#14فبراير ❤
#الحلقه 7
سكرت منها ومشيت للدولاب و طلعت روب يلي قالتلي عليه و كان فوق من الركبه بشويا و ضابط و عليه رسمه فالنص قعدت انفكر نلبسه او لا و بعدين جت في بالي ان مرات جهاد يبحت في غيري لبسته و لبست تحته شخشير اسود طويل و سقمت شعري و بخيت عطري و سمعت صوت العويل و مفاتيح جهاد
خذيت نفس و قلبي يدق بقوه و طلعت عليهم
جهاد : بحت فيا و قال ب ابتسامه اهلا
انا : ابتسمت اهلين بيك و قربت خذيت فرح من يده شنو جو
جهاد : حمدلله شنو الغداء واتي
انا : هزيت راسي خش بدل و تو نحطلك
خش جهاد و انا حطيت فرح لوطه تلعب مع نصوري و خشيت للمطبخ و انا مكسوره حسيت زواجي مع جهاد ك اي زواج عادي ممل حتى توا لما خش قالي في غداء ممكن سؤاله عادي بس كان حلو لو ضاف عليه حبيبي و لا عيوني ليش زواجنا بارد هكي مافيهش مشاعر و لا انا استعجلت تنهدت و استغرت عشان نطرد الافكار السيئه من راسي لان الراجل اخته مالهش سبوع ميته
حطيت ع طاوله الغداء و حطيت كراسي الاطفال متاعات فرح و نصوري ابتسمت نحس بوجودهم بفرحه تهبل جيت بنطلع من الكوجينه خش جهاد و معاه فرح و نصوري وراه
انا : ابتسمت هيا واتي
جهاد : يقمعز في فرح في كرسيها يسلم يديك درتي هذا كلا
انا : ابتسمت و نحط في نصوري امم اها ماعرفتش شن تحب انت اصلا
جهاد : قمعز عادي مافيش شي معين اهم شي يكون سمح
انا : ابتسمت ذوق و احكم
جهاد : هسا بسم الله
قعد جهاد ياكل و انا مره نوكل في فرح و مره نصوري و نشوف في ردت فعله
جهاد : ابتسم مشاء الله يسلم يديك كلا حلو
انا : فرحت بكلامه بكل و ابتسمت الله يسلمك
جهاد : غسل يديه و جا لعندي طبس عليا و باس خدي بعد تكملي منهم تعالي ف دار تمام
انا : قلبي قعد يدق بقوه و دقاته و لا اسرع هزيت راسي و من كثر الرعشه في يديا الكشيك قعد يكب حمدت ربي ان عدا و ماشفنيش و بدا عاد عقلي الجميل يفكرلي في حاجات الجميله
وكلتهم و كليت انا طشه و بعدين غسلتلهم و خشيت بيهم للدار متاعهم حطيتهم في سرايرهم و ولعت عليهم الوناسه و رديت الدار نبيهم يتعدو ع رقدت القايله هكي و مشيت لميت الكوجينه و حطيت المواعين فالغساله و خشيت للحمام برمت ع روحي ع سريع و مشيت للدار حليت الباب و بحتت في جهاد كان راقد ع ظهره و مغمض عيونه تنهدت ب زعل يعني رقد جيت ينطلع ردني صوته
جهاد : خشي واعي واعي
انا : ابتسمت و خشيت و سكرت الباب ورايا و جيت قمعزت جنبه ع السرير امم شنو
جهاد : ابتسم و شير ع صدره تعالي هنا
انا : قلبي دق بقوه و مشيت بشويه رقدت ع صدره و هوا قعد يلعب بشعري
جهاد : عارفه الايام يلي فاتن رايفت عليك
انا : بحتت فيه
جهاد : اممم رايفت ع رقدتنا اول ليله و هكي كنت نحس بحاجه ناقصتني بس لما امس شفتك انتي معايا و زايدين معانا ثنين حسيت ب احساس حلو و عرفت جد انك قطعه مني
انا : دموعي نزلن مش عارفه ليش بس ممكن فرحت بكلام جهاد لان كنت نحس ان زواجنا فشل
جهاد : بحت فيا ليش لبكاء
انا : مسحت دموعي مش عارفه هكي من كلامك لان كنت نحس في روحي شكلا و خربت عليك حياتك و ان زواجنا فشل
جهاد : مسح دموع يلي ع عيوني انا قتلك ماتقوليش الكلام هذا بس انتي عطيني وقت مش ساهل يلي صار و انا مقدر يلي ديري فيه عشااني و وعد حنعوضلك الايام هذينا تمام
انا : ابتسمت و هزيت راسي ب به
_____________________________
