اَكّتفي بِها دُون اَن اكّتَفي مِنّها❤❤..
🌸🌸🌸🌸🌸🌸🌸🌸🌸🌸
دخلت كم ورقة في شنطتها وطلعت من المكتب بعد ما قفلتو ،،،ركبت سيارتها ومشت على بيتها ،،الوقت اتأخر كان لازم توصل بسرعة ،،، فضلت سايقة لغاية ما وصلت البيت ،،،طلعت من السيارة ودخلت البيت ،،،لقت إيفا بتدرس
عاينت ليها :اممم بتقري من الصباح ولا بس لما جيت عملتي نفسك بتقري
ضحكت وجاتها عشان تحضنها :والله كنت بقرأ من الصباح بس اخدت بريك صغير زي ساعتين كدة
نازلي:ساعتين وبريك صغير!!!
إيفا:ماما من الصباح بدرس
نازلي:طيب طيب خليني اغير ملابسي واخد شاور واجي اراجع ليك
إيفا :ok
طلعت واخدت شاور وصلت الفاتها ونزلت تحت وبقت تراجع ليها ،،،بعديها اتعشو ومشت كل واحدة ونامت..
________________________
صباح كالعادة لبست ملابسها العملية المتعودة عليها وطلعت برة وفطرت مع إيفا لغاية ما وصل الباص حقها وطلعت ،،،وهي طلعت بعدها بدقايق...ركبت سيارتها وهي شايلا كم ملف في ايدها وشنطتها بإيدها التانية،،،،اتوجهت على شركة مستر فهد ،،،عشان بعديها حيمشو المشغل...
اول ما وصلت وطلعت من سيارتها ،،دخلت على الشركة لقت فارس شريك مستر فهد ،، منتظرها في الرسبشن ..
فارس:يا هلا الشركة نورت😀😀
نازلي:اهليين فارس ،منورة بناسها🤗🤗
قعدو الاتنين في الكراسي الموجودة في الرسبشن وهم بيتونسو ،،،مستر فهد نزل ولقاهم قاعدين ،،مشا عليهم وسلم على نازلي وطلعو برة الشركة..
فارس :نازلي تركبي معانا ؟؟
نازلي:لا لا انا جاية بسيارتي
فارس:خلاص كان كدة تمام
نازلي:بس رسل لي ال Location
فارس :انا ما عارفو لكن فهد بيعرف ،،رسلو ليها يا فهد
مستر فهد : اديني رقمك
نازلي:0039...
بعد ما رسلو ليها :وصلك؟؟
نازلي:اي وصلني خلاص ،شكرا 😊
عاين ليها بس ومشا على سيارتو وفارس لحقو وركبو السيارة ..اما نازلي مشت وركبت سيارتها ..
وقفو قدام مبنى بيحتوي على 5 طوابق ،،،قفلت باب سيارتها ومشت على مستر فهد وفارس ودخلو كلهم ،،اول ما دخلو العاملات والعمال كلهم وقفو وهم بيسلمو عليهم ،،بعد سلمو عليهم رجعو تاني لي شغلهم ،،ونازلي ومستر فهد وفارس اتوزعو عليهم وهم بيشوفو في شغلهم ،،،وقفت نازلي على واحد من الفساتين الصممتهم هي ،،،بعد ما اتخيط واتزبط بقى احلى ،،بقت تتكلم مع العامل الكان بيخيط في الفستان وبتسأل
نازلي:L'abito è davvero più dolce(الفستان في الحقيقة احلى)
العامل :Proprio vero(نعم انه كذلك)
جاهم فارس من ورا نازلي ..
نازلي:عاين ليهو الفستان حلو كيف في الحقيقة يا فارس
فارس:اي حلو شديد ،الفستان التاني برضو تحفة تعالي شوفيهو
وساقها وبقا يوريها في الفستان ،،شوية كدة وجاهم مستر فهد وبقو يشوفو في الفساتين...بعد شافو كل الفساتين طلعو برة وبقو واقفين
فارس:ارحكم في مطعم هنا حلو قريب خلونا نمشيهو
نازلي:لا معليش بس مفروض امشي
فارس :لا يااخ المرة الفاتت برضو مشيتي ،ارح ارح
نازلي:اعفيني والله ما بقدر
فارس (اتنهد ):خلاص يازولة لكن النرة الجاية مافي اعذار تمام
نازلي(ضحكت ):طيب تمام
مشت وركبت سيارتها وهم مراقبينها بنظراتهم ،،،حركت سيارتها وهي بتبتسم ليهم ومشت على طوول...
كانت عايزة تمشي لي دكتور وائل لانو طولت ما مشت ليهو ،،،اول ما وصلت ودخلت جو المستشفى لقت د.وائل طالع ،،،ندهت عليهو وهو اتلفت عليها ،ابتسم وجاها
نازلي:دوامك انتهى ولا شنو
د.وائل :أي انتهى ،كيفك شنو طولتي كدة ما جيتي
نازلي:والله الشغل هالكني ،كل ما أقول اجيك بنشغل
د.وائل:ما مشكلة ،خلاص طالما دوامي انتهى تعالي نمشي الكافيه القريب دة
نازلي:طيب ارح
طلعو من المستشفى ومشو على الكافييه وبقو يتونسو وطلبو عصير ،،،سألها عن مستر فهد
نازلي:مممم ماشة كويس يعني ما شاكي فيني وكدة
د.وائل :صراحة في سؤال في بالي
نازلي:شنو
د.وائل :هو كيف ما عرفك ،يعني اكيد عارف اسمك الكامل وبالتالي حيعرف ابوك منوو
