ضليت ابجي لحد ما نمت وكعدت ثاني يوم اخذت شاور وحطيت كريم لن عيوني حمر نزلت صبحت عليهم وبست اهلي كعدنة عسفرة وانكت واتعارك وية امير وكملنة نضفت البيت ومانا سوت الغداء تغدينة والعصر ماما كالت
الام: يالة حبيبتي نطلع نشتري الاغراض يادوب نلحك
غزل: ماما واللة مالة داعي
الام: حبيبتي شلون مالة داعي كومي
غزل: ماشي لبست جينز وبدي ابيض علية ورد وردي وسويت شعري كبة باهمال وحذاء ابيض وجنطة
وطلعنة فترينة السوك كلة وامي مخلت شي مجابتة واني تعبت كملنة اشترينة كلشي وكملنة ورجعنة ضليت على هل خال 3 ايام لحد ما تجة اليوم الي لازم اروح فصلية متوقعت بحياتي اروح فصلية بس شسوي الحمدللة ما ادري شنو مضموملي
__________________
اسد بعد مكملنة وتفقنة علفصلية تجي بعد ٣ ايام اني ضجت يعني شنو ذنبهة هية رجعت لبيت وكلت الامي
الام: يمة البينة شنو ذنبهة خطية
اسد: يمة حتى اني مراضي بس شسوي
الام: يمة بس تجي البت لا سويلهة شي خطية هي مالهة ذنب
اسد: يمة شسالفة اني اصلن مراضي مال شغل بيهة تجي هنا حالهة حال اسرار وزهراء ولحد ما يصحة هيثم ترجع لهلهة
الام: ماشي يمة شوكت تجي
اسد: بعد٣ ايام
الام: ماشي
اسد: يالة اترخص
الام: اللة وياك يمة
اسد: صعدت اخت شاور ونمت
ومرت هل ٣ ايام واجة يوم تجي الفصلية
___________________
غزل: كعدت الصبح اخذت شاور ولبست ملابس جينز سويتر احمر وحطيت ميكب خفيف وسويت شعري ضفيرة فرنيدسية ونزلت الجنط صارن خمس جنط ونزلت صبحت واكلنة وسلمت على ماما ضليت شابكتهة واشم بيهة اريد اشبع منهة مدري شوكت اشوفهة بعد وياسر ماشفتة لن بعد مطالع واخذني امير وبابا بسيارة واني دموعي ما نشفت الطريق كلة وصلنة لبيت لا مو بيت قصر كلش جبير وهضار داير ميدورة وشجر ويجننن نزلت ابوية وصة الشيخ علي
ابوغزل: شيخ هاي وحيدتي امانة عندك ترة واللة هي مال ذنب
الشيخ: صدك جذب واللة احسبهة مثل بناتي واكثر لا تخاف
ابو غزل: يالة نترخص
الشيخ: اللة وياك
غزل: شبكت بابا وامير وضليت ابجي ونوب راحو وضليت اباوع الهم وابجي وجان يصيح الشيخ
الشيخ: يالةبنيتي فوتي
غزل: ماشي عمو
الشيخ: بوية لا تكولين عمو كولي يابة اني بمقام ابوج
غزل: فرحت من كال هيج كتلة حاضر بابا
دخلنة لبيت جبير ودخلمة جو وشفت مرية جبيرة وبنات ثنين زغار اجت علي المرة وكالت
الشيخة: هلا يمة شلونج حبيبة
غزل: الحمدللة خالة
الشيخة: يمة كولي ماما بلة رفعي وجهج خل اشوفج
غزل: رفعت وجهي وجان تكول
الشيخة: الهم صلي على محمد وال محمد عين الباردة عليج كمر
غزل: خجلت كتلة تسلمين ماما
الشيخة: فوتي بنيتي هاي حمواتج
اسرار: هلو حبيبتي اسمي اسرار عمري١٨
زهراء: اني زهراء عمري١٦ وانتي
غزل: غزل عمري١٦
عاشت الاسامي حبيبتي
غزل. تسلمين.
اسرار. شوفي حبيبتي احنة خوات
زهراء. اي خوات وصديقاتي ولا تخسبين روحج غربية انتي منة وبينة
غزل. تلسمين حبيبتي
الشيخة: يمة صعدنهة لغرفت اسد وصعدن الجنط خل ترتاح
البنات. ماشي يمة
غزل. صعدنة
......
خلص البارت اتمنى عجبكم احبكم صوتو وتفاعل حتى استمر
