تدمرت حياتي

البارت التاسع

ريهام.. ااااا لغرفتي

امير.. شعندج بغرفتج وحدج ضلي يمنه
سيف.. اي تعالي اكعدي

ريهام.. اوكي اجيت.. كعدت بين سيف وامير..
الام.. يمه رهومه شبيج هيج مصفره

ريهام.. مابيه

الام.. اووووف اوووف ريهام موعليه سوالفج هسة يجي محمد ونروح للدكتور خاف مريضه

ريهام.. ماما بكيفج

امير.. بهمس.. ريهام سالفتج متبشر بخير ولج شمسويه

ريهام.. اسكت ماما لتنتبه علينه بعدين احجيلكم كولشي

سيف.. لتتبسبسون بعدين نتفاهم اسكتو

الام.. يمه شبيكم تتناكرون وتتبسبسون شمسوين

امير.. لايمه ماكو شي بس كلت الريهام مشتهي بيتزا اريد اكولهة من ايديهة

ريهام.. اي ماما يريد بيتزا

الام.. اهاا خير انشاء الله بس ترة گلبي ممرتاحلكم
سيف.. ييييمه قابل شكو هاي شبيج

الام.. مابيه يمه بس مادري گلبي ناغزني صار اسبوع والله ممرتاحه ابد وبالليل تجيني احلام مو زينه

امير.. اسم الله عليج يروحي انشاء الله ماكو شي شنو الاحلام

الام.. يمه مادري مرات احلم احنه بظلمه ونركض وجلاب تركض ورانه ومرات احلم ابوك الله يرحمه يجي يبجي ويكلي بسببج ضاعو واني والله روحي مقبوضه ييمه اخاف عليكم

ريهام.. من سمعت كلام امي حسيت راح انفجر من البجي بس مبجيت ضليت حابسه دموعي و ارجف
سيَف.. ماكو شي انشاء الله

امير.. محمد بعد شويه يجي ونروح نطلع نتعشه بمطعم ونتونس ليش ضالين هيج مخنوكين والافكار التخوف تجي على بالنه

الام.. الله كريم يمه

ريهام.. ضلينه گاعدين نباوع على المسلسل خلصت واجه محمد

محمد.. السلام عليكم
الكل. وعليكم السلام

محمد..ريهام تعالي ورايه..وراح لغرفته..

ريهام..تشاهدت على روحي ورحت ورا وگال سدي الباب سديته

محمد..تعالي گعدي گدامي

ريهام..خير شكوو

محمد..لا عيني ماكو بس اليوم اجوي جماعه مال سرسريه وخطفوني

ريهام..ااااا شنووووو

محمد..خررررب صووتج ليسمعون ولج اسمعيني
ريهام..ضليت ابچي عالصامت وساده حلگي بيدي اذوك؟

محمد..شحدهم يمدون ايدهم عليه لتبجين عمري احجي بيش تورطنه

ريهام..الله شاهد خفت اكولك

محمد..اللهم الصبر بشنو خفتي الغي

ريهام..سوسن نطتني جنطه مال حب سمته كريستال واني نسيت انطيهيا ضلت بالجنطه وهسة اكيد ديدورون