تدمرت حياتي

البارت 15

علاء.. اودعناكم
ام سوسن.. وين وين تعال
علاء.. خاله اني زعلت منج

ام سوسن.. ليش
علاء.. تخليني ادفع لو لا!؟
ام سوسن.. لا

علاء.. اذا رجلي تعتب بابا المطعم بعد والله ماحچي وياج خاله وازعل عليج
ام سوسن.. لا يمه انشاء الله مابينه زعل
علاء.. يله لعد راح ادفع

سوسن.. اباوع عليهم الاشويه يتكافشون وبعد عناء طويل وناس تجر طول وناس تجر عرض علاء اصر يدفع وامي مصره تدفع اخر شي علاء دفع وطلعنه كعدنه بمنزه وناكول موطه اني وعلاء وماما تشرب جاي طبعا هو چان شتا والجو ثلج

ام سوسن.. يمه متوازين تاكلون موطه بهلبرد
علاء.. لا خاله هاي موطه شتويه يعني مو باردة كولش

ام سوسن.. اي من خشمك الاحمر وانتي كافي لتاكلين ذبيهة للتمرضين

سوسن.. ماااااماااا
ام سوسن.. ووجع
علاء.. ههههههه خاله عوفيهة تاكول هاي حبيبتي
لتضوجيهة.. عززززة چفصت چفصه وضليت صافن..

ام سوسن.. حبيبتك شنو ولك ترة امرعدك والله هاي اختك

سوسن.. ضليت صافنه هذا شحچه

علاء.. اي اخيتييي حبيييييبتيييي.. يحچي ويمد بالكلام ويباوع صفح..

ام سوسن.. اي عفيه وانتي راح اجي اشوك حلكج ذبيهة
سوسن.. يااا ماما هاي شبيج

علاء.. خاله عوفيهة

ام سوسن.. هسه اني ليش حاركه دمي خاب دطيري
سوسن.. كملنه ورجعنه للبيت امي دخلت واني اريد ادخل چان علا گام يبشبش

علاء.. بششش بشش بسس
سوسن.. هاا شبيك ترة اني مو بزونه

علاء.. يعني هسة لو طالعين وحدنه چان شصار
سوسن.. علاء روح مو مال نوگف هيچ

علاء.. هسة ارتاحي ساعة واني اروح لبيتنه شويه واجي يم الشباك مالج

سوسن.. هااا خيير شو طالعه عينك

علاء.. ههههههه باي حياتي واموتج اذا مطلعين

سوسن.. راح واني دخلت للبيت عدلت نومة ماما
ورحت بدلت ملابسي وتمددت بجربايتي بلشت اغفه وسمعت صوت طكطكه عرفت هذا علاء ابو الگمل لبست شال وطلعت نعم

علاء..انچبي يله احچي شنو الشغله البالچ الي من تصير توافقين عليه

سوسن..علاء انته تحبني اريدك تجاوب اي او ل
ا
علاء..انتي النفس اليصعد وينزل تحبيني

سوسن..اممممم انته شتگول يعني اني لو ماحبك چان مواكفه مثل القردة عالشباك واسولف وياك

علاء..اييي يعني شنو

سوسن..مراح احچي شي خليهة للزمن
علاء..هاي شبيچ

سوسن..عيوني انته بس رووح والله باجر ورايه مدرسه وانته متخليني انام

علاء..اي اني هم حالي حالچ باچر ورايه مدرسه.