تدمرت حياتي

البارت الاول

هلاوو اسمي ريهان عمري 16 سنه طالبة ثالث متوسط من سكنة بابل 💘 اعيش ويه ماما و بابا توفه من جنت صغيره واخواني ال3 اخويه الكبير محمد هو المعين لعائلتنه عمره 28 سنه يشتغل بمعمل مال كيك و عنده سيارة تكسي واخويه امير عمرة 19 يدرس طالب سادس واخويه سيف عمرة 18 يدرس طالب سادس طبعا امير رسب بالسادس وعاد السنه وسيف صار ويا يدرس بنفس الصف حبيت احچيلكم قصتي حياتي تدمرت بسبب ثقتي الزايده بالناس وهاي الثقه صارت نقمه عليه بس الحمدلله سندي گدر يحميني من هاي الوحوش راح اترككم ويه احداث القصه…

ريهام..يله ماما باي الخط اجه راح اروح للمدرسه
الام..روحي بنتي محروسه

ريهام..صعدت للخط صباح الخير
الكل..صباح النور

ريهام..گعدت يم صديقتي هلاوو ولچ شبيچ مطنگره من الصبح

ميار..وجه النعال على اساس متدرين عدنه امتحان صخاميات

ريهام..اسمه رياضيات العشق مالي

ميار..دنچبي العشق مالهة لچ راح اموت كولشي مفاهمه

ريهام..حبي اني موجوده انشاء الله ماكو شي صعب تعالي اشرحلچ شنو المفاهمته

ميار..الفصل كوله
ريهام..ولچ هو الامتحان بفصل واحد وانتي مفاهمته شگد زماله يله تعاي اشرحلچ

ميار..وجه الچوب يله اشرحي …

ريهام..وصلنه يله ننزل بالصف اكملچ شرح
ميار..يله

ريهام..وصلنه للصف صبااااح الخيير انيي اجييت
البنات..هلا هلا برهومه،ريهام كولش اجتماعيه والبنات كولهم يحبوهة

ريهام..يله وليييج تعالي نكمل شرح
ميار..جوعانه

ريهام..انچبي عوفي الاكل وتعالي نكمل مضل وكت بعد ربع ساعة يدگ الجرس

ميار.. اوووف يله

ريهام.. تفائلي لتسوين اوووف وكملتلهة شرح ها افتهمتي

ميار.. لچ وجه النعاال احبجج اي افتهمت

ريهام.. ههههههه شگد فطيره يله خلي نحضر الاوراق
ميار.. جوعاانه

ريهام.. المدرسه راح تجي وكت اكل هسه امشي حضري ورقتج

ميار.. اي ماما افتهمت

ريهام.. امتحنت والحمدلله كالعادة جاوبت عده الدرس الاول والثاني والثالث وچان تجي المعاونه جايبه بنيه جديده بس مادري ليش مارتاحيتلهة ابد

المعاونه.. اليوم جبتلكم طالبه جديدة يله بنات رحبو بيهة

البنات.. اهلا وسهلا بيچ

البنيه.. رافعة حاجبهة وتحچي من وره خشمهة هلا بيچن عيني

ميار بهمس.. كبر لهل خلقه مبينه مكروهة

ريهام.. اووي قابل احنه شعلينه بيهة خلي تولي
ميار.. گبور لهل وجه ريهام ريهام بس ركزي على حلكهة مو يشبه حلك الضفدع

ريهام.. ههههههه خرب اسكتي فضحتينه

المدرسه.. هاا رهومة ليش تضحين ضحكينه وياچ
ريهام.. ااا ست ميار كورصتني

المدرسه.. ماما ميار ليش كورصتيها
ميار.. ههاا اانيي هاا ااي اي كورصتهة لان اليوم مجايبه الكيمياء مالي

ريهام.. اي اي صحيح
المدرسه.. تفضلو استريحو.. يله ماما عرفينه عليچ
الطالبه.. اسمي سوسن

المدرسه.. من وين
الطالبه.. من بغداد

المدرسه.. سمعت عليچ حچي صحيح

الطالبه.. اي صحيح 5 مدارس طردوني لان اثير الشغب

المدرسه.. اتمنى متسوين شغب هنا
الطالبه.. هاا اي اي ماسوي وكعدت بمكانهة
المدرسه.. يله بنات نكمل درسنه

ريهام.. خلص يومي بشكل عادي ورجعت للبيت
الام.. هلا نورتي

ريهام.. بنورچ ياغاليه هسة اغير ملابسي واجي اساعدج بالشغل

الام.. لا ماما ماعندي شي بس غيري ملابسچ وتعالي صبي غده بين ميجون خوانچ

ريهام.. اوك رحت غيرت ملابسي ونزلت لگيت محمد جاي من شغله هلاوو حمودي

محمد.. هلا حبيبي تعالي گعدي يمي اريد اسولف وياچ
ريهام.. اجيت گعدت يم محمد

محمد.. حط ايده على كتفهة شلونچ

ريهام.. تمام الحمدلل
ه
محمد.. شكو ماكو شلونچ بالدوام

ريهام.. زينه بالدوام بس اليوم اجتي بنيه جديده بالصف ماعرف مرتاحيتلهة ابد

محمد.. حبيبي اذا هيچ لتختلطين وياهة عوفيهة

ريهام.. ماكدر اني دائما مختلطه ويه البنات مال الصف انته تدري البنات يحبوني واخاف يلاحضوني

محمد.. على شنو يلاحضوچ حبيبي اسمعي كلامي لتخطلتين بيهة ويله گومي صبي غده

ريهام.. صبيت غدو تغدينه اني وماما ومحمد…سيف وامير بالدوام بعدهم مجايين

يتبع…
لتنسون ترك تصويت وعلقوا حبايب
احبگم تووومه