka, nagseselos ba siya sa sariling anak?

"Cath, please. Kahit ngayong gabi lang. Let me sleep beside you. I won't do anything kinky, I swear."

Hindi na umimik si Catherine. Humiga na lang siya at kinumutan ang sarili. Pumikit siya at pinakalma ang dibdib. Ayaw niyang isipin na nasa tabi niya si Douglas nang mga sandaling iyon, shirtless at boxer shorts lang ang suot. Ayaw niyang isipin na hindi na kasing lakas ng dati ang depensa niya sa charms ni Douglas. Sabi nga ng lalaki, hindi siya aakitin nito. But she was already seduced by the fact that they were together in one bed.

"Who would have thought that we'd end up like this, Cath?"

Napadilat siya. Bumaling siya kay Douglas na natagpuan niyang nabaling sa kanya. "What do you mean?"

"We were bickering like cats and dogs since we were kids and now... we're lying on the same bed, wearing compatible rings and expecting a baby."

Nagbawi ng tingin si Catherine at itinuon ang tingin sa kisame. "Yeah. Who would have thought? We hated each other and yet we're about to have a family. How I ironic."