14#_فبراير ❤
#الحلقه 3
انا ضحكت عليها و خذيت السمعات ونحاول نركبهن بس يدي ترعش بصعوبه ركبتهم فالتلفون و كملت الرنه اووف شويا و رن اخرى ابتسمت ووفتحت و نحس في روحي بنطير
جهاد : سلام عليكم
انا : ياويلي ع الصوت و الرجووليه بصوت واطي و يرجف و علييكم السلام
جهاد : احم كيف الحال
انا : بنفس الصوت حمدلله و انت
جهاد : الحمدلله
ووسكتنا نحن الثنين قطع الصمت جهاد و قطع معاه دقاات قلبي لما نادى اسمي
جهاد : بصوت هادي جوري
انا : ع شوي و يغمى عليا الشعور هذا و لا عمري حسيته مع اللصقه زيد و ماحوتك طلع الكلام مني نن نعم
جهاد : ابتسم بتقعدي ساكته هكي
انا : لل لا اا قصدي يي يعني شش شن
جهاد : عارف مكالمتي جت متاخره بس لهيت فالشقه و تشطيباتها و الحاجات مافضيتش والله
انا : في عقلي يعني حتى نص ساعه تكلمني فيها مافضيت نستاذن منك بنحني
جهاد : ماحبش اللقطه مني بس مشاها اها اسف عطلتك
انا : عادي و لا يهمك هياا سلام
جهاد : سلام و سكر
انا : حطيت النقال و نحاول ناخذ نفس بحتت جنبي لقيت غدير و لقيت عيونها بيطلعن فيا عيطت سلاما قولا من رب الرحيم من وين تطلعي انتي
غدير : بعصبيه كاان مانك عروس را لطعت جسمك ضرب يااا حقيره في وحده تحكي هكي مع الراجل يلي يبي يقعد بكرا رااجلها
انا : حسيت روحي نبي نبكي مش قاادره ياا غدير مافيش حد فاهمني انا مانيش فاهمه شي و مانعرفش نصرف و جهاد مجرد مانحكي معاه نحس في رعشه في جسمي و خوف و نفسي بينقطع و جسمي كلا يرعش كيف بنقعد معااه في حوش واحد
غدير : هذا خنااق عرايس انتي راكبك حتى لكي ثلاث ايام ما كليتي هوا باين عليه كويس و ماحتى دارلك حاجه ياذيك بيها بطلي تسويس و كان بتفهمي حاجه نجرو اختك النعجه هذكي و نخلوها تفهمك متزوجه بلكي في منها فايده
انا : ضحكت اخر حد انتوقعه تحكي ابرار
غدير : صاح صقر واطي ع راسها وطيه شينه حتى اليوم رقت ماخلهاش تبات
انا : رديت بنبكي شفتي كيف الحياه الزوجيه
غدير : 😒 مش كل الناس متخلفه كيف ضنانا المهم توا من يفهمك 🤔🤔
انا : مانبيش حد يحكيلي حاجات كيف هذينا ان شاء الله مافهمت كلمي البلا تلصقلي
غدير : باهي و انتي قريب تاكلينا 😑
صبت غدير و انا تنهدت و نفكر في بكرا مجرد التفكير جسمي تسيرله قشعرريه
________________________
ابرار : تبكي فالشقه و حاضنه المخده
صقر : خش عزق مفاتيحه و بحت فيها لمي دبشك و انزلي عند هلك
ابرار : بحتت فيه بصدمه
صقر : قمعز جنبها ومسك يدها و باسها مش تبي تنزلي تباتي تحت و تسيبيني هنا نرايف عليك خلاص انزلي
ابرار : تمسح في دموعها خلاص معش نبي
صقر : خضها في حضنه توا ليش لبكاء خلاص مش قتلك انزلي
ابرار : هزبتني امبدري و ترعش فيا و انا حامل و تقولي كنك تبكي
صقر : بحت فيها و ضحك و ين ع السان
ابرار : نزلت عيونها و سكتت
صقر : باس خدها اسف عشان نتيت فيك بس منبهك انا ع انك تردي عليا قلت لا خلاص سكري ع الموضوع و لا تعاليلي لما نهدا تمام
ابرار : حضناته يعني نعدي نبات
صقر : ابتسم قتلك عدي خلاص
ابرار : باست خده و صبت بسرعه نعدي نوتي حاجاتي
صقر : ضحك بشويه بس
ابرار : ضحكت و خشت خذت فستانها و حاجاتها و غيرت لبست توته طويله و لفت وشاحها و طلعت هيا نازله انا
