*الدُموع كائِناتٌ فُضولِية كُلما حَدثَ شيءٌ مؤلِمْ خَرجَت لِتُشااهِد *!
%%%%%%%%%%%%
قلت ليها :انشاءالله
قالت لي :لا لا ما تمشيني ساي ،اكيد حتجي
قلت ليها :والله لو لقيت لي فراغ بجي انشاءالله
قالت لي :خلاص معناها يوم السبت بعد بكرة
قلت ليها :اممم ااا ما..
قالت لي :خلاص تمام يوم سبت تجو
قلت ليها :طيب تمام انشاءالله
هيندا :طيب انا امشي بعد كدة لانو مفروض امشي اجيب سيارتي من الكراج
فهد :وجيتي بشنو طيب
هيندا :بتاكسي☹💔
فهد :خلاص انا برجعك وبعدين بجي راجع هنا
انا جيت قلت ليهم :ما مشكلة انا اساسا ماشة بوصلها في طريقي
هيندا : اي اي بمشي معاهم خلاص انت كمل شغلك
فهد :انا بوصلها انتي امشي يا نازلي
قلت ليهو وانا بقيف وماشة على هيندا :ماهو انا ماشة اساسا
فهد :طيب تمام
هيندا :حسيت نفسي شافعة على فكرة 😐💔✋🌚
فارس :ما براك انا زاتي حسيت كدة😂😂
هيندا :يلا يلا ارح يا نازلي
نازلي :طيب ارح ،،،،مشينا انا وهي وايفا وطلعنا من الشركة وركبنا السيارة ،،،بقت توصف لي مكان الكراج الي فيهو سيارتها ومرات نتونس مع بعض
هيلدا :نازلي
عاينت ليها وقلت :اي
هيلدا :ممكن سؤال
قلت ليها :تفضلي عادي
هيلدا :اممم انتي انو ..سودانية ؟؟اسمك وكدة
ضحكت وقلت ليها:ماما تركية وبابا سوداني
هيلدا :اهااا ،عارفة انا امي اسمها نازلي برضو
قلت ليها :تركية ؟؟
هيلدا :اي ،انا تركية بس جيت السودان من زمان واتزوجت واحد سوداني
قلت ليها :اهاا ،بس ماشاءالله لهجتك سودانية
ضحكت وقالت لي :اي زوجي الله يرحمو طوالي كان بعلمني سوداني ،في الاول كنت بلخبط وكدة بس هسة عرفت
قلت ليها :الله يرحمو ،بس عمري ما اتخيلت انو ام فهد تكون صغيرة كدة
ضحكت :انتي عارفة عمري كم
قلت ليها :كم ؟؟
هيلدا :51
قلت ليها :مشاءالله العمر كلو يارب بس ما باين ابدا
بقت تتكلم عن زوجها وكدة وبعدين بقت تتكلم عن فهد .. لغاية ما وصلنا الكراج ،
هيلدا :بس وقفي هنا ،امشي اشوف لو خلص منها
نازلي :تمام بنتظرك
مشت وبقيت منتظراها ،،لفيت ورا لقيت ايفا بتلعب بالايباد بتاعها سألتها :حبيبتي جعانة ؟؟
رفعت راسها وقالت لي :اممم اي بس عاوزة هوت دوق
قلت ليها :طيب تمام لغاية ما خالتو تجي خلاص
ايفا :ok
انتظرنا تاني زي 5 دقايق وجات وركبت :اها قال ليك شنو
عاينت لي وقالت :لسة ما خلص منها☹
قلت ليها :يلا ما مشكلة ،،هسة سألت ايفا وقالت نفسها في هوت دوق نمشي لينا مطعم ناكل
هيلدا :اي والله جعانة انا برضو ،،، مشنا مطعم وطلبنا وبقينا ناكل ،،، ومشينا بعدها اكلنا ايس كريم ،،بعدين رجعتها بيتها ،،، بيتهم من برة كان حلو شدييد ،،ن عزمتني ادخل معاها بس الوقت كان متاخر ومفروض امشي ،،اصرت شدييد ،بس انا اصريت اكتر لغاية ما خلتنا نمشي ،،بعد ما اتبادلنا الارقام طبعا ،،،رجعنا البيت وايفا كان نامت في السيارة ،،،شلتها ودخلنا البيت ودخلتها غرفتها ،،مشيت بعدها غرفتي واخدت شاور طويييل ،،، واتوضيت وطلعت من الحمام صليت وبقيت اقرا قرآن ،،بعد خلصت رقدت في السرير وانا بفكر ..
لي كل القريبين من فهد ما زيو ،،الليلة لما شفت امو استغربت واستغربت شديد كمان ،،يعني المرة الكيوت والطيبة دي يكون عندها ولد زي فهد ،، والله لو ما الشبه البينهم كنت قلت انو ما امو ،،، بيشبها شدييد نفس العيون الزرقة العند امو ونفس تفاصيل الوش ،، بس لون امو افتح شوية ،،، مرات بقول انو دة ماهو القتل اهلي وانو انا غلطانة بسبب تعاملو و .. ويعني طريقة كلامو والمعاملة معاي ،،بس بعدين بطلع كل الافكار الجواي دي وبقول دة هو اكيد ،،بستغرب برضو من انو واحد قاتل ليهو تلاتة اشخاص وعايش حياتو عادي ،،دة كمان لو ما قتل غير اهلي ،،،وبستغرب اكتر وكرهي ليهو بزيد اكتر مجرد ما اتذكر انو هو قتل عشان شي تافه ..عشان شوية تصميمات ،،هه سبحان الله ...
بس ارتحت مع ام فهد ،، حسستني اني مع امي ،،ذكرتني فيها ،، اممممم ما عارفة يمكن عشان تركية زيها او ما بعرف بس برضو حسيت انها بتشبها ،،من حيث العيون والخشم وكدة ..
نمت بدون ما احس وكل الافكار دي في راسي ..
.
.
.
.
.
يوم السبت ..
كان يوم اجازة طبعا ،، من الصباح اتصلت علي خالتو هيلدا عشان تذكرني انو نجيها ،،، صراحة ما كان لي نفس اطلع ابدا ،،ولو ما هي اصرت ما كان مشيت ،،،بعد فطرنا انا وايفا ،،دخلت غرفتها عشان اطلع ليها حاجة تلبسها ،،،طلعت ليها فستان بسيط لونو زهري فاتح ومعاهو طوق ورد ،،،بعد لبستها مشيت غرفتي وانا ما عارفة البس شنو ،،،لانو ولا مرة من ما جيت ايطاليا مشيت لي ناس في بيتهم ،،،في الاخر طلعتا بلوزة لونها وردي مع تنورة لونها ابيض وفيها ورود
كان يوم اجازة طبعا ،، من الصباح اتصلت علي خالتو هيلدا عشان تذكرني انو نجيها ،،، صراحة ما كان لي نفس اطلع ابدا ،،ولو ما هي اصرت ما كان مشيت ،،،بعد فطرنا انا وايفا ،،دخلت غرفتها عشان اطلع ليها حاجة تلبسها ،،،طلعت ليها فستان بسيط لونو زهري فاتح ومعاه...
يتبع ..
