تدمرت حياتي

البارت الخامس

ريهام.. راسي حينفجر لتحچين كلتلچ نوصل واسولفلچ

ميار.. اوك من نترت بيه هيچ عرفت وراهة مصيبه طول الطريق واني افكر شبيهة وصلنه للمدرسه وكلتلهة يله سولفي

ريهام.. خلي اذب الجنطه
ميار.. يله ذبيهة اباوع عالبنات متفاجئات اليوم رهام طبت للصف بلى هوسه وضحك كول مره تكضيهة سوالف وضحك ويه البنات بس اليوم مكتفيه بالهدوء واحسهة عصبيه

ريهام.. شبيج صافنه امشي
نازك.. طالبه من طالبات الصف.. ريهام شو اليوم متسلمين

ريهام.. هلا حبي والله شويه تعبانه النفسيه
نازك..اهاا حبيبتي الله يريح بالچ

ريهام..اكولج مشفتي سوسن
نازك..لا والله يجوز بعدهة مجايه

ريهام..اها يله حبي احنه نترخص
نازك..اي مرخوصات حبيباتي

ريهام..يله ميار
ميار..شبيج گلبي هاي شصاير بيج

ريهام..نزلت دموعي وحضنتهة بنص ساحة المدرسه هئ هئ والله لو سامعة كلامج مجان صار بيه هيج

ميار..لج شكو لتخبليني شسويتي شو باعي عليه ووخرتهة من حضني

ريهام..البارحه تعاجزت اروح للصيدليه واخذت من هذا السم وطاح حضي

ميار..لچ شبيج اسم الله تعالي خاي نگعد وسولفيلي هاي بمت الكلب شسوتلج الا انعل والديهة
ريهام..كعدنه وحجيتلهة كولشي صار ويايه شفت ميار صارت عصبيه وعيونهة دمعت ابتسمت وكلتلهة هلگد تحبيني

ميار..اي اكيد احبج الله مرزقني خوات انتي اختي اذا يصيرلج شي اموت وهاي البربوك الا اطيح حظهة امشي خلي نشوفهة خاف جايه

ريهام..اي يله امشي الا افضحهة فظيحه..رحنه للصف وبعدهة مجايه دگ الجرس وصار الدرس الاول دخلت المدرسه

المدرسه..صباح الخير بنات
الطالبات..صباح الورد

المدرسه..فدوه الورداتي..ها رهومه شبيج
ريهام..مريضه شويه

المدرسه..يا حبيبتي غير تديرين بالج على نفسج
ريهام..صارت بعد

المدرسه..مابيج غير العافيه
ريهام..تسلمين ست

المدرسه..بنات الي تريد تروح تشتري خلي تروح والي تريد تاكول خلي تاكول اليوم ماعدنه شي معزلين

ريهام..جنت كاعده وجان تطب هاي الحيه اريد الزم اعصابي گدام المدرسه ماگدر وميار تگرص بيه واني اگولهة اسگتي

سوسن..ست تسمحيلي ادخول وتباوع على ريهام بمكر

المدرسه..اي ادخلي
ريهام..متحملت وگلتلهة ست تسمحيلي اروح اغسل
المدرسه..اي روحي

ريهام..رخت للحمام اغسل وجهي

سوسن..شفتهة طلعت گلت هاي فرصتي ماطول هاي ميار مو وياها ست تسمحيلي اروح للحمام المدرسه وافقت واني رحت وره ريهام

ريهام..داغسل وجان احس اكو احد واگف ورايه شفتهة سوسن لا ياحيوانه شلون تنطيني مخدرات انتي شنو من بشر اجيت اتقمدملهة وجان تحط بايدي ابره ضربتهة حيل حسيت ايدي نشلت عااااا لج هاي شسويتي هذا شنو شحقنتيني

سوسن..اشششششش صوتج ماريده يطلع تعالي ويايه

ريهام..وهي دتبجي شحقنتيني شنو هذا وين اجي
سوسن..امشي ويايه ومراح يصيرلج شي بس اذا عاندتي راح يكون هذا اخر يوم بحياتج هسه امشي وبلا صوت يلااا

ريهام..اخذتني وره المدرسه جان اكو حشيش وورد هي حفرت وطلعت موبايل اتصلت وحطته باذني
سوسن..اسمعي الي راح يگوله بالحرف

ريهام..سمعت صوت رجال يكول الوووو انته منوو شتريدون مني

الرجال..هههههه ياحلوه نفذي الي اگوله واذا متنفذين راح يكون مصيرج مثل مصير البنات الي قبلج
ريهام..شنو احچي الله ياخذك حيوااان ضليت ابجي واصيح

الرجال..بنت القندره انجبي ولا حرف شوفي لچ هسة سوسن راح تنطيج مجموعه مال كريستال وانتي توزعين للبنات الي تعرفيهم كوليلهم مال وجه او مال ذكاء بعد انتي وشطارتج واذا متسوين الي اريده راح تموتين بعد كم ساعه

ريهام..والله كولشي اسوي بس لتموتوني وهي تبجي

سوسن..سحبت الموبايل هلا باخال عندي ياب وسدت الخط
ريهام.....

يتبع..

لتنسون تصويت وتعليق حلو مثلكم
احبكم تووومه..باييي