#14فبراير ❤
#الحلقه 17 ماقبل الاخيره
جهاد : على صوته و ضرب التلفون ف الساس مننن قللت
انا : غمضت عيوني ججهاد هذذاا ععيل ممعاايا فف القسم
جهاد : غمض عيونه بقوه و قعد مسكر ع يده بقوه نين انبيضت و يبحت فياا و يتنفس بقوه
انا : من لبكتي و خوفي معش عرفت كيف نوصله الكلام ههواا ططلب ررقمي و ماكملتش كلمتي الا حسيت بكف جاني منه حطيت يدي ع خدي و قعدت انبحت فيه و عيوني ع طول تعبو دموع
جهاد : يحكي بعصبيه و صوت عااللي و تقووولي فيهااا ليااا طللب رقممك و عطييتيه لاااه شاايفتيني دلدوووول و لاا ديوووث كان سكتت ع الاولات بنسكت ع هذي لالاه انتي غلطاانه وااجد و عللا صوته اخرى نين رقبته قعدت عروق شنننن منننقص عليييك انااااا و عيط احكييي شن مننقصصص علييك
انا : مشيت نجري حضنت العويل لان يتعايطو و قعدت نبكي بصوت عالي
جهاد : انااا غللطت من البدااايه لمااا سكتت ع الاولات انااا الغلطااان و ضرب الفازه بيده انكسرت خذا مفاتيحه و طلع و طبق الباب بقوه و سمعته سكره بالمفتااح
قعدت مده نبكي ومعش عرفت انسكت العويل و لا روحي
انا : رفعت فرح و مسكت نصوري و حطيتهم ف دار و مشيت جبتلهم اميه و شربتهم هدو شويه و انا دموعي مزالن ع خدي قمعزت معاهم في دارهم و سندت روحي ع ساس و نبكي حسيت بيد نصوري ع خدي
نصوري : بابا دارلك احا
انا : مسكت يده و بستها و هزيت راسي ب لالا مسك خدي و باسه ابتسمت بشويه و دموعي زادن ينزلن حضنته و قعدت نبكي و هوا مش فاهم شي
___________________________
غدير : حبيبي
فارس : جا و قمعز جنبها شنو
غدير : امم تعال حلي هذي ماعارفتش
فارس : ماعنديش نيه رني ع جوري ومسك الريموت بيولع التلفزون
غدير : كرت الريموت اصلا لو جوري مش مقفل ماكنتش احتجتلك ياابارد خزي تردني هكي و في وجي ماعنديش نيه
فارس : ضحك و لف يديه عليها تي من يحب لقاريه بس
غدير : دف فيه حول يافااارس خطااني بنقراا انا نحبها
فارس : يضحك امتى حبيتيها زمان تعيطي لعمي بتبطلي
غدير : وتوا غيرت رايي حول ياسامط بطني ضايقتني
فارس : غير اسمعي بسس بطلي و نشيرلك احلااا تلفون اخر اصدار يلي تبيه
غدير : احلفف
فارس : واللهي الله
غدير : عزقت القلم خلاص وافقت
فارس : ضربها ع راسها عساس كنتي تحبيها تواا نطلع فيك يافاشله
غدير : طالعه لولد عمي و بعدين في راجل يحث مراته ع التبطيل
فارس : ضحك كان عليا نسكر عليك ف الحوش مع انك نمله هكي مش باينه حتى كان طلعتي لاكن للاحتياط
غدير : تفو باارد حول من زومي بنقرااا
فارس : مسك فمها بقوه فكيني من كلام الشوارع شنو زومي هذي
غدير : مادخلكش لساني و بعدين يقول فيها خوك خالد سمحه
فارس : حط يده ع بطنها ينعلياا ياوليدي نفكر فيك من توا
غدير : حي طلع فيك مخ تفكر
فارس : و من بيحلك المسائل توا 😒
غدير : ضحكت تي انت المخ كلاا هيا حبيبي و الله حصلت فيهن
فارس : عطيني بوسه قبللل
غدير : مدت خدها هياا
فارس : مسكه و باسها عرم بوسات
غدير : احم خمس بوسات خمس أسئله
فارس : استغلاليه 🙄🙄
غدير : ضحكت و باست خده اتحبها
فارس : ضحك و نموت فيها تعالي هنا يافرخها مسكها و مسك المذكره يحل فيها لها
