قصص دينيه وعبرة(2)

أصحاب الابتلائات الطويله

#أصحاب_الإبتلائات_الطويلة !

الشيخ الشعراوي كان بيقول إن أصحاب الإبتلائات الطويلة هما السبب فيها !!

وقال :  مثال لو والدك دخل عليك لقاك مش بتذاكر وقاعد بتلعب فراح رزعك قلم فلقاك زعلت وتزمرررت ومش عاجبك مع إنه كان لمصلحتك !!  يعمل ايه ؟!
هايديك القلم التاني ..!
إنما لو ضربك وانت حسيت بغلطك واعتذرت هاتلاقيه يروح مطبطب عليك وياخدك ف حضنه ويراضيك بكلمتين 🌸 ، ولله المثل الاعلى💚 دا بالظبط حالنا مع الله .. ")
انت لما بتلاقي ربنا حاطك ف ابتلاء مش بترضى فتلاقي الابتلاء يطول وممكن يزيد لكن لو رضيت فدي أول خطوة تكون بتنفع بيها نفسك عشان تطلع من ابتلائك ')🌻

راجع كدا بقا القرءان بالنظره دي !!
ربنا بيقول "وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ "
مين هما الصابرين يارب ؟! ..كمل الآيه..

"الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ  "
يعني احنا بتوع ربنا يعمل فينا اللي هو عايزه واحنا ف الآخر رجعين ليه  !
الدنيا مهما طالت ولا قصرت أهم مننساش اخرتنا !!
ف دا رضا واستسلام لقضاء الله !! 💚

طب إيه الجزاء وإيه البشرى يارب ؟!
إن ربنا يصلي عليك تخيل ؟!
وكمان ينزل عليك رحماته تفرج همك وتغفر ذنبك وتيسرلك كل عسير وتجبرك .. كمل الآيه ..
"أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ ۖ وَأُولَٰئِكَ هُمُ الْمُهْتَدُونَ "

فخليني أقولك بإختصار ..
وقت ما تقابل أي ابتلاء ف حياتك فيه تلات خطوات عشان تطلع منه بشكل يقيني لا محاله

١ - إنك ترضى بيه وتسلم لأمر الله وتوقن في عدله ولطفه ورحمته وإن مع العسر فيه يسرين حتماً وإن مفيش هم بيدوم زي إن مفيش فرح بيدوم وإن المسأله مسألة وقت مش اكتر .. 🌸🌻

٢ - إنك تستعين بالله وخير ما تستعين بيه هو إنك تُكثر من ذكره والدعاء وتجتهد بكل قوتك تتقيه ، لأن دي أسباب أهم وأقوى من أي أسباب دنيوية ممكن تتخيلها لحل المشاكل وتفريج الهموم واليسر ف حياتك بالآيات والأحاديث وانت عارف طبعا !
وخليك متأكد إنك لا حول ولا قوة ليك انت ولا العالم من دون حول الله وقوته ..

٣ - إنك تاخد بالأسباب عشان تكون حققت معنى التوكل الصحيح لا التواكل ومعنى إنك تاخد بالأسباب إنك تعمل ما في وسعك فقط وتجتهد وتترك لله تدبير ما سوف يدهشك بعدها بصدق توكلك "ومن يتوكل على الله فهو حسبه ان الله بالغ امره"

🌺 كل ابتلاء واختبار في حياتك فـ هو لحب الله لك ..💚🌻