الحب الحقيقي...
هو ان تبيع دموعك كي تشتري لهم الفرح..
وتتراقص بينهم ألماً كي تمنحهم السعادة ...
وتبكي بعيداً عنهم كي لا تفسد فرحهم....
ثم لا تنتظر المقابل..
🌸🌸🌸🌸🌸🌸🌸🌸🌸🌸🌸
د.وائل:كيف يعنيي؟؟؟
نازلي:لما وصلوني المول كنت نسيت تلفوني ،،ومشيت رجعت قلت يمكن لسا ما مشو ،لقيتهم بيحركو السيارة وخلاص عايزين يمشو بقيت الحقهم لغاية ما جات سيارة سايقة بسرعة شديدة ،ولؤي اخوي عشان يدفاداها لف على الجهة التانية واتقلبت السيارة ،،اما السيارة الكانت سايقة بسرعة هربت ماحصل ليها حاجة ..
د.وائل:طيب ودة منو؟؟
رفعت كتفينها :ما بنعرف
د.وائل:كيف ما بتعرفو يعني الشرطة ما مسكتو؟؟
نازلي:بقت تفتش فيهو أسبوع لما ما لقوهو و زهجو قفلو ملف القضية على أساس انو حادث عادي
د.وائل:منو الليهو مصلحة يعمل كدة
نازلي:ما عارفة بس ...بس الليلة الصحبي وبيشتغل معاي برضو في الشركة عرف منو
د.وائل :منو؟؟
نازلي:عرفنا انو الي قتلهم كان سايق سيارة GXR موديل السنة الحصل فيها الحادث ،،وفي الوقت داك ما كان في غير سارتين من النوع دة في السودان ،،في سيارة كانت في طريقها للسودان والتانية كانت ..كانت لي واحد اسمو فهد كنان
د.وائل:فهد كنان؟؟؟قصدك فهد كنان الضوّ؟؟؟
هزت راسها بالايجاب
د.وائل:بس هو مصلحتو شنو يعمل كدة،،دة بيملك شركة كبيييرة ومعروفة، ناسي اسم الشركة شنو ،،ماعارف يعني،،انتو متأكدين؟ !!
نازلي:طيب تتذكر لما قلت ليك انو في شركة سرقت التصاميم حقت شركة بابا،،دة هو نفسو
د.وائل:يعني قصدك تقولي لي انو هو قتل عشان يقدر يسرق التصاميم
نازلي:في دليل اكتر من كدة
د.وائل :طيب وحتعملي شنو ؟؟؟!
نزلت راسها ونزلت منها دمعة :ما عارفة بس المتأكدة منو انو انا حأعمل أي حاجة عشان انتقم منو
د.وائل:بس انتي بتعرضي نفسك للخطر كدة ،،انتي بت براك حتقدري وغير كدة اتذكري انو انتي عندك طفلة !!
اتنهدت وقالت ليهو :حأقدر انشاءالله
د.وائل:طالما انتي عايزة كدة ما حأوقف في طريقك واعرفي انو لو احتجتي لي حاجة انا جمبك
نازلي:وانا ما عايزة غير كدة 😊،،،طيب انا حأمشي بعد كدة ،مع السلامة
د.وائل:مع السلامة
طلعت من غرفة د.وائل ومشت على جهة الحمامات ،،دخلت وبقت تبكي واتذكرت الحادث :اعرفو انو انا حأنتقم ليكم وما حأخلي حقكم وحأرجع شركتك يا بابا...
غسلت وشها وطلعت برة المستشفى وركبت سيارتها واتجهت على بيتها ..اول ما وصلت دخلت البيت بتثاقل ،،،جاتها إيفا وهي بتجري وحضنتها
باستها ونزلتها في الأرض:اشتقت ليك ،،كيف كان يومك وعملتي شنو ؟؟!
إيفا :بعد رجعت من المدرسة نمت على طول وقبل شوية صحيت و بقيت العب في الايباد
نازلي:قضيتي اليوم كلو نوم (قرصتها بخفة في خدها)حظكك،،طيب اتعشيتي؟؟
إيفا:يب
نازلي:طيب انا ماشة غرفتي ارتاح
إيفا:Mom, don't sleep ،انتي قلتي في الويكند حتحضري معاي فيلم Rapunzel😢😢
نازلي :والله تعبانة ،خليها المرة الجاية طيب
إيفا:OK
ابتسمت ليها وباستها:ما تزعلي طيب ،المرة الجاية حأحضر معاك تماام
إيفا:تمام
قامت من الكنبة ومشت على غرفتها ،،رمت شنطتها ومفتاح سيارتها في السرير ومشت فتحت دولابها ومرقت منو بجاامة ودخلت الحمام ،،اخدت شاور وبعد خلصت طلعت برة وصلت وبعدها شالت اللاب توب بتاعها وقعدت في السرير ،،عملت Search لي شركة fashion kings..
تأسست عام 2009 ،مكان تأسيسها إيطاليا وتحديدا ميلانو المدينة التي تهيمن عليها الأزياء،كانت بدايتها موفقة حيث انها بدأت بتصاميم الأزياء الإيطالية لتصبح واحدة من اهم شركات صناعة الأزياء الموضة، وأصبحت بعض الشركات المشهورة المنافس الأقوى لتحظى بشعبية كبيرة،كما و انها حظيت بشهرة اكبر بعدما بدأت بالتنافس مع كبرى بيوت الأزياء الإيطالي ولتكون الرائدة في عالم الموضة.....إلخ
دة الكان مكتوب عن شركة فهد كنان الضوّ👆🏼👆🏼
.
.
.
.
.
