#14فبراير ❤
#الحلقه 12
روح جهاد اليل و ماجبش معاه العويل قعد ف صاله و انا ف دار و نحس في يدي خفت نطلع يهزبني سكتت و تحملتها بعد فتره خلاص معش قدرت صبيت طلعت و صبيت عند باب الدار وونحكي و خانقتني العبره
انا : بصوت مخنوق جهاد
جهاد : اقلبي وجك من عليااا
انا : دموعي نزلن يدي شكلها انكسرت
جهاد : بحت فياا و سكت وبعدين بحت في يدي
انا : سيبته و خشيت للدار و طلعت شنطه و قعدت انلم في دبشي و نبكي قهرني بروده و استكراده لياا و بعدين انا مش لوحه هزايب الي يجي يهزبها
جهاد : صبى ورايا وتي روحك انشيلك
انا : نلم في دبشي و دموعي ينزلن حطني عند هلي
جهاد : جوري اكسري الشرر و ماتختبريش صبري
انا : طلعت العبايه اهو بنكسر الشر و بنمشي لهلي
جهاد : قرب مني ومسكني من ذراعي و برمني لعنده و يحكي و يضغط ع الحروف مشي لهلك ماافيش بتمشي للمستشفى و نرد بيك هيااا ماتبيش اقعدي هناا
انا : غمضت عيوني بقوه و فكيت يدي منه مشيت للسرير و خشيت نبكي وكتوفي يهزن من البكاء والله ماقعدتلك
جهاد : قعد يبحت فيا و دف الشنطه بكراعه و طلع
قعدت مده و سمعت الباب يدق و شكلا عبير رقت العويل ونسمع في جهاد معاهم مابيتش نطلع
نصوري : يهزز في جهاد باباااا
جهاد : ماسك فرح و متعقد هاا ينصوري هاا
نصوري : ماما
جهاد : ف دار وشيرله ع داار
نصوري خش يجري للدار و قعد مصبي يدور فياا لاني مغطيه وجي كنت سمعته ينادي رفعت روحي
انا : مسحت دموعي تعال حبيبي تعال جاني يجري رفعته في كتري بيد وحده و الاخرى سافطتها توجع فياا
نصوري : بيبااا
انا : عرفته يبي رضعه حبيبي ننا معايا وتو بعدين نديرو رضاعه كنت مانبيش نطلع هز راسه بلا و يقول بيباا بيباا تنهدت و صبيت و مثني يدي لان توجع فيا مسحت دموعي وطلعت بدون مانبحت في جهاد خشيت للكوجينه و قعدت انديرله في رضاعه بيد وحده و عطيتها لاه و قتلا يعدي جنب جهاد و انا رديت خشيت للدار
للكاتبه ' #wiush_hamo
____________________________
جهاد شافلي و شاف ليدي مشى حط فرح في سريرها ونصوري في سريره لان فيه حمايه مايقدروش ينزلو و نزل تحت يولع ف سياره شاف ل يوسف
يوسف : وين طالع
جهاد : للمستشفى جوري مريضه شويا
يوسف : بحت فيه بشك جهاد
جهاد : مسح ع وجه دفيتها بدون قصد جت ع يدها تحس فيها
يوسف : لقنك *** ليش ززف هكي
جهاد : يوسف فوتني مش جوك
يوسف : مش فايتك زفف البنت شن دخلها لو قالنلها و لا ماقلنش عليش كبرت ام الشطحه
جهاد : مشى يده ع شعره بعصبيه و سكت
يوسف : كان توصل لهلهااا شن يحلها بعدين دبرر رااسك و كان يعلمم بااتك اخرى
جهاد : ماكسرتهش لها زفف كنك طااحت عليها
يوسف : و انت مادفيتهش عااد تستقوي ع بنت
جهاد : يوسف خلااص انهي كنك علقت ع الموضوع
يوسف : ماعلقتش انحرق نحكي بس
جهاد : هلك نايضين
يوسف : مانعرفش توا كيف خشيت شن تبي فيهم
جهاد : قبل بنحط العويل تحت وبحت في يوسف ارقى اقعد معاهم
يوسف : ديرو عملتكم و حطوها في راس يوسف
جهاد : تي ساعه هياا يا***
يوسف : ضحك باهي ارقى اقلب وجك وفكني من المكر متااعك نعرفك
