#14فبراير ،❤
#الحلقه 6
" القراءه سهله ، ولكن كتابتها صعبه للغاية 🦋" ...
_______________________
جهاد : مسح ع وجه اكيد سمعتي بقصتها من تحت
انا : هزيت راسي ب اها
جهاد : من شهر مكلمتني و حكتلي ع مرضها و انا اهتميت بيها بدون علم باتي لان باتي حالف محد يتواصل معاها بس فالنهايه هيا اختي و مانقدرش انشوفها هكي حطيتها فالمستشفى و اهتميت بالعويل و كنت مقرر لما تعافى نجيبها هنا
انا : قعدت انبحت فيه و نشوف فيه كيف يحكي و مخنوق دموعي قعدن ينزلن
جهاد : مسح عيونه و اليوم يلي اتصلو فيا و قالولي حالتها تاعبه عديتلها و هيا وصتني ع عويل و خلتني نقسم ع المصحف ان العويل مايتربوش عند غيري للان خايفه مايتقبلوهمش ععشان عويلها و انا مانقدرش انسيبهم ، عارف شن يلي تفكري فيه توا و عارف ان يلي صار مش ساهل بس انتي لكي الخيار اذا تكملي معايا و تحملي مسؤوليتهم و رفع راسه و بحت في عيوني و و كان ثقل لسانها و بالسيف طلع الكلمه و لا لا
انا : صاح كنت خايفه من المسؤوليه و خايفه اني مانقدرش بس عيونه خلني نحكي بدون مانحسب لشي و تصرفت ب اصلي و تربيتي لان بابا رباني اني مانتخلش ع الناس وقت حاجتهم ليا
مسكت يده بين يديا و هوا رفع راسه فيا
انا : حنكون معاك ع المره قبل الحلوه و حنربوهم مع بعضنا و حيكونو عويلنا و اعز
جهاد : حضني بقوه ماانعرفش شن نقولك لاكن نعودك نعوضك ع الاياام هذينا
انا : حضنته اهم شي انت كون بخير و الباقي ساهل
جهاد : تنهد و كان جبل و نزاح من عليه
طول جهاد و هوا حاضني
انا : احمم جهاد
جهاد : بعد و بحت فيا و مسك يدي يلي درتيه حاجه كبيره ليا و كبرتي في عيني و عرفت روحي اني اخترت صح
انا : تنهدت و ضغط ع يده و سكتت ماعرفتش شن انقول
جهاد : ااا اذا بتنزلي انزلي
انا : هزيت راسي نطلعلك دبش
جهاد : لالاه بننزل اصلا كلمتك ع الموضوع هذا
انا : هزيت راسي و صبيت و جهاد صبى معايا و فتحت الباب بننزل
جهاد : جوري
انا : التفت و بحتت فيه
جهاد : انتي الحياه الحلوه يلي حنبدا نعيش فيها ماتعدليش ع كلام حد
انا : ابتسمت ع كلامه و حسيت ب رااحه كبيره هزيت راسي و نزلت و سمعت جهاد سكر الباب و ينزل ورايا انا خشيت و هوا طلع
_________________________
انا : قمعزت جنب ماما ماما نبيك في موضوع
ماما : بحتت فيا شنو يا ماما
انا : تعالي للدار غادي
ماما : صبت معايا هيا
خشينا انا و ماما ل دار جهاد و شافتنا غدير لحقتنا طبعا 🤦♀️ و سكرت الباب
غدير : تفوو ياكلبه سر من ورايا
انا : اسكتي شويا موضوع مهم
غدير : تربعت ع السرير ها شنو احكي
انا : ماما عارفه اخت جهاد يلي ماتت قبل ماتموت خلت جهاد يحلف ت المصفح ان العويل مايتربوش عند غيره و جهاد كلمني و قالي ان بياخذ العويل و سألني اذا نقدر الحمل هذا او لا و انا صراحه وافقت بس نبيك تنصحيني انا خايفه من المسؤوليه
غدير : ينعليااا شن تبي من نصيحه تخيلي انك جايبه عيل بتقولي لامك انصحيني ع مسؤوليته خلاص مش قبلتي اعتبريهم ضناك
انا : اسكتي انتي
ماما : قمعزت جنبي و مسكت يدي شوفي يا ماما هوا صاح مسؤوليه كبيره و ابسط حاجه حتنسحب عليك انتي بس ياماما جهاد قاعد و مدام سلملك مسؤوليه كيف هذي معناتا واثق فيك و عارفك بنت ناس حتحافظي عليهم و انتي حنونه و طيبه اكيد مش حتاذيهم
انا : مستحيل يا ماما ندير حاجه كيف هذي حرام عويل قزازين
ماما : انك قلتيها عويل ايتام تاخذي فيهم اجر و جهاد معاك و اكيد حتى عيت جدهم مش حيسيبوهم و ان شاء الله ربي يقدرك عليهم
انا : هزيت راسي ان شاء الله
غدير : حيااتك فيلم و ربي
ماما : غدير
وانفتح الباب بقوه و خشت امينه
