الحُبّ الحَقِيقِي..
هوَ ان تقدمَ لهم دعوةً الى الحياةَ حين يفقدون شهية الحياة..
وتقدم لهم دعوة للحلم حين يفقدون المعنى الجميل للحلم..
وتقدم لهم اللجوء الى قلبك حين تغلق القلوب في وجوههم...
ثم لا تنتظر مقابل..
🌸🌸🌸🌸🌸🌸🌸🌸🌸🌸🌸🌸
مرت اربعة سنين ،،و إيفا بقا عمرها 4 وانا اتخرجت من الجامعة ،،بعد خلصت من الجامعة بقيت افتش في شغل ،،الحمدالله انا اساسا من صغيرة بعرف اتكلم تركي ماما العلمتني وبعرف برضو اتكلم انجليزي كويس ،،،وفي الاجازات البين السمسترات في الجامعة كنت باخد كورسات لي لغات ،،لما اتخرجت كنت بقيت اعرف الايطالي،والفرنسي،والصيني،دة غير التركي ،فتشت كتيير لي شغل في الاخير لقيت في شركة عايزة سكرتارية ،،مشيت وقدمت الcvحقي والحمدالله قبلوني ،،صح كنت عايزة اكبر من كدة بس برضو احسن من عدم،،،كنت مجتهدة شدييييد في شغلي وبديت شوية شوية اترقى يعني كل مرة بنتقل لي مرتبة اعلى لغاية ما بقا عندي منصب في الشركة ،،،وراتبي كان بكفينا انا وإيفا وزيادة ،،كنت عاوزة امشي واسكن لي في شقة برانا بس عمو حسن وخالتو ما رضو و زعلو مني انو كيف امشي اقعد في شقة برانا وهم قاعدين ،،في الاخير قعدنا معاهم،،،فتحت حساب في البنك وبقا عندي دخل ودة الكنت عايزاهو ،،،،في يوم مشيت لي عمو حسن وقلت ليهو انو عايزة ارجع شركة بابا وابنيها تاني من اول وجديد ،،وهو ما عارض ابداً بالعكس وقف جمبي وساندني ،،وعشان ابدأ المشروع دة كنت محتاجة رأس مال ،،،انا القروش الي في حسابي صح كانت كتييرة بس برضو ما بتفتح مشروع ،،،جا عمو حسن وخت كل القروش العندو ،،،كدة كان ممكن اني ابدأ المشروع ،،كنا خايفين انو المشروع ما ينجح والقروش تروح هدر ،،،بس الحمدالله كان ماشي كويس ،،،ما كنا عايزين الشركة تكون في السودان ،،جينا ايطاليا لانها بتهتم لي مجال الازياء ،،واجهتنا صعوبات لكن قدرنا نتخطاها مع بعض ،،،كان عشقي اني ارسم فساتين ،،حتى مرات بابا قبل ما يتوفا بقول لي ارسمي وانا بعدل ،،،فعلا انا كنت بمشي وبرسم ليهو كم فستان وهو يعدل عليهم يعني كان بشيل الفكرة ،،،في الاول كنا بنعقد مع شركات عادية بس اطورنا وبقت تجينا شركات اكبر واكبر لغاية ما بقا عندنا اسم في السوق ،،وبقينا نعقد مع شركات عالمية!!عملنا فرع في السودان لانو عمو حسن ما كان عايزة يسافر برة السودان ،،وعملنا كم فرع برضو في اوروبا(عاينت لي د.وائل وابتسمت) و ...وبس دي هي حكايتي
ضحك وقال ليها :تصدقي اول ما جيتي وقلت لي انو اهلك اتوفو وانت عندك شركات وكدة ،اول حاجة جات في بالي انو انتي البت الي اهلها ماتو و ورثتي وبس ما كنت متخيل انو عشتي دة كلو
نزلت راسها ورفعتو تاني وعاينت ليهو :عارف يمكن لو كان ورثتا وخلاص كان حيكون اريَح واحسن بالنسبة لي بس ..بس يعني شعور انو بديت من الصفر وبنيت الشركة طوبة طوبة بعرق جبيني شعور حلوواحساس اني اعتمد على نفسي ،ما عارفة اذا فاهمني ولا لأ
