وجودك جنة حياة

٢٣

ظننت قلبي قوياً لا يهزّه غيابك، فوجدته مثل الورق يرتجف في بعدك.💔

:::::::::::::::::::::::::::::::::::::::::::::::

بقيت واقفة وانا مصدوومة قريب الدقيقتين ،،،

انا :ا ان انت ،د دة كلو منك انت ؟!!!!!!

بقا يتمتم :ه هو شنو ا اساسا

قربت ليهو و وقفت قدامو :ما تكذب سمعتك انا سمعتك ، معقولة دة كلو يطلع منك انت يعني يعني انت الي قتلت اهلي وكمان خطفت ايفا

جا فهد داخل :فارس نازلي مالكم وانتي يا نازلي صوتك طالع برة

قعدت في الكرسي وانا منهارة :لا ما قادرة اصدق والله ما قادرة (قمت تاني و وقفت قدامو ):انت مستوعب انك كتلت تلاتة اشخاص ،انت قتلت اهلي ،انت خليتني اعيش في عذاب ،خليتني وحيدة

وهو واقف في محلو ومنزل راسو ..

انا :كنت معتبراك اخوي ،،، يعني يعني انا كنت طول الوقت بطلع وبضحك وبتونس مع القتل اهلي وانا كنت مفتكرة انو فهد هو القتلهم ،،،انت عارف انو بسببك كنت حأخرب سمعة الشركة ،،،، الله ياخدك ياااخ الله ياخدك (وبقيت ابكي واشهق وانا خاتة يدي في خمشي )

فارس طلع من المكتب ..

جاني فهد وقرب مني ،،،ابتسم وقال لي :دقيقة !!!!! يعني حكاية ال Models المشو ديل كانت منك ههه عشان كدة كنت مصرة انك انتي التجيبيهم ..(لف وكان عايز يطلع )

مسكتو من يدو :فهد دقيقة انا ...

صرخ فيني :اسكتي ،انتي شنو ها ؟؟؟انتي شنو ،يعني دة كلو بس عشان عايزة تنتقمي مني ،،وحتى بعد عرفتي اني ولد خالتك ،،،(قرب مني وقال ) مفتكراني للدرجة دي بشع ؟؟ لدرجة اني ااذي بت خالتي ؟؟؟ انتي عارفة اني حب..... (وسكت وبعدها طلع من المكتب بسرعة ) ،،،قعدت في الكرسي وبقيت ابكي ومنهارة على الاخر ........

:::::::::::::::::::::::::::::::::::::::::::::::::

بعد تلاتة ايام ..

في السودان ..

دخل على القسم هو بسأل ،،،دخل على واحد من الشرطيين وقعد قدامو ..

الشرطي :اتفضل ،كيف اقدر اساعدك؟؟

## :عايز اعترف بحاجة عن حادث كان حصل قبل كدة

الشرطي :اي حادث دة ؟؟

## :كان قبل عشرة سنين

الشرطي :عشرة سنين ؟!!!!! ،معليش والله بس انا ما كنت في القسم دة قبل عشرة سنين بس ممكن احولك لي واحد من الكانو قاعدين في الوقت داك

## :تكون ما قصرته

"" بعد حولو للشرطي التاني ..

الشرطي :اتفضل ،قالو لي انك عايز تقول حاجة عن حادث قبل عشرة سنين