الأنثى كالزهرة
إن سقيتها من ماء إهتمامك ،
أينعت و أبهجتك بطيب عطرها،
و إن أهملتها ذبلت و تَساقطت أوراقها ❤!!
::::::::::::::::::::::::::::::::::::::::::::::::::::::::::::::::
طبعا خطتي الي حدمر بيها شركة فهد حتعرفوها مع الاحداث .....
.
.
.
.
يوم الاتنين او اليوم الي حنشوف فيهو Models الانا اخترتهم ..
مشيت اول كان لي شركة فهد وطبعا بقا يتعامل معاي غير يعني بنتكلم عن حاجات غير الشغل شوية ..... اتصلت على Models الاتفقت معاهم ،،، وخليتهم يجو ،،، فهد حباهم وخلاهم هم الي يكونو الModels للشركة حقتو ..
فهد :طيب منو الحتلبس ال special dress
قلت ليهو :امممم شايفة ديك حيكون زابط فيها وحتى لون الفستان بيجي معاها ولا انت رايك شنو ؟؟؟؟
فهد :انا برضو شايفها كويسة
قلت لي فارس :وانت يا فارس ؟؟
فارس :It's great
قلت ليهم :خلاص معناها هي الحتلبسو ،،ندهت عليها واتفقنا انو تكون الموديل الاساسية ..
بعد ما اتفقنا مع ال Models ومشو ،،، قعدنا انا و فارس وفهد مع بعض في المكتب
فارس :ال Models رهيبات جبتيهم من وين
قلت ليهو :احم احم خبرة انا😌😌
فهد (وهو بيضحك ):فعلا كلام فارس صح
فارس :اها ما حتقولي جبتيهم من اي شركة
ضحكت وقلت ليهو :لا لا دة سر بعدين بتشيلوهم وانا خشمي ببقى ملح ملح😹😹
فارس وفهد :😂😂
فارس :خلاص ما مشكلة ،ارحكم نمشي نتغدا ،في مطعهم قريب من هنا رهيييب ،، ومافي اعذار المرة دي يا نازلي المرة الفاتت قلتي حتجي
قلت يهو :طيب طيب ماشة
فارس :خلاص يلا قومو ارح
فهد :انتو امشو وانا بلحقكم
فارس قام وانا بقيت اعاين لي فهد ،لي ما عايز يمشي معانا
فارس :نازلي ....نازلي
انتبهت ليهو :اا اي نعم
فارس :ارح
قمت وشلت شنطتي :ْok ارح
طلعنا انا وفارس برة الشركة
فارس :ارح معاي في نفس السيارة بدل ما كل واحد في سيارة براهو
قلت ليهو :طيب ما مشكلة
مشينا وركبنا في سيارتو ،، بقا يتونس معاي و طبعا بيضحكني برضو لغاية ما وصلنا اساسا ما كان بعيد المطعم ،،، نزلنا من السيارة ودخلنا المطعم وهو لسة بيحكي لي في مواقف و نكت وبيضحك فيني ،،، لغاية ما فهد جا ،، ما كنت شايفاهو اساسا من كتر الضحك ،،،، وفارس لسة مصر يحكي ،،،، قعد فهد وهو بعاين فينا بإستغراب ومبتسم ،،، لغاية ما هديت شوية و
قلت لي فارس :فارس بالله عليك وقف خلاص😂💔✋ ما تكمل بطني وجعتني 😂🙉✋
قال لي :دقيقة دقيقة انكمل ليك دي😂،،،،وبقا يتكلم وانا ما فاضل لي الا اقع في الارض
بعد خلص كلام وانا وقفت ضحك فهد قال لينا :ممكن اعرف في شنو🌝💔
بقيت اضحك تاني
فهد :خلاص خلاص حأسكت ما تبدي تاني
سكت وانا كل ما اتذكر كلامو اضحك
فارس :انتي عارفة انا لما اقول الكلام دة لي فهد ما بتتهزا فيهو شعرا ولا بيبتسم حتى 💔🌚
المهم بقينا ناكل وبنتكلم برضو
