#14فبراير ❤
#الحلقه 10
نهى : حي ماقتلكش
انا : شنو
نهى : جاييني خطااب
انا : بفرحه حي صاح مبروك
نهى : مزال ع المبروك مازلت ماوفقت متررده و مزالو ما جو
انا : باهي ان شاء الله خير عليش متررده
نهى : لانهم من طرف امينه ولد عمها زيد اسمه قالتلي يلي يومته حكت عليه
انا : اول ماسمعت ب اسمه حسيت جسمي رعش و قلبي يدق بقوه خفت ان لو يعرف جهاد شن حيدير
جهاد : جوري
انا : التفت عليه وحسيت انه سمعه شي قلبي قعد يضرب بقوه
جهاد : قرب لف يديه ع خسري و باس خدي
انا : نسيت نهى يلي ع تلفون و تكلم فياا و عقلي كلا مشى مع جهاد بس تريحت ان ماسمعش شي اا ايوه نهى
نهى : وين رحتي
انا : الخط يريح باهي ان شاء الله خير
نهى : ان شاء الله سلميلي ع جهاد و بوسيلي العويل
انا : ان شاء الله سلام سكرت منها و التفت ع جهاد
جهاد : ابتسم صباح الخير
انا : صباح النور .. العويل وعو
جهاد : مزالو مرقدين لعبو واجد امس
انا : ابتسمت اها حبايبي
جهاد : شن تبي نهى
انا : حسيت بخوف لما قال اسمها قتلا شي تسأل
جهاد : باس خدي نعدي نوعي العويل ونجي
انا هزيت راسي و قعدت انفكر اني غلطت دسيت عليه بس من وين ح يعرف جهاد ان نفسه يلي كنت انكلم فيه و بعدين لو قلت حنخرب ع البنت و نقطع نصيبها و لو ماقلتش و دسيت و طلع جهاد عارف بتصيرلي مشكله كبيره اووف حتى الطلعه هذي نكدوها عليااا
حطيت الفطور و شفت جهاد جا و في يده فرح
انا : ابتسمت وين نصوري
جهاد : قمعز و في كتره فرح هذكي تنبال مابش ينوض
انا : اها خليه تو ينوض بروحه ، نصبلك قهوه
جهاد : صبيلي
انا : صبيتله قهوه و خذيت منه فرح قمعزت ووقعدت انديرلها في فته و مافيش حد حكى فينا قعدت انوكل فيها وانا ماكليتش مش عارفه تنكدت
جهاد : حبيبي
انا : رفعت عيوني فيه هم
جهاد : افطري ماكليتش
انا : نوكلها تو نفطر
جهاد : ابتسم و خذا هوا خبزه و جبنه و حطها ليا في فمي
انا : ابتسمت
قعد جهاد يوكل فيا و انا مبتسمه و نوكل في فرح
للكاتبه #wiush_hamo
______________________________
ابرار حطت قهوه لها ولصقر وقمعزت
ابرار : حبيبي
صقر : رفع القهوه و شرب همم
ابرار : عندي عياده را تنسى
صقر : نحط باتي ف العمل و نرد عليك وتي روحك
ابرار : باهي تمام
صقر : شرب القهوه و صبى باس خدها و طلع
ابرار صبت لمت القهوه و برمت شويا و خشت لبست عبايتها و وشاحها و قمعزت تراجي ف صقر شويا ورن عليها و نزلت ركبت معاه
ابرار : حبيبي افتح الروشن بنت دخان ضايقني
صقر : عزق الدخان وفتح الروشن هكي تمام
ابرار : ابتسمت و هزت راسها
وصلو للعياده و خشت ابرار عاينه و طلعت ركبت مع صقر
صقر : ها شن قالتلك
ابرار : وضع البيبي تمام و عطتني فيتامينات
صقر : حكيتيلها على يلي تاكلي فيه
ابرار : هزت راسها و عضه ع فمها
صقر : هز راسه كملي كملي
ابرار : قالتلي معش ناكله يضر البيبي او يركبله حسسيه حتى انها هزبتني عليه
صقر : ولع دخانه و تعقد ان شاء الله نلقاك حاطيته في فمك مره اخرى وربي و عارفتيني مانحلفش هكي و خلاص وربي السبسي هذا في فمك
ابرار : حطت يدها ع فمها و خافت سكتت
