دائماً الأنثى القوية تخفي حبها داخلها، لا يمكن أن تظهره حتى للحبيب، والحب الموجود فيها عظيم لو قسمته على الكون لفاض✨✨..
____________________________
فهد عاين ليها ،،اما هي دخلت تلفونها في الشنطة و وشها مليان دموع ،،كانت مرات بتشهق ،،،جاها وقال ليها
فهد :مالك ..في حاجة حاصلة ،،طيب طيب اهدي
قعدت في الكرسي الكان وراها :إيفا إ..إيف فا في ال..م مستشفى
فهد:طيب طيب اهدي وتعالي نمشي ليهم
قامت بتثاقل وهو ساندها ،،كل الموظفين كانو قلقانين عليها لانو كانت بتبكي شديد ،،طلعو برة ومشا ركبها سيارتو قدام وهو ركب
فهد :ما قالو ليك اي مستشفى
نازلي :دقيقة ااااا مستشفى .....
فهد :طيب خلاص اهدي هسة حتمشي ليها
فضل سايق ونازلي الطريق كلو بتبكي ،،،اما فهد ف اساسا ما كان عارف إيفا دي منو ،،بس اكيد بتقرب ليها ..
اول ما وصلو المستشفى ،،،نزلت من السيارة من قبل ما يوقفها كويس ،،،،نزل وراها وهو بيمشي بسرعة عشان يلحقها ..
بقت تسأل في الرسبشن عن اسم إيفا ،،،لغاية ما وروها غرفتها ،،،طلعت بسرعة على السلالم مع انو كان في اصانصير بس ما شافتو أساسا ،،فهد كان عايز يرجعها ويركبها الاصانصير بس لقاها وصلت 😂😂لحقها بسرعة ،،لما وصلو فوق بقت تسأل الممرضات من رقم الغرفة ،،،وصفوها ليهم ،،دخلو الغرفة ولقو إيفا قاعدة في السرير وفي ممرضة بتلعب معاها وهي بتضحك واخر ونسة معاها ،،،جات نازلي وحضنتها وبتسأل ،،،مالك يا ماما في شنو
إيفا :بطني كانت بتوجعني واستفرغتا كتيير
نازلي:انا صح قلت ليك بعد تمتحني تضربي لي
إيفا:نسيت
نازلي :طيب هسة بطنك بتوجعك لسة
هزت ليها راسها بالنفي او يعني انو قالت ليها لا ..
حضنتها تاني وهي بتدمع ،،،فضلت حاضناها كدة قريب النص ساعة ،،،قامت وقالت ليها :هسة بجي طيب
إيفا:ok
قامت ولفت على جهة الباب ووشها احمر من البكي ،،طلعت لقت فهد واقف قدام الغرفة ومدخل ايدو في جيوبو ،،استغربت لانو كانت متخيلة انو مشا ..
عاين ليها :انشاءالله طلعت كويسة و اطمنتي عليها
نازلي:ممم اي الحمدالله
فهد :الحمدالله
فضلو ساكتين مدة دقيقتين تقريبا ..
فهد :احم ..ما عرفتي مالها
نازلي:المشرفة حقتها قالت انو استفرغت اكتر من مرة بس ماشة اسأل الدكتور من شنو
الممرضة قاطعت كلامهم وجات طالعة من الغرفة ،،جاتها وقالت ليهم
الممرضة :Andrò nell'altra stanza, ho un paziente laggiù(حأمشي الغرفة الهناك عندي مريض فيها )
نازلي :Va bene(تمام) ،،،ومشت الممرضة
نازلي:طيب حأمشي لما الممرضة تجي عشان ما اخليها براها
فهد :امشي انتي ما مشكلة انا بقعد معاها
فضلت واقفة وهي بتعاين ليهو ،،بقت تتخيل انو يقوم يقتلها ولا حاجة
فهد :سرحتي وين ،امشي
نازلي :احم ،،اااا طيب حأمشي
مشت كم خطوة كدة براحة وهو دخل الغرفة لي إيفا،،،مشت على غرفة الدكتور ،،،اول ما وصلت دقت الباب ودخلت
نازلي:Ciao
الدكتور:Ciao
نازلي:Sono la madre malata di Eva(انا ام المريضة إيفا)
الدكتور:La ragazza che soffre di mal di stomaco e vomito ؟؟(البت الي عندها الم في البطن )
نازلي:sì(ايوة )
الدكتور:Vai signora(تفضلي ) ،،،،جات وقعدت في الكرسي
نازلي :Cosa le è successo, al mattino soffriva di mal di stomaco e ha iniziato a vomitare a scuola(الحصل ليها شنو ،الصباح كانت بتشتكي من بطنها وفي المدرسة استفرغت اكتر من مرة)
الدكتور :Al mattino aveva dolori allo stomaco ؟؟(بطنها كانت بتوجعها الصباح؟؟)
نازلي :sì(ايوة )
الدكتور :Le hai fatto prendere una specie di medicina, vero؟(خليتيها تاخد نوع من الادوية صح؟؟)
نازلي :si corretto(ايوة صح )
الدكتور:Uno stomaco vuoto؟(وعلى بطن فاضية ،ما كانت فاطرة او ماكلة شي ؟؟)
نازلي:Francamente si(بصراحة ايوة)
الدكتور:Alcuni farmaci possono causare il vomito, specialmente se è a stomaco vuoto(طيب ،،بخصوص الاستفراغ في بعض الادوية بتسبب الغثيان وكدة وبالذات لو كان على معدة فاضية ،اما الاغماء الحصل ليها دة كان هبوط ما اكتر،لانها ما اكلت حاجة من الصباح)
نازلي:Bene, quando sarà laureato؟(طيب وبتين حتطلع من المستشفى ؟؟)
الدكتور : Ora può uscire( هسة عادي ممكن نخرجها )
نازلي :ok grazie(طيب تمام ،شكرا )
الدكتور:questo è il mio dovere(دة واجبي)
قامت من الكرسي وطلعت ،،،مشت على اتجاه الغرفة ،،دخلت براحة ،لقتتهم اخر ونسة وضحك ،،وصوت ضحكة إيفا طالع برة ،،،ابتسمت ودخلت ليهم ،،،انتبهو ليها
إيفا:ماما When will we go out مليت☹☹
فهد استغرب و اتفاجأ لانو ما كان متخيلها متزوجة اساسا
نازلي :هسة حنطلع ،تعالي الحمام اغسل ليك وشك ،،،،،قامت من السرير ونازلي شالتها ودخلو الحمام الكان في الغرفة ،،غسلت ليها وشها وطلعو ،،،فهد وقف وقام من الكرسي
فهد:انا حأمشي اجيب السيارة مسافة انتو تخلصو
نازلي :لا ما مشكلة بنمشي بسيار...
فهد:سيارتك في الشركة جيتي بسيارتي
سكتت وما قالت حاجة
فهد:طيب انا ماشي ،بعد تخلصو انزلو تحت
نازلي : طيب تمام
يتبع..
