#14فبراير ❤
#الحلقه 9
انا : نهز ب فرح يلي بترقدفي كتري و انتبع في حدثهن بصمت عند ما قالت امينه و صدمتني
امنيه : تعرفي زيد ال***
انا : استكيت و قعدت انبحت فيها وتوتر من نظراتها و نظرات البنات يلي قعدن يبحتن فياا
امينه : كملت كلامها يكون ولد عمي لما حكيت عليك قالي نعرفها كانت تقرا معايا ف جامعه
انا : قعدت انشوف لنظراتها و كانن حقيرات خصوصا تعمدت اتقطع الكلام ابتسمت بشويه ممكن هوا يعرفني بس انا لا لان مانعرفش حد من العويل ف جامعه مشاريعي كلهن مع البنات
امينه : امم ممكن هوا قال هكي نعرفها من بعيد
انا : ابتسمت بشويه ممكن
عبير : انصبي ندير قهوه
انا : صبيت حطيت فرح ف الدار و مشيت للشقه نجيب في حلويات مع القهوه خشيت لقيت جهاد طالع من الكوجينه
انا قربت حضنته و حطيت راسي ع صدره خفت ان امينه دير حاجه و تخرب بينا و نخسر جهاد لان نظراتها مايطمننش
جهاد : ابتسم و لف يده عليا و يده اخرى ع شعري حبيبي كنه
انا : ابتسمت وهزيت كتوفي شي رايفتلك
جهاد : ضحك و نزل راسه لرقبتي يبوس فيا و شنو اخرى
انا : تؤ تؤ هذكي مش توا
جهاد : عض رقبتي بشويه امتى تقوليها يامكاره
انا : حطيت يدي ع رقبتي مكان العضه خليها تطلع بروحها و معش تعض واعره
جهاد : ضحك و حول يدي و باسني و بهدوء مكان العضه و توا
انا : ابتسمت و بعدت و نبحت في عيونه توا نبي وحده اخرى
جهاد : غالي و طلب الرخيص مسكني و قعد يبوس فيا
انا : بصوت هادي ججهاد خلاص ببنزل
جهاد : بنفس الصوت عند وذني تلعبي بيا و بتعدي
انا : رفعت كرعيا و بست خده بنعدي عشان البنات يراجن فيا و العويل تحت ،عيب هكي
جهاد : باس فمي بشويه و بعد باهي عدي
انا : ابتسمت و بعدت
خشيت للكوجينه و خذيت حلويات و طلعت لقيت جهاد يبي يطلع
انا : بحتت فيه طالع
جهاد : اها ، تبي حاجه
انا : حليب للعويل و هاينز لفرح
جهاد : قرب طبس باسني تمام وخر و فتح باب الشقه
نزلت انا قبله و مبتسمه ونحس اني تعودت ع جهاد وفرحانه بمعاملته خشيت جوا
نهى : طلعت بسفره القهوه نطلعو للجنينه
عبير : هيا جنينه احسن
انا : تمام رفعت نصوري و سيب فرح راقده جوا
و طلعنا للجنينه قمعزنا ع الكراسي و نصوري يلعب جنبي قعدنا نحكو و نهدرزو و مش فاطنين لنصوري
سمعنا صوت سياره شيطت براا بقوه
انا : صبيت نصووري دروت عليه بعيوني ماكنش جنبي حي عليااا نصووري
عبير : حي الباب مفتووح
نهى : كرت الوشاح و طلعت تجري تشوف فيه براا عيطت بقوه
و انا حسيت العيطه شقت قلبي لبست وشاحي و طلعت قدام الحوش شفت الراجل شايل نصوري بين يديه و نصوري مغمى عليه ووجى كلا دم قعدت نعيط مع نهى
الراجل : قولليهم في مستشفى ال**** و ركب بسرعه ف السياره
_______________________
غدير تشوف لرقم يلي يتصل ع فارس و متاكده ان البنت يلي يكلم فيها و حست بقهر للحضه
