14_فبراير#
#الحلقه 5
انا : نقرا ف الرساله و جسمي يرعش
" زوجتي و درتيها و الله نوريك و نفضحك مش انا يلي تلعبي عليه "
جهاد : قرب مني و انا سكرت النقال بسرعه عقد حواجبه شن فيه
انا : انتنفس بقوه و قلبي يدق بخوف اا ءء ررسااله من غدير
جهاد : رفع حاجبه بشك من ربكتي و كنك قعدتي هكي
انا : ابتسمت ابتسامه صفرا تتسمط بس
جهاد : اها رد بالك ياجوري تقعدي تحكي في حاجه بينا
انا : تنهدت ان فهم هكي و في عقلي شن صار اصلا بينا ابتسمتله لالاه عارفه و مستحيل نحكي
جهاد : ابتسم باهي شويا بناخذ دبشي
انا : فطنت ان لاف منشف بس عليه غمضت عيوني و نبي نطلع بسرعه خبطت فالباب حطيت يدي ع جبهتي اااه
جهاد : ضحك بشويه
انا : طلعت و سيبته يضحك مشيت للكوجينه و نحس بحراره في وجي فتحت التلفون و حذفت الرساله بسرعه و حطيت الرقم فالحظر و سكرت النقال و تنهدت ب ارتياح شربت اميه و طلعت لقيت جهاد طالع من الدار
جهاد : ابتسملي انتفرجو ع فيلم
انا : ابتسمت ياريت
جهاد : ديري حاجات خفيفه ع ما اخترت الفيلم و ولعته
انا : هزيت راسي تمام و مشيت للكوجينه درت اسبول ع السريع و حطيت مكسرات و شكلاطات و شبس و عصير و رفعت السفره و حطيتها قدامه و رديت جبت تلفوني
جهاد : يحط فالدسكه اخترت اكشن تحبي
انا : امم عادي اهم شي مش رعب
جهاد : لالاه مش رعب
انا : عادي خذيت تلفوني و قعدت انصور فالصفره و صورتها لقطه بحيث يطلع التلفزون و جهاد نص ظهره يعلق فالفيلم جت حلوه بكل عجبتني حطيتها حاله ع الوتس و درت تحتها قلب شويا و خشت الحقيره غدير
غدير : تفووو يااكلبه احترمي جد اصل جفافي وانتي قطعتينا بجمال راجلك
انا : ضحكت و كتبتلها حيوانه معش تحكي عليه و حسيت ب جهاد جنبي
جهاد : وجه تغير في من تحكي
انا : غدير حطيت حاله ع الوتس خشت عليا
جهاد : وشن حطيتي
انا : وريتها لاه اممم هذ
جهاد : ضحك صار مصورتيني و انا مش فاطن
انا : ابتسمت عجبتني لقطه تبي نحولها
جهاد : ابتسم لالاه عادي بس را تصوري يدك و تحطيها او حاجه مانحبش الجو هذا انا
انا : هزيت راسي عارفه و بحتت فالفيلم امم بدا
جهاد : و اخيرا
طفيت التلفون و قعدت انتفرج مع جهاد و فيلم اكشن و دم انا مانحبش بس سكتت عشان هوا اختاره و في نص الفيلم رقدت
جهاد بحت جنبه لقاني راقده ضحك عليا لاني مقربه منه واجد طبس عليا يبي يرفعني انا نطيت
انا : بخوف قططع راسه
جهاد : عقد حواجبه و عرف ان الفيلم اثر عليا حط يده ع خدي و بصوت هادي اشش كابوس هذا بس
انا : مسكت يده خش ارقد معايا
جهاد : تمام انلم هذينا بس
انا : هزيت راسي ب لالا خليه تو نلمه بكرا
جهاد : ابتسم عليا كيف ماسكه يده باهي هيا تعالي
خشينا مع بعضنا للدار و انا ماسكه يد جهاد رفع جهاد الورغان و انا خشيت و هوا خش من الجهه لخرى و انا قربت منه و قعدنا راقدين ع نفس المخده و وجونا قراب من بعضهن و نفسه يضرب في وجي و انا كذلك
