تكون محظوظ لما تلاقي شَخص يستوعب تعقيدات عاطفتك وظرُوفك يتفهم لحظات صمتك وضياعك الداخلي يغفر ليك على طُول ويحميك بحب مضاعَف 🖤✨.
__________________________🌸🌸
د.وائل :هو كيف ما عرفك ،يعني اكيد عارف اسمك الكامل وبالتالي حيعرف ابوك منوو
نازلي: اول شي الي قتلو اهلي او فهد يعني ،ما عارفين انو انا عايشة قايلين انو انا كنت في السيارة وما طلعتا منها ،تاني شي انا من ما بنيت الشركة واسمي نازلي وبس يعني ما بقول اسم ابوي ولا اسم العائلة.
د.وائل :مستغرب فيهو الصراحة ،،طيب وهو بعاملك كيف
نازلي :مافي تعامل بينا اساسا ،الشغل وبس ،لكن انسان بارد بارد بارد ولو عايزة اوصف ليك مدى برودتو حأفضل اقول ليك بارد لغاية سنة قدام ،ما بيتكلم كتير ،بوصل ليك هو عايز شنو بكلمتين ،وطبعا غيااااظ اتخيل مرة رسل لي لوكيشن حق مشغل ماشينو وبعد رسلو لي قلت ليهو شكرا وهو ما عبرني حتى مشى على طول اتخييللللل بسس !!
د.وائل (وهو بيضحك):انتي طالما عارفاهو سخيف بتقولي ليهو شكرا ليه؟؟؟
نازلي :ما عارفة انا زاتي هبالة وعوارة مني بس! ، بس عارف عندو شريكو اسمو فارس دة دمو خفيف وطوالي بيضحكني ..
ابتسامتو اختفت تدريجيا وقال لي:كيف قادرة تتعاملي مع القتل اهلك ؟؟
ابتسمت وقالت ليهو :تصدق لو قلت ليك انو كل ما اشوفو بمشي ابكي ،، مرات بكون بس عايزة اقتلو واخلص منو بس انا ما عايزاهو يموت بالساهل كدة عايزاهو يتعذب اول ويعيش شوية من العشتو ،،،وهو مستحيل طبعا ،،مهما عملت وعملت مستحيل انو يضوق من العشتو بس حأعمل كل البيطلع بيدي عشان اعذبو
قعدو يتونسو كدة وهم ما حاسين بالوقت ،، لغاية ما تلفون نازلي رن وشافت الساعة
نازلي:ياااااه الوقت اتأخر ،،،،،ردت على المكالمة وكانت إيفا بتسألها لي اتأخرت ..بعد قفلت منها
نازلي(وقفت ومدت يدها ):انا حأمشي ،،مع السلامة
د.وائل (وقف برضو ):يلا اساسا انا زاتي ماشي ..
طلعو برة الكافيه و وصلها لغاية سيارتها وبعدها هو مشا على سيارتو..
اول ما دخلت البيت لقت الشغالة الي بتشتغل معاها(انجيلا) بتلعب مع إيفا
نازلي: Hi (ومشت عليهم وسلمت على انجيلا وحضنت إيفا ):What were you doing؟
إيفا :كنت برسم مع انجيلا
نازلي:طيب كملو رسم على بال ما انا ابدل ملابسي واجيكم تمام
إيفا :ok
طلعت غرفتا واخدت شاور وصلت ونزلت ليهم تاني وبقو كلهم بيلعبو مع بعض لغاية ما نعسو ونامو في الكنبة ...
